ئاسىيا كىندىكى تورى خەۋىرى، 12-ئاينىڭ 17-كۈنى شىنجاڭ ج خ نازارىتى قاتناش ساقچى باش ئەترىتى چىقارغان ئۇقتۇرۇشتا دېيىلىشىچە ، شىنجاڭ سىرتىدىن كەلگەنلەرنىڭ كىچىك تىپتىكى ئاپتوبۇس شوپۇرلۇق پىراۋىسىنى ئىلتىماس قىلىشىغا نىسبەت بويىچە چەك قويۇشنى ئومۇميۈزلۈك ئەمەلدىن قالدۇرۇشنى قارار قىلغان. بۇنىڭدىن كېيىن سىرتتىن كەلگەنلەر شىنجاڭدا پىراۋىغا ئىلتىماس قىلغاندا ئۆچرەتتە تۇرىدىغان ۋە ئارتۇق پۇل تاپشۇرىدىغان ئىشلارغا خاتىمە بېرىلىدىكەن.
ئاپتونوم رايونلۇق جامائەت خەۋپسىزلىكى نازارىتى قاتناش ساقچى باش ئەترىتى ئاپتوموبىل باشقۇرۇش ئىدارىسى شوپۇرلارنى باشقۇرۇش چوڭ ئەترىتىنىڭ باشلىقى سۈي خۇەييۈنىڭ ئاسىيا كىندىكى تورى مۇخبىرىغا ئېيتىشىچە، ئەسلىدە سىرتتىن كەلگەنلەرنىڭ پىراۋىغا ئىلتىماس قىلىشىغا چەك قويۇشتىكى مەقسەت، ئادەم ئامىلدىن پايدىلىنىپ يوچۇقتىن پايدىلىنىشنى توسۇش ئۈچۈن ئىدى، لېكىن ھازىر ئىمتىھان ئەقلىي ئىقتىدارلىق تېخنىكا ئارقىلىق نازارەت قىلىنىدىغان بولغاچقا، بۇنداق مەسىلىلەر مەۋجۇت ئەمەس ئىكەن. بۇ بەلگىلىمىنىڭ ئەمەلىيلىشىشى ئۈچۈن، قاتناش تارماقلىرى شوپۇرلۇق مەكتەپنىڭ قالايمىقان ھەق يىغىش قىلمىشلىرىنى قاتتىق نازارەت قىلىدىكەن.
