دۆلىتىمىزنى تاڭ قالدۇرغان ئۇيغۇر پۇتبولچى بارى ھەققىدە
ئىلاۋە: بارى دۆلىتىمىزنىڭ ئۇيغۇر پۇتبول تەنھەرىكەتچىسى،2011-يىلى 3-ئاينىڭ 1-كۈنىدىكى خاڭجۇ يېشىل شەھەر كوماندىسىنىڭ ئاسىيا لوڭقىسىنى تالىشىش مۇسابىقىسىدە بىر توپ كىرگۈزۈپ داڭق چىقارغان،ھازىر جىياڭسۇ شۈنتىيەن كوماندىسىنىڭ ئەزاسى.
بارىنىڭ كىشىلىك ئارخىبى
قىسقىچە تونۇشتۇرىلىشى
بارى خاڭجۇ يېشىل شەھەر كوماندىسىنىڭ تېرىنىرى ۋۇجىنگۈي تەرىپىدىن بايقالغان كەلگۈسى پارلاق پۇتبولچى بولۇپ ئۆزىنىڭ ئەڭ ياخشى ئىپادىسى بىلەن مىروسراف بۇلازىۋىچ تەرىپىدىن يېڭى بىر نۆۋەتلىك دۆلەتلىك ئولىمپىك پۇتبول كوماندىسىغا تاللانغان.بارى ئىلگىرى شىنجاڭ ئۆكتەبىر پۇتبول كولۇبىنىڭ ئەزاسى بولۇپ دۆلەتلىك تەنھەرىكەت يىغىنى تۈگىگەندىن كېيىن ئۆزىنىڭ قايسى كوماندىدا توپ تېپىش توغرىسىدا قاتتىق ئويلىنىۋاتقان مەزگىللىرى ئىدى.دەل بۇ چاغدا ئۇ ۋۇجىنگۈي تەرىپىدىن خاڭجۇ يېشىل شەھەر كوماندىسىغا تەكلىپ قىلىنىدۇ،بارىمۇ بۇ تەكلىپنى خۇشاللىق بىلەن قوبۇل قىلىدۇ.ئەمما دىيارىمىز خاڭجۇ كۇلۇبىدىن بارىنى تەربىيىلەش ھەققى ئېلىشنى تەلەپ قىلىپ تۇرىۋالىدۇ،يېشىل شەھەر كوماندىسىنىڭ چىڭ تۇرىشى ئارقىسىدا بارى يېشىل كوماندىسىغا ھەقسىز قوبۇل قىلىنىدۇ.شۇ چاغدا شىنجاڭ كوماندىسىنىڭ يېتەكچىسى مۇخبىرغا :پۇتبولچىلىرىمىزنىڭ كەلگۈسى ئۈچۈن ئۇلارنى جۇڭگو دەرىجىدىن تاشقىرى پۇتبول بىرلەشمە كوماندىلىرىغا ھەقسىز بولسىمۇ بېرىمىز،چۈنكى بىز ئۇلارنىڭ كەلگۈسى چىقىش يولىنى كۆزلەيمىز.»دەل بۇ پۇرسەت بارىنىڭ يېشىل شەھەر كوماندىسىدا تۇنجى توپنى كىرگۈزۈشكە شارائىت ھازىرلاپ بەرگەن ھەمدە ئاسىيا لوڭقىسى مۇسابىقە مەيدانىدا ئۆز ماھارىتىنى نامايان قىلىدىغان سەھنە بارلىققا كەلگەن.ئۇنىڭ ئىپادىسى ھەتتا دۆلەتلىك ئولىمپىك كوماندىسىنىڭ تېرىنىرى بۇلازىۋىچنىمۇ ھەيران قالدۇرغان.
بارىنىڭ توپ تىپىش سەنئىتىنى بىر سۆزگە يىغىنچاقلىغاندا ئۇ پۇتبولنى تولىمۇ «شىددەت»بىلەن تىپىدۇ،ئالدى ۋە كەينى مەيداندا توختىماستىن يۈگۈرۈشى ئۇنىڭ چىدامچانلىقى،قەيسەرلىكى،ئالغا ئىنتىلىشچان روھىنى نامايان قىلغان.ئۇ 3-ئاينىڭ 1-كۈنىدىكى فۇرۇيا كوماندىسى بىلەن ئېلىپ بېرىلغان مۇسابىقىدە بىر توپ كىرگۈزۈپ زور غۇلغۇلا قوزغىغان.
16ياشقا كىرگەن يىلى شىنجاڭ كوماندىسى بارىنىڭ ماھارىتىگە تايىنىپ بىر توپ كىرگۈزگەن ھەمدە 46يىلدىن بۇيانقى تۇنجى قېتىملىق دۆلەتلىك تەنھەرىكەت مۇسابىقىسدە ھەل قىلغۇچ مۇسابىقىگە كىرىش غايىسىنى ئەمەلگە ئاشۇرغان،شىنجاڭ پۇتبول بىرلەشمىسى ئىككى قېتىم بارىنى دۆلەت ياشلار كوماندىسىغا تەۋسىيە قىلغان،ئەمما ئىككىلا قېتىمدا قارشى تەرەپنىڭ رەت قىلىنىشغا ئۇچرىغان.ئۆتكەن مەزگىللىك دۆلەتلىك ئولىمپىك مەشقىدە بۇلازىۋىچ بارىنى كوماندىغا قوبۇل قىلىدىغانلىقىنى ئاشكارىلىغان.2009-يىلىدىن بۇرۇن ئۇ شىنجاڭ تەنتەربىيە لاتارىيىسى كوماندىسىدا توپ ئوينىغان،2010-يىلىدىن 2012-يىلىغىچە خاڭجۇ يېشىل شەھەر كوماندىسىدا توپ ئوينىغان،ھازىر ئۇ جىياڭسۇ شۈنتىيەندە ئۆز رولىنى جارى قىلدۇرماقتا.
شىنجاڭ كوماندىسىدىن ئاسىيا لوڭقىسىنى تالىشىش مۇسابىقىسىگە قەدەر،بارى كۆپلىگەن ئەگىر توقايلارنى باشتىن كەچۈرگەن.14ياشقا كىرگەن يىلى ئۇ تېلىۋىزوردىن سوڭ چىڭلىڭ پۇتبول كوماندىسىغا ئوقۇغۇچى قوبۇل قىلىدىغانلىقىنى كۆرگەندىن كېيىن تۇغقىنىنىڭ ياردىمىدە ئۈرۈمچىگە سىناققا قاتنىشىش ئۈچۈن كېلىدۇ،ھەمدە تۇغما تالانتى بىلەن شىنجاڭ پۇتبول مەكتىۋىنىڭ تۇنجى قارارلىق ئوقۇغۇچىسىغا ئايلىنىدۇ.16ياشقا كىرگەن يىلى ئۇ 10-نۆۋەتلىك دۆلەتلىك تەنھەرىكەت يىغىنىنىڭ پارلاق يۇلتۇزىغا ئايلىنىدۇ،دەل ئۇ كىرگۈزگەن بىر توپ سەۋەپلىك شىنجاڭ كوماندىسىنىڭ 46يىللىق ئارزۇسى رىئاللىققا ئايلىنىدۇ.ئىككى يىل ئۆتكەندىن كېيىن 18ياشلىق بارى شىنجاڭ لاتارىيە كوماندىسىنىڭ ئاساسلىق ئەزاسى بولىدۇ ھەم ئىككى پەسىللىك جۇڭگو ب دەرىجىلىك بىرلەشمە مۇسابىقىسىگە قاتنىشىدۇ.2010-يىلىدىكى مۇسابىقە پەسلىدە ئۇ بازارلىشىشقا قاراپ يۈزلىنىدۇ ۋە ۋۇجىنگۈي تەرىپىدىن يېشىل شەھەر كوماندىسىغا تاللىنىپ بارىدۇ.لۇنىڭ كوماندىسىدىكى مەمەتجاندىن كېيىنكى ئىككىنجى بولۇپ جۇڭگو دەرىجىدىن تاشقىرى بىرلەشمە مۇسابىقىسىدە توپ تېپىش پۇرسىتىگە نائىل بولغان بارى ئۆز قان تەرى ئارقىلىق ئۆز قىممىتىنى پۈتۈن دۆلەت ئەھلىگە ھەتتا دۇنياغا تونۇتقان.
بارى مۇھەممەتئەلى 2012-يىلى 12-ئاينىڭ 26-كۈنى جىياڭسۇ شۈنتىيەن كوماندىسىنىڭ رەسمىي ئەزاسى بولغان.
ئىسم فامىلىسى:بارى مۇھەممەتئەلى
بوي ئېگىزلىكى:176 CM
ئېغىرلىقى:70كلوگرام
تۇغۇلغان ۋاقتى:1989-يىل 7-ئاينىڭ 27-كۈنى
يۇرتى:كۆكتوقاي بازىرى
مىللىتى:ئۇيغۇر
كەسپى:پۇتبول تەنھەرىكەتچىسى
كەسپىي ئالاھىدىلىكى:سۈرئىتى تېز،كۈچلۈك،ئىرادىلىك،توپ ئېلىپ مېڭىشقا ماھىر.
قان تىپى:AB
