ئۈرۈمچى ئايرودۇرۇمىدا ئايروپىلانغا چىقىش ۋاقىتلىق كىنىشكىسىنى ھەقسىز بېجىرگىلى بولىدۇ، 2-ئاينىڭ 3-كۈنىدىن باشلاپ، خەلق ئاۋىياتسىيەسى شىنجاڭ ئايرودۇرۇمى ج خ ئىدارىسى ئايروپىلان كۈتۈش بىناسى ساقچىخانىسى كىملىكىنى يىتتۈرۈپ قويغان يولۇچىلارغا ئايروپىلانغا چىقىش ۋاقىتلىق كىنىشكىسىنى ھەقسىز بېجىرىپ بېرىدۇ.
بۇندىن بۇرۇن، شىنجاڭ ئۇيغۇر ئاپتونوم رايونى تەرەققىيات ۋە ئىسلاھات كومىتېتىنىڭ بەلگىلىمىسى بويىچە، ئايروپىلانغا چىقىش ۋاقىتلىق كىنىشكىسى بېجىرىش ئۈچۈن 40 يۈەن ھەق يىغىلاتتى.
ئەسكەرتىشكە تېگىشلىكى شۇكى، ۋاقىتلىق كىنىشكا بېجىرمەكچى بولغانلار ئايروپىلان قوزغىلىشتىن ئىككى سائەت بۇرۇن بېجىرىدىغان بولۇپ، ئۈنۈملۈك كۈچكە ئىگە مۇددىتى 7 كۈن ئىكەن، ساياھەت، ئايروپىلان ئالمىشىش ئۈچۈن ئىشلىتىدىغان يولۇچىلارغا قارىتا مۇناسىپ ئۇزارتىپ بېرىلىدىكەن، لېكىن، ئەڭ ئۇزۇن بولغاندىمۇ 15 كۈندە چەكلىنىدىكەن.
