كالېفورنىيە شىتاتىنىڭ كۇپېرتىنو شەھىرىگە جايلاشقان ئالما(Apple) شىركىتى باش شىتابىنى دۇنيا بويىچە ئەڭ سىرلىق بىر كارخانا ئالىي بۆلۈمى دېيىشكە بولىدۇ، ئالما شىركىتىنىڭ ئالاھىدە ئىجازەتنامىسى بولمىسا، ھېلىغۇ ئادەتتىكى ئادەملەركەن، ئالما شىركىتىنىڭ خىزمەتچىلىرىمۇ بۇ جايغا ئالدىراپ كىرىپ چىقالمايدۇ. بۈگۈن بىز بىرلىكتە بۇ سىرلىق جاينى ئايلىنىپ چىقايلى…

AppleGazette تور بېكىتىدە خېلى كۆپ مىقداردا ئالما شىركىتىنىڭ Cupertino دىكى باش شىتابىنىڭ سۈرەتلىرى يىغىلغان بولۇپ، بىز كۆرۈۋاتقان iPhone ۋە iPad قاتارلىقلارنىڭ لايىھەسى مۇشۇ سىرلىق جايدا پۈتۈپ چىقىدۇ.

ئاۋال كۆرىدىغىنىمىز، سىرتتىن دائىم كۆرگىلى بولىدىغان ئالما شىركىتى باش شىتابىنىڭ سىرتتىن بىر كۆرۈنۈشى:

ئۇنىڭدىن كېيىن كۆرۈدىغىنىمىز، ئىشىكتىن كىرگەندىن كېيىن كۆزگە چېلىقىدىغان كۈتۈۋېلىش ئورنى:

ئالما شىركىتى باش شىتابى ئىچىدە سىرتقا بىردىنبىر ئېچىۋېتىلگەن جاي Company Store. بۇ جايدا سىز خالىغانچە سۈرەتكە چۈشسىڭىز، بىر قىسىم ئالما شىركىتىنىڭ Logo سى چۈشۈرۈلگەن مەھسۇلاتلارنى سېتىۋالسىڭىز بولىدۇ، مەسىلەن مايكا، دوپپا دېگەندەك(ئەلۋەتتە، بۇ يەردىن يەنە iPod، iPhone قاتارلىق ئالمىنىڭ باشقا مەھسۇلاتلىرىنىمۇ سېتىۋالالايسىز).

ئالما شىركىتى باش شىتاب زالى، سىز ھازىر بۇ يەرنى كۆرەلەيسىز(پەقەت ئالىي دەرىجىلىك خىزمەتچىلەرلا بۇ يەرگە كىرەلەيدۇ، ئادەتتىكى ئادەملەر خالىغانچە كىرىپ چىقالمايدۇ).

بۇ جاي ئوتتۇرىدىكى زالغا تۇتىشىدىغان كارىدور بولۇپ، بۇ يەردە سىز ئالما شىركىتىنىڭ سابىق CEO سى Steve Jobs نىڭ قا دائىر بىر قىسىم سۈرەتلەرنى كۆرەلەيسىز.

ھاجەتخانىنىڭ تېشىغا چاپلانغان بەلگە، قارىماققا ئالدىنقى ئەسىرلەردىكى Mac كومپيۇتېرلىرىنىڭ سىنبەلگىسىگە ئوخشامدىكەن؟

تۆۋەندە كۆرىدىغىنىمىز، ئالما شىركىتى باش شىتابىنىڭ تاماقخانىسى بولۇپ، ئاڭلاشلارغا قارىغاندا تاماقنىڭ باھاسى ھەم ئەرزان ھەم پاكىز ئىكەنمىش.

خىزمەت قىلىپ ھارغاندا، بىر ئاز ئارام ئالغۇسى كەلگەن خىزمەتچىلەر ئارام ئېلىش ئۆيى(ئالمىدىكىلەر بۇ يەرنى rec room دەپ ئاتايدىكەن)گە كېلىپ ئارام ئالسىمۇ ياكى ھويلىغا چىقىپ توپ ئوينىسىمۇ بولىدىكەن.

يەنە چېنىقىش ئۆيىمۇ سەپلەنگەن بولۇپ، ھەر خىل چېنىقىش ئۈسكۈنىلىرى تولۇق.

خىزمەت قىلىدىغان جايلار قانداقتۇ؟ ناۋادا سىز تىم.كۇكنىڭ ئىشخانىسىنى كۆرىمەن دەپ تۇرىۋالسىڭىز، ئۇنداقتا خىيالىڭىزدىن ۋاز كېچىڭ. بۇ يەردە بىر قانچە پارچە ئالما شىركىتىنىڭ يىغىن زالىدىن تارتىلغان سۈرەتلەرنى كۆرۈپ باقايلى.

ئالما شىركىتىنىڭ مەھسۇلات ئېلان قىلىش يىغىنلىرى ئادەتتە ئاساسەن سان-فرانسىسكودىكى ئاممىۋى يىغىن زاللىرىدا ئۆتكۈزىلىدۇ، ئەمما ئىچكى قىسىمدىكى يىغىنلارمۇ بەزىدە باش شىتابتىكى زالدا ئۆتكۈزۈلۈپ تۇرىدۇ. بۇ زالنىڭ ئىسمى Apple Town Hall. ئالما شىركىتى iPhone4 نىڭ سىگنال مەسىلىسىگە قايتۇرغان جاۋاپ يىغىنى مۇشۇ جايدا ئۆتكۈزۈلگەن.

«سىگنال ۋەقەسى» سى توغرىسىدا توختالساق، بۇ ئالما شىركىتىنىڭ 1-قېتىم ئاخبارات ۋاستىلىرىغا ئۆزىنىڭ بۇنداق مەخپىي جايلىرىنى ئاشكارىلىشى بولۇپ ھېسابلىنىدۇ. بۇنىڭ ئىچىدە يەنە ئۇلارنىڭ ئىلغار تەجرىبىخانىسى Wireless Testing Lab(سىمسىز سىناق تەجرىبەخانىسى)مۇ بار. بۇ يەردە ئۇلار iPhone نىڭ سىگنالىنىڭ كۈچلۈك-ئاجىزلىقىنى، باشقا سىگناللارنىڭ توسالغۇ ئەھۋالى قاتارلىقلارنى سىنايدۇ.

ئالما شىركىتى باش شىتابىدىكى ھەقىقى «چەكلەنگەن جاي» ئېنىقلا ئالىي دەرىجىلىك لايىھەلەش ئېنژىنىرى Jonathan Ive(ئالمىنىڭ iPhone،iMac,iPod,iPad قاتارلىق مەھسۇلاتلىرىنىڭ ئاساسلىق لايىھەلىگۈچىلىرىنىڭ بىرى)نىڭ لايىھە تەجرىبەخانىسى بولۇپ ھېسابلىنىدۇ. بۇ سۈرەت ئارقىلىق بىز بىر دانە Design Facility نىڭ ئىچكى قىسمىدىكى ئەھۋاللارنى كۆرەلەيمىز، ئالما بەلكىم مەخپىيەتلىكنى ساقلاش خىزمىتى جەھەتتە ئۆزىدىن پەخىرلەنسە كېرەك؟ Ive نىڭ كەينىدىكى ئۈسكۈنىلەر دەل يادرولۇق ماشىنا ئۈسكۈنىلەر بولۇپ ھېسابلىنىدۇ.