11-ئاينىڭ 3-كۈنى ئېلان قىلىنغان «جۇڭگو كوممۇنىستىك پارتىيەسى مەركەزنىڭ خەلق ئىگىلىكى ۋە جەمئىيەت تەرەققىياتنىڭ ئون ئۈچىنچى بەش يىللىق پىلان تەكلىپى» دە ئوتتۇرىغا قويۇلۇشىچە، پۈتۈن خەلق سۇغۇرتىغا قاتنىشىش پىلانىنى ئەمەلىيلەشتۈرۈپ، قانۇن بېكىتكەن كىشىلەرنىڭ ھەممىسى ئاساسىي جەھەتتىن سۇغۇرتىغا قاتنىشىش ئەمەلىيلەشتۈرۈلىدىكەن. ئىجتىمائىي سۇغۇرتا ھەققى نىسبىتىنى ماس ھالدا تۆۋەنلىتىپ، ئىجتىمائىي سۇغۇرتا سىستېمىسىنى مۇكەممەللەشتۈرىدىكەن.
مۇخبىرنىڭ ئادەم كۈچى بايلىقى ۋە ئىجتىمائىي كاپالەت مىنىستىرلىقىدىن ئىگىلىشىچە، ياشانغاندا كۈتۈنۈش ئاساسىي سۇغۇرتىسى، داۋالىنىش ئاساسىي سۇغۇرتىسى، ئىشسىزلىق سۇغۇرتىسى، ئىش ئۈستىدە يارىلىنىش سۇغۇرتىسى، تۇغۇت سۇغۇرتىسى قاتارلىق بەش خىل سۇغۇرتا ئىچىدە، دۆلىتىمىز ئىشسىزلىق سۇغۇرتىسى، ئىش ئۈستىدە يارىلىنىش سۇغۇرتىسى ۋە تۇغۇت سۇغۇرتىسىنىڭ ھەق نىسبىتىنى تۆۋەنلىتىدىكەن. 9-ئاينىڭ ئاخىرىغىچە، 31 ئۆلكە ۋە شىنجاڭ ئىشلەپچىقىرىش بىڭتۈەنى ئىشسىزلىق سۇغۇرتىسى ھەق نىسبىتىنى تۆۋەنلىتىشكە ئالاقىدار تەدبىرلەرنى قوللانغان ئىكەن، 26 ئۆلكە ئىش ئۈستىدە يارىلىنىش سۇغۇرتا ھەق نىسبىتىنى تۆۋەنلىتىشنى ئەمەلىيلەشتۈرگەن ئىكەن.
