ئابرال تۇراسى

مۇھەممەتجان راشىدىن

قالار دەريا، قالار كېچىلەر،
بۇ دۇنيادىن كېتەرمىز بىر كۈن.
قالار قەلئە، قالار پۈتۈكلەر،
بۇ دۇنيادىن كېتەرمىز بىر كۈن.


باھار باقى ئەمەس باغلارغا،
قايتالماسمىز ياشلىق چاغلارغا.
ئوخشىمايمىز مەڭگۈ تاغلارغا،
بۇ ئالەمدىن كېتەرمىز بىر كۈن.


يىغقان مالغا تارتىشىپ بولماس،
كارۋانلارغا ئارتىشىپ بولماس.
مېھماندۇرمىز تۇتساڭمۇ قونماس،
ئۇ دۇنياغا كېتەرمىز بىر كۈن.


دۈشمەنچە بول دۇشمەننى كۆرسەڭ،
ئۇزىتىپ قوي كۆچكەننى كۆرسەڭ.
جەننەت سېنىڭ جەڭگاھتا ئۆلسەڭ،
بۇ دۇنيادىن كېتەرمىز بىر كۈن.


قەددىڭنى ئەگ قەدىرلىگەنگە،
ئىگىلمىگىن جەبىرلىگەنگە.
جان توشامدۇ سەۋر دېگەنگە،
بۇ دۇنيادىن كېتەرمىز بىر كۈن.


ئالەم ئاشىق ئەمەس كۆز ياشقا،
ھايات باشقا، قىيامەت باشقا.
ئوينا دوستلار كىرگىن يۇز ياشقا
بۇ دۇنيادىن كېتەرمىز بىر كۈن.


1992-يىلى ئىيۇن، غۇلجا

++++++++++++++++++++++++++++++++++++++++++++++++++++++++++++++++++++++++++++++++++++++++++++++++

Bu dunyadin kétermiz bir kün

Muhemmetjan rashidin

 

Qalar derya, qalar kéchiler,
Bu dunyadin kétermiz bir kün.
Qalar qel'e, qalar pütükler,
Bu dunyadin kétermiz bir kün.



Bahar baqi emes baghlargha,
Qaytalmasmiz yashliq chaghlargha.
Oxshimaymiz menggü taghlargha,
Bu alemdin kétermiz bir kün.



Yighqan malgha tartiship bolmas,
Karwanlargha artiship bolmas.
Méhmandurmiz tutsangmu qonmas,
U dunyagha kétermiz bir kün.



Düshmenche bol dushmenni körseng,
Uzitip qoy köchkenni körseng.
Jennet séning jenggahta ölseng,
Bu dunyadin kétermiz bir kün.



Qeddingni eg qedirligen'ge,
Igilmigin jebirligen'ge.
Jan toshamdu sewr dégen'ge,
Bu dunyadin kétermiz bir kün.



Alem ashiq emes köz yashqa,
Hayat bashqa, qiyamet bashqa.
Oyna dostlar kirgin yuz yashqa
Bu dunyadin kétermiz bir kün.


1992-yili iyun, ghulja

+++++++++++++++++++++++++++++++++++++++++++++++++++++++++++++++++++++++++++++++++++++++++

бу дунядин кетәрмиз бир күн

муһәммәтҗан рашидин

қалар дәря, қалар кечиләр,
бу дунядин кетәрмиз бир күн.
қалар қәлә, қалар пүтүкләр,
бу дунядин кетәрмиз бир күн.



баһар бақи әмәс бағларға,
қайталмасмиз яшлиқ чағларға.
охшимаймиз мәңгү тағларға,
бу аләмдин кетәрмиз бир күн.



йиғқан малға тартишип болмас,
карванларға артишип болмас.
меһмандурмиз тутсаңму қонмас,
у дуняға кетәрмиз бир күн.



дүшмәнчә бол душмәнни көрсәң,
узитип қой көчкәнни көрсәң.
җәннәт сениң җәңгаһта өлсәң,
бу дунядин кетәрмиз бир күн.



қәддиңни әг қәдирлигәнгә,
игилмигин җәбирлигәнгә.
җан тошамду сәвр дегәнгә,
бу дунядин кетәрмиз бир күн.



аләм ашиқ әмәс көз яшқа,
һаят башқа, қиямәт башқа.
ойна достлар киргин юз яшқа
бу дунядин кетәрмиз бир күн.



1992-йили июн, ғулҗа