دۆلەتلىك سەھىيە پىلانلىق تۇغۇت كومېتىتى ئىككى پەرزەنتلىك بولغاندىن كېيىن، يالغۇز پەرزەنت كۆرگەنلىك پۇلىنى قايتۇرۇش ياكى قايتۇرماسلىق ھەققىدىكى سوئالىغا ئىنكاس قايتۇرۇپ، دۆلەت سەھىيە پىلانلىق تۇغۇت كومىتېتى، مۇناسىۋەتلىك ئورۇنلاردىن، ماسلاشتۇرۇش خىزمىتىنى ياخشى ئىشلەشنى، ئاممىنىڭ ھوقۇق مەنپەئەتىگە مۇناسىۋەتلىك ئىشلارنى ياخشى بىر تەرەپ قىلىشنى تەلەپ قىلغان.
ئالدىنقى كۈنى، جېڭجۇلۇق چېن خانىم ئىككىنچى پەرزەنتنى تۇغۇشقا ئىلتىماس قىلغاندا، ئىلگىرى بەھرىمەن بولغان يالغۇز پەرزەنت كۆرگەنلىك پۇلىنى قايتۇرۇپ بېرىشى تەلەپ قىلىنغان. بۇنىڭ سەۋەبى شۇكى: «خېنەن ئۆلكىسىنىڭ نوپۇس ۋە پىلانلىق تۇغۇت نىزامنامىسى» دە ئىككىنچى پەرزەنت كۆرۈش تەستىقىنى ئالغانلار، «يالغۇز پەرزەنت كۆرگەن ئاتا-ئانىلار شەرەپ گۇۋاھنامىسى» نى ھەم بۈگۈنگە قەدەر يالغۇز پەرزەنت كۆرگەنلىكى سەۋەبلىك ئېرىشكەن بارلىق مۇكاپات پۇللىرىنى قايتۇرىدۇ دەپ بەلگىلەنگەن ئىكەن.
دۆلەت سەھىيە پىلانلىق تۇغۇت كومىتېتى بۇنىڭغا ئىنكاس قايتۇرۇپ مەركەزنىڭ تۇغۇت سىياسىتىنى مۇكەممەللەشتۈرۈش تەڭشەش توغرىسىدىكى ئورۇنلاشتۇرۇش، يوليورۇقلىرىنى ياخشى ئىزچىللاشتۇرۇش ئۈچۈن، دۆلەت سەھىيە پىلانلىق تۇغۇت كومىتېتى يىل بېشىدا بېسىپ تارقاتقان «دۆلەت سەھىيە پىلانلىق تۇغۇت كومىتېتىنىڭ (جۇڭگو كومپارتىيەسى مەركىزىي كومىتېتى دۆلەت ئىشلىرى كومىتېتىنىڭ تۇغۇت سىياسىتىنى مۇكەممەللەشتۈرۈش توغرىسىدىكى پىكرى) ھەققىدىكى ئۇقتۇرۇشىنى ئىزچىل ئەمەلىيلەشتۈرۈش» تۇغۇت سىياسەت-چارىلىرى بىلەن مۇناسىۋەتلىك خىزمەتلەرنى ماسلاشتۇرۇپ تەڭشەش توغرىسىدىكى كونكرېت تەلىپىدە ئېنىق قىلىپ: يالغۇز پەرزەنت ئەر- ئاياللار يەنە تۇغۇشقا ئىلتىماس قىلسا، «يالغۇز پەرزەنت كۆرگەن ئاتا-ئانىلار شەرەپ گۇۋاھنامىسى» نى بىكار قىلىپ، يالغۇز پەرزەنت كۆرگەن ئاتا-ئانىلار بەھرىمەن بولىدىغان پۇلدىن، داۋاملىق بەھرىمەن بولسا بولمايدۇ، ئىلگىرى بەھرىمەن بولغان پۇلنى قايتۇرمىسىمۇ بولىدۇ دەپ بەلگىلەنگەن.
