بۈگۈن ئالما شىركىتى مۇدىرىيىتىدىكىلەر، ئالما شىركىتى باش ئىجرائىيە ئەمەلدارى(CEO) سىتىۋ جوبزنىڭ ئىستېپا بەرگەنلىكىنى، ئۇنىڭ ئورنىغا ئالما شىركىتىنىڭ COO سى تىم كۇكنىڭ باش ئىجرائىيە ئەمەلدارلىقىغا تەيىنلەنگەنلىكىنى ئېلان قىلدى، جوبز مۇدىرىيەتنىڭ رەئىسلىكىگە سايلىنىدىغان، كۇك مۇدىرىيەتكە قوشۇلىدىغان، بۇ قارار دەرھال كۈچكە ئىگە قىلىنىدىغان بولدى. كىشىلەر پەرەز قىلىپ يەتكەن بۇ كۈن يەنىلا يېتىپ كەلدى…

جوبز 24-چېسلا ئالما شىركىتى مۇدىرېيىتىدىكىلەر ۋە خىزمەتچىلەرگە سۇنغان ئىستىپانامىسىدە كۆرسىتىلىشىچە، ئۇ خېلى بۇرۇنلا، تاكى باش ئىجرائىيە ئەمەلدارىلىق ۋەزىپىسىنى قايتا ئۆتىيەلمىگۈدەك بولغان چاغدا كۆپچىلىككە چوقۇم ئۇقتۇرۇش ھەققىدە تەييارلىق كۆرۈپ قويغان ئىكەن، ئويلىمىغان يەردىن بۇ كۈن يەنىلا يېتىپ كەلگەن، ئۇ بىرلا ۋاقىتا كۇكنى ئۇنىڭ ئورنىغا باش ئىجرائىيە ئەمەلدارىلىق ۋەزىپىسىنى ئۆتەشكە نامزات قىلىپ كۆرسەتكەن.

جوبز يەنە خېتىدە ئالما شىركىتىنىڭ پارلاق كەلگۈسىگە زور ئىشەنچ بىلەن قارايدىغانلىقىنى، ئالمىنىڭ ھەر بىر خىزمەتچىسىگە چىن كۆڭلىدىن رەھمەت ئېيتىدىغانلىقىنى بىلدۈرگەن.

تۆۋەندىكىسى جوبزنىڭ ئىستىپانامىسىنىڭ تولۇق مەزمۇنى:

ئالما شىركىتى مۇدىرىيىتى ۋە ئالما شىركىتىگە:

مەن ئىزچىل ھالدا، ناۋادا كۈنلەرنىڭ بىر كۈنى مەن قايتا ئالما شىركىتىنىڭ باش ئىجرائىيە ئەمەلدارى بولالماي قالسام ھەمدە كىشىلەرنىڭ مەندىن كۈتكەن ئۈمىدىنى يەردە قويسام قانداق بولار دەپ كېلىۋاتقان ئىدىم، ئاۋال سىلەرگە شۇنى ئېيتسام، بەختكە قارشى بۇ كۈن يەنىلا يېتىپ كەلدى.

بۇ يەردە، مەن ئۆزۈمنىڭ ئالما شىركىتىنىڭ باش ئىجرائىيە ئەمەلدارلىق ۋەزىپىسىدىن ئىستېپا بەرگەنلىكىمنى جاكارلايمەن. ناۋادا مۇدىرىيەت مۇۋاپىق كۆرسە، مېنىڭ مۇدىرىيەتنىڭ باش مۇدىرى ياكى مۇدىر، ھەتتا ئادەتتىكى خىزمەتچى خادىم ۋەزىپىسىنى ئۆتىسەممۇ بولىدۇ.

مېنىڭ ئورنۇمغا تەيىنلىنىدىغان ئادەمگە كەلسەك، مەن مۇدىرىيەتنىڭ مېنىڭ ئورنۇمغا يېڭى ئىزباسار تەيىنلەش پلانىنى داۋاملىق ئىجرا قىلىشىنى كۈچلۈك تەۋسىيە قىلىمەن ھەمدە تىم كۇكنى ئالما شىركىتىنىڭ باش ئىجرائىيە ئەمەلدارلىقىغا تەۋسىيە قىلىمەن.

مېنىڭچە، ئالما شىركىتىنىڭ ئەڭ پارلاق ۋە يېڭىلىق يارىتىش روھىغا تولغان كۈنلىرى تېخى ئالدىمىزدا. مەن يېڭى ئورنۇمدا تۇرۇپ ئالمىنىڭ مۇۋەپپىقىيىتىنى كۆرۈشنى ۋە بۇنىڭ ئۈچۈن ئۆزۈمنىڭ تۆھپىسىنى قوشۇشنى خالايمەن.

ئالما شىركىتىدە، مەن بۇ ھاياتىمدىكى ئەڭ ياخشى دوستلار بىلەن تونۇشتۇم، مەن بۇ يەردە نۇرغۇن يىللاردىن بېرى مەن بىلەن ئورتاق تىرىشقان بارلىق كىشىلەرگە ئالاھىدە رەھمىتىمنى بىلدۈرىمەن.

سىتىۋ.جوبز

سوئال: جوبزنىڭ ئىستېپا بېرىشى، ئالما شىركىتىگە قانداق تەسىرلەرنى ئېلىپ كېلىشى مۇمكىن؟

بۈگۈن ئالما شىركىتى مۇدىرىيىتىدىكىلەر، ئالما شىركىتى باش ئىجرائىيە ئەمەلدارى(CEO) سىتىۋ جوبزنىڭ ئىستېپا بەرگەنلىكىنى، ئۇنىڭ ئورنىغا ئالما شىركىتىنىڭ COO سى تىم كۇكنىڭ باش ئىجرائىيە ئەمەلدارلىقىغا تەيىنلەنگەنلىكىنى ئېلان قىلدى، جوبز مۇدىرىيەتنىڭ رەئىسلىكىگە سايلىنىدىغان، كۇك مۇدىرىيەتكە قوشۇلىدىغان، بۇ قارار دەرھال كۈچكە ئىگە قىلىنىدىغان بولدى. كىشىلەر پەرەز قىلىپ يەتكەن بۇ كۈن يەنىلا يېتىپ كەلدى…

جاۋاپ(توردىن ئېلىندى):

جوبز مەيلى قايسى ۋاقىتتا ئىستېپا بەرسۇن، ئالما شىركىتىنىڭ پايچېكى ھامان چۈشىشى مۇقەررەر، بۇ ئالما شىركىتى چوقۇم قوبۇل قىلىشقا تېگىشلىك بىر رېئاللىق، چۈنكى مەبلەغ سالغۇچىلاردا ئالما شىركىتىنىڭ ئۇزۇن مۇددەتلىك قىممەت يارىتىشىغا بولغان كۆز-قارىشىدا، جوبزدىن ئىبارەت بۇ ئادەمنىڭ ئايرىلىشى سەۋەپلىك ئۆزگىرىش بولىدىغىنى ئېنىق.

بەزىلەر دەيدۇ، بىر ئەترەتنىڭ تۆھپىسىنى بىر ئادەمنىڭ بېشىغا يۈكلەپ قويۇشقا بولمايدۇ. توغرا، ئالما شىركىتىدە دۇنيا بويىچە ئەڭ قالتىس ئىنژېنېرلار، لايىھەلىگۈچىلەر، پروگراممېرلار، Jonathan Ive قا ئوخشاش لايىھە تالانت ئىگىسى، Tim Cook قا ئوخشاش مۇنەۋۋەر باشقۇرۇغۇچى خادىملار بار، ئەمما بىر تۈركۈم تالانتلىقلاردىن تەشكىللەنگەن ئەترەت، چوقۇم تالانتلىق بىر مەھسۇلات لايىھەلەپ چىقالىشى ناتايىن، ھالبۇكى، قالتىس ياسالغان مەھسۇلاتمۇ دۇنيا سودا ساھەسى ۋە ئىستېمال مەدىنىيىتىنى ئۆزگەرتەلىشى ناتايىن.

ئالما شىركىتىگە نىسبەتەن، جوبز بىر دانە كەم بولسا بولمايدىغان روھىي ئامىل، تالانتلىقلارنىڭ يېڭىلىق يارىتىش ئىقتىدارىنى قوزغاش، ئىستېمالچىلارنىڭ تونۇشىنى ئادىمىيلەشتۈرۈش، بازاردىكى ئىناۋەتنى كۈچەيتىش قاتارلىق جەھەتلەردە، جوبزدىن ئىبارەت بۇ پېرسوناژنىڭ ئورنىنى ھېچكىم ئالالمايدۇ. جوبز ئىستېپانامە سۇنغاندىن كېيىن، ئالمىنىڭ بازار قىممىتى شۇ ھامان 20 مىليارد ئامېرىكا دوللىرىغا چۈشۈپ كەتكەن، بۇ دەل بۇ كىشىنىڭ قىممىتىنىڭ پۇل شەكلىدىكى ئىپادىسى.

ئۇنداقتا روھىدىن ئايرىلغان ئالما شىركىتى ئالاھىدە بىر ئورۇندىن ئادەتتىكى ئورۇنغا چۈشۈپ قالارمۇ؟ بۇ بىر مەسىلە ئەمەس، بەلكى بىر تاللاش، ئالما شىركىتى كەلگۈسى ئۈچ يىلدىن بەش يىلغىچە جوبز يوق بولۇشتەك شارائىتتا شىركەتنىڭ تەرەققىياتىنىڭ پەيدىنپەي سۇسلىشىدىغانلىقىدەك بىر رېئاللىقنى قوبۇل قىلىشى كېرەك. جوبز ئەلۋەتتە بىر قاتار مۇكەممەل نەرسىلەرنى لايىھەلەپ چىقالايدۇ، ئەمما ئۇ ئۆزىگە ئوخشاش يەنە بىر جوبزنى لايىھەلەپ چىقىشقا ئامالسىز. ناۋادا رىۋايەتنى كۆچۈرگىلى بولغان بولسا، ئۇنداقتا بۇ دۇنيادا رىۋايەت بولمىغان بولاتتى. تېخنىكا، سودا ساھەسى، مودا، خاراكتېرگە بولغان چوڭقۇر چۈشەنچە ۋە توغرا بولغان ئىشەنچ، مۇكەممەل بولغان مەھسۇلات ئارقىلىق بىر بىرلەپ دۇنيانى ئۆزگەرتتى، بۇ پەقەت رىۋايەت خالاس.

مەبلەغ سالغۇچىلار ئىزچىل ھالدا ئالما شىركىتىنىڭ ئورۇنباسارىنى تەيىنلەش پلانىنى بېكىتىش ۋە ئاشكارە يولغا قويۇشنى تەلەپ قىلىپ كەلدى، ئەمما شۇنىسى ئېنىقكى، جوبز مەيلى قايسى ۋاقىتتا ئىستېپا سۇنسۇن، بۇ رىۋايەتنى داۋاملاشتۇرىدىغان ئىككىنچى بىر ئورۇنباسار چىقمايدۇ. Tim Cook ئالما شىركىتىگە ياردەملىشىپ تىجارەت ئەھۋالىنى داۋاملىق ساقلاپ كېتەلەيدۇ، ئەمما ئۇ بىزگە غايە ئاتا قىلالايدىغان كىشى ئەمەس، ئالما شىركىتىدىمۇ يەنە بۇنداق بىر كىشىنىڭ بولۇشى مۇمكىن ئەمەس. بىز چوقۇم بىر دانە تىجارىتى يامان ئەمەس، ئەمما قايتىدىن چۈشنى رېئاللىققا ئايلاندۇرالمايدىغان نورمال بىر سودا شىركىتىنى قوبۇل قىلىشىمىز كېرەك.

ئۆتكەنكى 10 يىلدا بىز ناھايىتى تەلەيلىك، چۈنكى جوبز يەرشارىدىكى نەچچە مىليون كىشىنىڭ تۇرمۇشىنى ئۆزگەرتتى. بۈگۈن،  بۇ رىۋايەتنىڭ ئاخىرقى باپىمۇ يېزىپ تۈگىتىلدى.

سىز يەنە بۇ يەرنى بېسىپ جوبز توغرىلىق تېخىمۇ تەپسىلىي چۈشەنچىگە ئىگە بولالايسىز