تاڭسىڭنىڭ تۈر ئېلىش ئىقتىدارى كۈچلۈك. «غەرپكە بېرىپ نوم ئېلىش» تەك بۇنداق دۆلەت دەرىجىلىك تۈرلەرنى ئادەتتىكى ئادەم ئالالمايدۇ، بۇ تۈرنى تاڭسىڭ بىۋاستە تاتاگاتونىڭ قولىدىن ئالغان، ئاۋاللوكسۋارا تونۇشتۇرغان. بۇ ئادەتتىكى ئادەمنىڭ قولىدىن كېلىدىغان ئىش ئەمەس.

تاڭسىڭنىڭ يۇقىرى دەرىجىلىك ئورگانلار بىلەن بولغان مۇناسىۋىتى ئىنتايىن ياخشى. ئالدى بىلەن ئېيتساق، ئۇ تاڭتەيزۇڭ بىلەن ئاكا-ئىنى، ھەتتا ئاياللار دۆلىتىنىڭ پادىشاھىمۇ ئۇنىڭغا ئەركىلەپ «ئاكا» دەپ چاقىرىدۇ. ئۇنىڭ ئۈستىگە تاڭسىڭ بۇ خىل مۇناسىۋەتلەردىن پايدىلىنىشقا ئىنتايىن ئۇستا، ھەر قېتىم بىر دۆلەتكە بارغاندا ئىنتايىن كەمتەرلىك بىلەن: «پېقىر بۈيۈك تاڭ ئېلىدىن كېلىشىم» دەپ سۆز باشلايدۇ.

تاڭسىڭ ئادەم ئىشلىتىشكە ئىنتايىن ماھىر، ئۇنىڭ ئۈچ ئوقۇغۇچىسى، يەنە ھېلىقى ئاق ئاتتىن تارتىپ ھەممىسى رەھبەرلەر تونۇشتۇرغان ئىختىساسلىقلار. ئاۋاللىكسۋورا تاڭسىڭغا ياردەملىشىپ بۇنچە چوڭ تۈرنى ئېلىپ بەرگەن يەردە، بىر قانچە ئادەمنى ياردەمچىلىككە سېلىپ بېرىشمۇ ئىنتايىن ئەقەللىي بىر ئىش.

تاڭسىڭ ئاچكۆز ئەمەس، بىر قىسىم كاللىسىغا ئېشەك تېپىۋەتكەن يېتەكچىلەرگە ئوخشاش 20~30 ئوقۇغۇچىنى ئەگەشتۈرۈپ كۆچەت تىككىلى سالمايدۇ. تاڭسىڭ پەقەت بىر نەپەر دوكتور(ۋۇكۇڭ)، بىر نەپەر ئاسپرانت(باجى) ۋە بىر نەپەر تولۇق كۇرسانت(شاسىڭ)نى ئەگەشتۈرۈپلا يۈرۈيدۇ. بۇنىڭدا تەربىيلەشنىڭ ئۈنۈمى ۋە خىزمەت ئۈنۈمىمۇ ئالاھىدە يۇقىرى بولىدۇ.

تاڭسىڭ گەرچە بۇددا دىنىدا كامالەتكە يەتكەن بولسىمۇ، بىراق نىشانى ئېنىق، شۇڭا ئۇ ئوقۇغۇچىلىرىنى ھەرگىزمۇ نوم يادلاشقا، ئاشۇ جانغا ئەسقاتمايدىغان نەزەرىيىۋى بىلىملەرنى ئۆگىنىشكە مەجبۇرلىمايدۇ، بەلكى بىۋاستە ئۇلارنى ئۆزىگە ياردەملىشىپ نوم ئەكىلىشكە سالىدۇ.

تاڭسىڭ گەرچە ئوقۇغۇچىلىرىغا مائاش تارقاتمىسىمۇ، بىراق ئۇلارنى يەنىلا تەڭقىسلىقتا قويغان ئەمەس. تۈر ئاخىرلاشقان ھامان ئۇلارغا تېگىشلىك ئۇنۋان بەردى، سۈنۋۇكۇڭ دوكتورلۇق ئۇنۋانىنى، باجى ئاسپىرانتلىق ئۇنۋانىنى، شاسىڭ باكلاۋېرلىق ئۇنۋانىنى ئالدى، ھەتتا ئاق ئات جېنىدا ئالىي تېخنىكومنىڭ دېپلومىنى ئالدى، كېيىن يەنە تېخى تولۇق كۇرسقا ئۆرلەپ ئوقۇيالايدۇ دېگەن گەپ.

تاڭسىڭنىڭ تەجرىبىسى بىزگە شۇنى ئىسپاتلاپ بېرىدۇكى، بەزىدە ئادەم تەلەتى يوقلارمۇ يەنىلا يۇقىرى ئۇنۋانغا ئېرىشەلەيدۇ.