ئۈرۈمچى جەنۇبىي ئازادلىق يولى ماي قاچىلاش پونكىتىنىڭ يېڭىدىن چىقارغان ئۇقتۇرۇشىغا ئاساسلانغاندا، 9-ئاينىڭ 28-كۈنىدىن 10-ئاينىڭ 3-كۈنىگىچە ئۈرۈمچى شەھەر ئىچىدىكى قىسمەن رايونلاردا زەھەرلىك، ئاسان پارتلايدىغان، كۈچلۈك چىرىتكۈچى بۇيۇملارنى توشۇيدىغان يۈك ئاپتوموبىللىرى يول يۈرۈشتىن توختىتىلىدىكەن. بۇ جەرياندا ماي قاچىلاش پونكىتلىرىنىڭ نورمال ماي بىلەن تەمىنلىشى تەسىرگە ئۇچراش ئېھتىماللىقى بار ئىكەن. شىنجاڭ جېۋېي ئاپتوموبىلغا ئىشلىتىلىدىغان يېقىلغۇ گاز چەكلىك شىركىتى (新疆洁威车用燃气有限公司) تىيەنجىن يولى گاز قاچىلاش پونكىتى تەمىنلىگەن ئۇچۇرغا ئاساسلانغاندا، بۇ خىل ئەھۋال ئۈرۈمچى شەھىرى ئىچىدىكى ماي قاچىلاش پونكىتلىرىغىلا تەسىر كۆرسىتىدىغان بولۇپ، شەھەر ئەتراپىدىكى ماي قاچىلاش پونكىتلىرى ماينى نورمال تەمىنلەيدىكەن.