ئۈرۈمچى كەچلىك گېزىتى خەۋىرى:
مېڭىگە قان چۈشۈش كۆپ كۆرۈلىدىغان كېسەللىك، قان بېسىم، قاندىكى قەنت ۋە ياغنى كونترول قىلىش، يېمەك-ئىچمەككە دىققەت قىلىش، تاماكا ۋە ھاراق تاشلاش، زىيادە چارچاشتىن ساقلىنىش، باش بىلەن مۈرىنى ئۇۋۇلاش بۇ كېسەلنىڭ ئالدىنى ئۈنۈملۈك ئالالايدۇ.
باشنى ئۇۋۇلاش. بەش بارماقنى ئېچىپ پېشانىدىن باشلاپ تاكى مېڭىنىڭ ئارقىسىغىچە ئۇۋۇلاپ، مېڭىنىڭ قان ئايلىنىشنى ياخشىلاپ چوڭ مېڭىدە قان راۋان بولۇشنى ئەمەلگە ئاشۇرىدۇ.
بويۇننى ئۇۋۇلاش. بەش بارماقنى جۈپلەپ بويۇننىڭ كەينىنى تۇتۇپ، ئىككى تەرەپنى تاكى تېرە قىزارغىچە ئۇۋۇلاپ بەرسە، بويۇندىكى قان تومۇرلارغا ياغ يىغىلىۋېلىشنىڭ ئالدىنى ئالغىلى بولىدۇ.
بويۇننى ھەرىكەتلەندۈرۈش. بويۇننى ئەركىن قويىۋىتىپ ئالدى كەينى ۋە ئوڭ سولغا ئاستا-ئاستا قارشى يۆنىلىشتە يەنە بىر قېتىم ئايلاندۇرۇپ بەرسە، قان تومۇرلارنى بېسىمدىن خالاس قىلغىلى ھەمدە ئەۋرىشىملىكىنى ئاشۇرۇپ، قان ئايلىنىشنى راۋانلاشتۇرغىلى بولىدۇ.
