چىچانخۇ ساي قەدىمىي قەبرىستانلىقى تۇرپان شەھىرىنىڭ چىچان بازىرى تەۋەسىدىكى چىچانخۇ ۋوگزالىنىڭ غەربىي - جەنۇبىي تەرىپىگە تەخمىنەن 5.7 كىلومېتىر كېلىدىغان ئورۇنغا جايلاشقان. شەرقىي مېرىدىئان 89 گىرادۇس 24 مىنۇت 42 سېكۇنت، شىمالىي پاراللېل 43 گرادۇس 4 مىنۇت 7 سېكۇنتتا بولۇپ، دېڭىز يۈزىدىن 498 مېتىر ئېگىز.

بۇ قەدىمىي قەبرىستانلىقنىڭ يەر شارائىتى ئالاھىدە بولۇپ، جەنۇبىي تەرەپتە يالقۇنتاغ تىزمىسى بىلەن، شىمالىي تەرەپتە تەڭرىتاغ تېغى ئارىلىقىدىكى كەڭ تۈز كەتكەن چىچانخۇ سايلىقىنىڭ غەربىي - شىمالىي چېتىگە تۇتىشىدۇ. شەرقىي تەرىپى ئايدىڭكۆل خىمىيە زاۋۇتىدىن چىچانخۇغا بارىدىغان تاشيولغا 150 مېتىر ئەتراپىدا كېلىدۇ.

تولۇق تېكستى...

چىكاڭكۆل سۇ ئامبىرى قەدىمىي قەبرىستانلىقى تۇرپان شەھىرىنىڭ سىڭگىم يېزىسى تەۋەسىدىكى چىكاڭكۆل سۇ ئامبىرىنىڭ غەربىي تەرىپىدە شەرقىي مېرىدىئان 89 گرادۇس 35 مىنۇت 53 سېكۇنت، شىمالىي پاراللېل 42 گىرادۇس 57 مىنۇت 4 سېكۇنتتا بولۇپ، غولنىڭ ئارىلىقىدا شەكىللەنگەن ئارال تۈسىدىكى ئېگىزلىككە جايلاشقان.

چىكاڭكۆل سۇ ئامبىرى قەدىمىي قەبرىستانلىقى دېڭىز يۈزىدىن 136 مېتىر ئېگىز.

تولۇق تېكستى...

ئايدىڭكۆل قەدىمىي قەبرىستانلىقى تۇرپان شەھىرىنىڭ ئايدىڭكۆل يېزىسىنىڭ غەربىي - شىمالىي قىسمىدا 8 كىلومېتىر كېلىدىغان بىر چۆلگە جايلاشقان بولۇپ، دېڭىز يۈزىدىن 40 مېتىر ئېگىز.

بۇ قەدىمىي قەبرىلەرنىڭ غەربىي - جەنۇبىي تەرىپى بىلەن بۇغان تۇرىنىڭ ئارىلىقى 5 كىلومېتىر كېلىدۇ. يېڭى ياسالغان قاراماي يولى بار. بۇ يول قەبرىستانلىقنىڭ شىمالىدىن، بۇغان تۇرىنىڭ جەنۇبىدىن ئۆتىدۇ. بۇ يەر ئېگىز - پەس شەكىللەنگەن، يانتاقلار ئۆسكەن. تۇپرىقى مۇنبەت سېغىز توپا، يۇمشاق، چوقچىيىپ قالغان ئېگىز جايلىرىدا تۇزلىشىش، شورلىشىش ئەھۋالى ئېغىر.

تولۇق تېكستى...

قەدىمىي شەھەر مەھەللىسى قەبرىستانلىقى تۇرپان شەھىرىنىڭ يار يېزىسى يارغول قەدىمىي شەھىرىنىڭ شەرقىي - شىمالىي تەرىپىدە تەخمىنەن كىلومېتىر كېلىدىغان يەردە. شەرقىي مېردىئان 89 گرادۇس 3 مىنۇت 20 سېكۇنت، شىمالىي پاراللېل 42 گرادۇس 57 مىنۇت 52 سېكۇنتتا بولۇپ، دېڭىز يۈزىدىن 90 مېتىر ئېگىز.

بۇ قەدىمىي قەبرىستانلىق يارغول قەدىمىي شەھىرىنىڭ شىمالىي تەرىپىسىدىكى يەنە بىر ئېگىزلىكنىڭ ئۈستىدە. بۇ ئېگىزلىكمۇ ئېگىز - پەس، تەكشى ئەمەس. بوراننىڭ يالاپ ئۇچۇرتۇشى بەك ئېغىر، لەھەتلەرنىڭ كۆپ قىسمى بوراندا ئۇچۇرتۇپ كېتىلگەچكە، لەھەتمۇ ياكى باشقا بىر ئازگالمۇ بىلگىلى بولمايدىغان بىر دەرىجىگە كېلىپ قالغان.

تولۇق تېكستى...

چەشتاغ قەدىمىي قەبرىستانلىقى تۇرپان شەھىرىنىڭ يار يېزىسى تەۋەسىدىكى سەيدىخان مەھەللىرىنىڭ غەربىي تەرىپىدە. يەنى شىمالىي پاراللېل 42 گرادۇس 55 مىنۇت 23 سېكۇنت، شەرقىي مېرىدىئان 89 گرادۇس 7 مىنۇت 20 سېكۇنتتا بولۇپ، تۇرپان - ئايدىڭكۆل تاشيولىنىڭ بويىغا جايلاشقان.

چەشتاغ قەدىمىي قەبرىستانلىقى دېڭىز يۈزىدىن 0 مېتىرلىق ئورۇنغا توغرا كېلىدۇ. ئەتراپىنىڭ شەكلى تەكشى ئەمەس، سايلىق، تاغلىق ۋە ئېتىزلىقلار بىلەن ئارىلىشىپ كەتكەن. چەشتاغ قەدىمىي قەبرىستانلىقى ئىگىلىگەن ئومۇمىي يەر كۆلىمى 100 كۋادرات مېتىر كېلىدۇ.

تولۇق تېكستى...

يارغول قەبرىستانلىقى تۇرپان شەھىرىنىڭ يار يېزىسى تەۋەلىكىدە.

بۇ قەبرىستانلىق تۇزلۇق تاغ تىزمىسىنىڭ ئىچى غول دەپ ئاتىلىدىغان غولنىڭ شىمالىي تەرىپىدە، شەرقىي مېرىدىئان 89 گرادۇس 2 مىنۇت 53 سېكۇنتتىن 4 مىنۇت 34 سېكۇنتقىچە، شىمالىي پاراللېل 42 گرادۇس 57 مىنۇت 18 سېكۇنتتىن 56 مىنۇت 34 سېكۇنتقىچە ئارىلىقتا بولۇپ، دېڭىز يۈزىدىن 75 مېتىر ئېگىزلىككە جايلاشقان.

يارغول قەدىمىي قەبرىستانلىقىنىڭ ئىگىلىگەن ئومۇمىي يەر كۆلىمى تەخمىنەن تۆت كۋادرات كىلومېتىر كېلىدۇ.

تولۇق تېكستى...

يارغول سىپتا تاش قورال ئىزى، تۇرپان شەھىرىنىڭ يار يېزىسى يارغول مەھەللىسى تەۋەسىدىكى يارغول قەدىمىي شەھىرىنىڭ جەنۇبىي تەرىپىدە، يەنى يار يېزىسى تەۋەلىكىدىكى 3 - غول بىلەن 4 - غولنىڭ ئارىلىقىدىكى ئېگىزلىككە جايلاشقان.

بۇ قەدىمىي ئىز يارغول قەدىمىي شەھىرىنىڭ جەنۇبىدىكى 3– غول بىلەن 4–غولنىڭ ئارىلىقىدىكى ئېگىزلىككە جايلاشقان. ئېگىزلىكتە چوقچىيىپ چىققان كىچىك قۇم بارخانلىرى بار. سېغىز تۇپراق قاتلىمى سەل قېلىن، شىمالىي تەرىپىدە بىر پارچە تاش دۆۋىلەنگەن قەبرىستانلىق بار. ئۇنىڭ جەنۇبىي تەرىپى ياكى قىرغاققىچە تۇتاشقان.

تولۇق تېكستى...

ئاستانە سىپتا تاش قورال ئىزى تۇرپان شەھىرىنىڭ ئاستانە يېزىسى كارسان مەھەللىسى تەۋەلىكىدە تېپىلغان.

بۇ سىپتا تاش قورال ئىزى ئاستانە قەدىمىي قەبرە رايونىنىڭ ئوتتۇرا قىسمىدا بولۇپ، دېڭىز يۈزىدىن 40 مېتىر تۆۋەن جايدا.

قورام تاشلىق كەڭ كەتكەن ساي ئىچىنى ئېقىن يولى كېسىپ ئۆتكەن. سۇ سېرىق رەڭدىكى قۇم تۇپراقنى ئاشكارىلاپ قويغان. ئەتراپىدا تاش دۆۋىلەنگەن قەبرىلەر بار. قەبرە توپىلىرى ئېنىق كۆرۈنۈپ تۇرىدۇ. غەربىي - شىمالىي ۋە شەرقىي - جەنۇبىي تەرىپىدىن بىردىن كېسەك بىلەن ياسالغان مازارنىڭ ئىزى بار.

تولۇق تېكستى...