ﺋﻪﮔﻪﺭ ﺳﯩﺰ ﺋﯩﻨﺎﯞﻩﺕ ﻛﺎﺭﺗﯩﺴﻰ ﺋﯩﺸﻠﯩﺘﯩﺶ ﺗﻮﻏﺮﯨﺴﯩﺪﯨﻜﻰ ﺳﯩﺮﻻﺭﻧﻰ ﭼﯜﺷﯩﻨﯩﯟﺍﻟﺴﯩﯖﯩﺰ ﺑﯩﺰﻧﯩﯔ ﺋﯩﺴﺘﯧﻤﺎﻟﯩﻤﯩﺰﻏﺎ ﺗﯧﺨﯩﻤﯘ ﻛﯚﭖ ﺋﻪﻣﻪﻟﯩﻲ ﻣﻪﻧﭙﻪﺋﻪﺕ ﺋﯧﻠﯩﭗ ﻛﯧﻠﻪﻟﻪﻳﺴﯩﺰ: ﺋﻪﮔﻪﺭ ﭼﯜﺷﻪﻧﭽﯩﮕﻪ ﺋﯩﮕﻪ ﺑﻮﻟﻤﯩﺴﯩﯖﯩﺰ ﻣﻪﻧﭙﻪﺋﻪﺕ ﻳﯜﻛﻜﻪ ﺋﺎﻳﻠﯩﻨﯩﭗ ﻗﯧﻠﯩﺸﻰ ﻣﯘﻣﻜﯩﻦ.  ﺗﯚﯞﻩﻧﺪﻩ ﺋﯩﻨﺎﯞﻩﺕ ﻛﺎﺭﺗﯩﺴﻰ ﺗﻮﻏﺮﯨﺴﯩﺪﯨﻜﻰ ﺳﯩﺮﻻﺭﻧﻰ ﺑﯩﺮﻟﯩﻜﺘﻪ ﺋﯧﭽﯩﭗ ﺑﺎﻗﺎﻳﻠﻰ.

ﺑﯩﺮﯨﻨﭽﻰ ﮪﯧﺴﺎﺑﺎﺗﻨﻰ ﻣﯘﺩﺩﻩﺗﺘﯩﻦ ﺑﯘﺭﯗﻥ ﺗﯚﻟﯩﺴﯩﻤﯘ ﻳﻪﻧﯩﻼ ﺭﻩﺳﻤﯩﻴﻪﺕ ﮪﻪﻗﻘﻰ ﺋﯧﻠﯩﺶ

ﻣﯩﺴﺎﻝ: ﻟﻰ ﻟﻰ ﺑﯩﺮ ﻧﻪﭼﭽﻪ ﺋﺎﻳﻨﯩﯔ ﺋﺎﻟﺪﯨﺪﺍ ﺧﯘﺍﺷﯩﻴﺎ ﺑﺎﻧﻜﯩﺴﯩﻨﯩﯔ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﻰ ﺋﯩﺸﻠﯩﺘﯩﭗ 9000 ﻳﯜﻩﻧﻠﯩﻚ ﺳﯩﻔﯩﺮﻟﯩﻖ ﺋﺎﭘﭙﺎﺭﺍﺗﺘﯩﻦ ﺑﯩﺮﻧﻰ ﺳﯧﺘﯩﯟﺍﻟﻐﺎﻥ ﺋﯩﺪﻯ. ﭘﯘﻟﻨﯩﯔ ﺳﻮﻣﻤﯩﺴﻰ ﺑﯩﺮ ﻗﻪﺩﻩﺭ ﻛﯚﭖ ﺑﻮﻟﻐﺎﭼﻘﺎ ﺑﯩﺮ ﻗﯧﺘﯩﻤﺪﯨﻼ ﮪﻪﻣﻤﻤﯩﻨﻰ ﻗﺎﻳﺘﯘﺭﯗﺵ ﻣﯘﻣﻜﯩﻦ ﺋﻪﻣﻪﺱ ﺋﯩﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﺋﯘ ﺑﺎﻧﻜﯩﻐﺎ ﺋﺎﻟﺘﻪ ﻗﯧﺘﯩﻤﻐﺎ ﺑﯚﻟﯜﭖ ﺗﯚﻟﻪﺵ ﺋﯩﻠﺘﯩﻤﺎﺳﻰ ﺳﯘﻧﻐﺎﻥ ﺑﻮﻟﯘﭖ ﮪﯧﺴﺎﺑﻼﭖ ﺑﺎﻗﻘﺎﻧﺪﺍ ﮪﻪﺭﻗﯧﺘﯩﻤﺪﺍ 1555.8 ﻳﯜﻩﻥ ﻗﺎﻳﺘﯘﺭﺳﺎ ﮪﻪﺭ ﻗﯧﺘﯩﻤﺪﯨﻜﻰ ﺭﻩﺳﻤﯩﻴﻪﺕ ﮪﻪﻗﻘﻰ 55.8 ﻳﯜﻩﻥ ﺑﻮﻻﺗﺘﻰ. ﺋﯜﭺ ﺋﺎﻳﺪﯨﻦ ﻛﯧﻴﯩﻦ ﺋﯘ ﻗﺎﻟﻐﺎﻥ ﭘﯘﻟﻨﯩﯔ ﮪﻪﻣﻤﯩﺴﯩﻨﻰ ﺗﯚﻟﯩﯟﯦﺘﯩﺸﻨﻰ ﻗﺎﺭﺍﺭ ﻗﯩﻠﻐﺎﻧﺪﺍ ﻳﻪﻧﯩﻼ ﺋﯜﭺ ﻗﯧﺘﯩﻤﻠﯩﻖ ﺭﻩﺳﻤﯩﻴﻪﺕ ﮪﻪﻗﻘﻰ ﺗﯚﻟﻪﺵ ﻛﯧﺮﻩﻛﻠﯩﻜﯩﻨﻰ ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ 20 ﻳﯜﻩﻥ ﻣﯘﺩﺩﻩﺗﺘﯩﻦ ﺑﯘﺭﯗﻥ ﺗﯚﻟﻪﺵ ﮪﻪﻗﻘﻰ ﺗﺎﭘﺸﯘﺭﯗﺵ ﻛﯧﺮﻩﻛﻠﯩﻜﯩﻨﻰ ﺑﺎﻳﻘﯩﺪﻯ.
ﺋﻪﻣﻪﻟﯩﻴﻪﺕ : ﺋﯩﻨﺎﯞﻩﺕ ﻛﺎﺭﺗﯩﺴﻰ ﮪﯧﺴﺎﺑﺎﺗﯩﻨﻰ ﻣﯘﺩﺩﻩﺗﻜﻪ ﺑﯚﻟﮕﻪﻧﺪﯨﻦ ﻛﯧﻴﯩﻦ ﻣﯘﺩﺩﻩﺗﺘﯩﻦ ﺑﯘﺭﯗﻥ ﺗﯚﻟﻪﺵ ﻗﺎﺭﺍﺭﯨﻐﺎ ﻛﻪﻟﮕﻪﻧﺪﻩ ﺋﻪﮔﻪﺭ ﺋﺎﻱ ﺑﻮﻳﯩﭽﻪ ﺗﯚﻟﯩﮕﻪﻥ ﺑﻮﻟﺴﺎ ﺋﯧﺸﯩﭗ ﻗﺎﻟﻐﺎﻥ ﺋﺎﻳﻼﺭﺩﯨﻜﻰ ﺭﻩﺳﻤﯩﻴﻪﺕ ﮪﻪﻗﻘﯩﻨﻰ ﺗﻮﻟﯘﻗﻼﭖ ﺗﯚﻟﻪﺵ ﻛﯧﺮﻩﻙ: ﺋﻪﮔﻪﺭ ﺭﻩﺳﻤﯩﻴﻪﺕ ﮪﻪﻗﻘﯩﻨﻰ ﺑﯩﺮ ﻗﯧﺘﯩﻤﺪﯨﻼ ﺗﯚﻟﯩﯟﻩﺗﻜﻪﻥ ﺑﻮﻟﺴﺎ ﻗﻪﺭﺯﻧﻰ ﻣﯘﺩﺩﻩﺗﺘﯩﻦ ﺑﯘﺭﯗﻥ ﺗﯚﻟﯩﮕﻪﻧﻠﯩﻜﻰ ﺋﯜﭼﯜﻧﻼ ﺭﻩﺳﻤﯩﻴﻪﺕ ﮪﻪﻗﻘﯩﻨﻰ ﻗﺎﻳﺘﯘﺭﯗﭖ ﺑﻪﺭﻣﻪﻳﺪﯗ. ﻳﻪﻧﻰ ﺧﯧﺮﯨﺪﺍﺭ ﻣﯘﺩﺩﻩﺗﻜﻪ ﺑﯚﻟﯜﭖ ﺗﯚﻟﻪﺵ ﺋﯩﻠﺘﯩﻤﺎﺳﻰ ﺳﯘﻧﻐﺎﻧﺪﯨﻦ ﻛﯧﻴﯩﻦ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺑﯘ ﺭﻩﺳﻤﯩﻴﻪﺕ ﮪﻪﻗﻠﯩﺮﯨﻨﻰ ﭼﻮﻗﯘﻡ ﺋﯜﺳﺘﯩﮕﻪ ﺋﯧﻠﯩﺸﻰ ﻛﯧﺮﻩﻙ. ﺋﯘﻧﯩﯖﺪﯨﻦ ﺳﯩﺮﺕ ﺑﻪﺯﻯ ﺑﺎﻧﻜﯩﻼﺭﻧﯩﯔ ﻳﻪﻧﻪ ” ﺋﺎﺩﻩﻡ ﺋﻪﺧﻤﻪﻕ ﻗﯩﻠﯩﺪﯨﻐﺎﻥ”  ﻗﻪﺭﺯﻧﻰ ﺋﺎﻟﺪﯨﻦ ﺗﯚﻟﻪﺵ ﺭﻩﺳﻤﯩﻴﻪﺕ ﮪﻪﻗﻘﻰ ﺑﺎﺭ.
ﺋﻪﺳﻜﻪﺭﺗﯩﺶ: ﮪﯧﺴﺎﺑﺎﺗﻨﻰ ﻣﯘﺩﺩﻩﺗﻜﻪ ﺑﯚﻟﯜﺷﺘﯩﻦ ﺑﯘﺭﯗﻥ   ﻣﯘﺩﺩﻩﺗﺘﯩﻦ ﺑﯘﺭﯗﻥ ﻗﻪﺭﺯ ﺗﯚﻟﻪﺵ ﻗﺎﺗﺎﺭﻟﯩﻖ ﺋﯩﺸﻼﺭﻧﻰ ﺋﯧﻨﯩﻖ ﺳﯜﺭﯛﺷﺘﯜﺭﯛﭖ ﺋﯩﻠﺘﯩﻤﺎﺱ ﻣﯘﺩﺩﯨﺘﯩﻨﯩﯔ ﻣﯘﯞﺍﭘﯩﻖ ﺑﻮﻟﻤﺎﺳﻠﯩﻘﻰ ﯞﻩ ﺋﺎﺭﺗﯘﻗﭽﻪ ﺭﻩﺳﻤﯩﻴﻪﺕ ﮪﻪﻗﻘﻰ ﺗﯚﻟﻪﺵ ﻗﺎﺗﺎﺭﻟﯩﻖ ﺋﯩﺸﻼﺭﻧﯩﯔ ﻳﯜﺯ ﺑﯧﺮﯨﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻛﯧﺮﻩﻙ.

ﺋﯩﻜﻜﯩﻨﭽﻰ ﺋﻪﯓ ﺗﯚﯞﻩﻥ ﺳﻮﻣﻤﯩﺪﺍ ﻗﻪﺭﺯ ﺗﯚﻟﯩﺴﯩﻤﯘ ﻳﻪﻧﯩﻼ ﭘﯜﺗﯜﻥ ﺳﻮﻣﻤﺎ ﺑﻮﻳﯩﭽﻪ ﺋﯚﺳﯜﻡ ﺗﯚﻟﻪﺵ

ﺋﻪﻣﻪﻟﯩﻴﻪﺕ: ﺯﻭﺭ ﻣﯩﻘﺪﺍﺭﺩﺍ ﺋﯩﺴﺘﯧﻤﺎﻝ ﺋﯧﻠﯩﭗ ﺑﺎﺭﻏﺎﻧﺪﯨﻦ ﻛﯧﻴﯩﻦ ﺑﯩﺮﻻ ﯞﺍﻗﯩﺘﺘﺎ ﮪﻪﻣﻤﯩﻨﻰ ﻗﺎﻳﺘﯘﺭﯗﺷﻘﺎ ﺋﺎﻣﺎﻝ ﺑﻮﻟﻤﯩﻐﺎﭼﻘﺎ ﻧﯘﺭﻏﯘﻥ ﻛﯩﺸﯩﻠﻪﺭ ﺋﻪﯓ ﺗﯚﯞﻩﻥ ﺳﻮﻣﻤﯩﺪﺍ ﻗﻪﺭﺯ ﻗﺎﻳﺘﯘﺭﯗﺷﻨﻰ ﺗﺎﻟﻼﻳﺪﯗ( ﺋﺎﺩﻩﺗﺘﻪ ﺋﻮﻣﯘﻣﯩﻲ ﺳﻮﻣﻤﯩﻨﯩﯔ 10%ﻯ ) ﯞﻩ ﺑﯘ ﺋﺎﺭﻗﯩﻠﯩﻖ ﻧﺎﭼﺎﺭ ﺧﺎﺗﯩﺮﻩ ﺳﺎﻗﻠﯩﻨﯩﭗ ﻗﯧﻠﯩﺸﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯗ. ﻟﯧﻜﯩﻦ ﺋﯚﺳﯜﻣﻨﻰ ﮪﯧﺴﺎﺑﻠﯩﻐﺎﻥ ﯞﺍﻗﯩﺘﺘﺎ ﻧﯘﺭﻏﯘﻥ ﻛﯩﺸﯩﻠﻪﺭ ﺋﯚﺳﯜﻣﻨﯩﯔ ﺋﯩﺴﺘﯧﻤﺎﻝ ﻗﯩﻠﻐﺎﻥ ﺷﯘ ﻛﯜﻧﺪﯨﻦ ﺑﺎﺷﻠﯩﻨﯩﭗ ﮪﯧﺴﺎﺑﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﯚﺳﯜﻣﻨﻰ ﻛﻪﭼﯜﺭﯛﻡ ﻗﯩﻠﯩﺶ ﻣﯘﺩﺩﯨﺘﯩﻨﯩﯔ ﻳﻮﻗﻠﯩﻘﯩﻨﻰ ﺷﯘﻧﺪﺍﻗﻼ ﭘﯜﺗﯜﻥ ﺳﻮﻣﻤﺎ ﺑﻮﻳﯩﭽﻪ ﺋﯚﺳﯜﻡ ﮪﯧﺴﺎﺑﻠﯩﻨﯩﭗ ﺋﺎﻟﻠﯩﻘﺎﭼﺎﻥ ﻗﺎﻳﺘﯘﺭﻏﺎﻥ ﻗﯩﺴﻤﯩﻤﯘ ﺑﺎﺭﻟﯩﻖ ﻗﻪﺭﺯ ﺳﻮﻣﻤﯩﺴﻰ ﺗﻮﻟﯘﻕ ﻗﺎﻳﺘﯘﺭﯗﻟﯘﭖ ﺑﻮﻟﻐﯩﭽﻪ ﻳﻪﻧﯩﻼ ﺋﯚﺳﯜﻡ ﮪﯧﺴﺎﺑﻼﺵ ﺋﺎﺳﺎﺳﯩﻲ ﺳﺎﻧﻰ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﺎﻳﻘﺎﻳﺪﯗ. 10 ﻣﯩﯔ ﻳﯜﻩﻥ ﺋﻮﻧﻜﻮﻝ ﻗﯩﻠﯩﻨﻐﺎﻥ ﺑﻮﻟﺴﺎ ﮔﻪﺭﭼﻪ  9900 ﻳﯜﻩﻧﻨﻰ ﻗﺎﻳﺘﯘﺭﯗﭖ ﺑﻮﻟﻐﺎﻥ ﺑﻮﻟﺴﯩﻤﯘ ﺋﯚﺳﯜﻡ ﮪﯧﺴﺎﺑﻠﯩﻐﺎﻥ ﯞﺍﻗﯩﺘﺘﺎ ﻳﻪﻧﯩﻼ 10ﻣﯩﯔ ﻳﯜﻩﻥ ﺑﻮﻳﯩﭽﻪ ﮪﯧﺴﺎﺑﻠﯩﻨﯩﺪﯗ ﺋﯘﻧﯩﯔ ﺋﯜﺳﺘﯩﮕﻪ ﺋﯚﺳﯜﻡ ﻳﻪﻧﯩﻼ “ﭘﺎﻳﺪﺍ ﺋﯜﺳﺘﯩﮕﻪ ﭘﺎﻳﺪﺍ ﻗﻮﻧﺪﯗﺭﯗﺵ ” ﺑﻮﻳﯩﭽﻪ ﮪﯧﺴﺎﺑﻠﯩﻨﯩﺪﯗ.
ﺋﻪﺳﻜﻪﺭﺗﯩﺶ: ﺧﯩﻴﺎﻝ ﻧﺎﮪﺎﻳﯩﺘﻰ ﮔﯜﺯﻩﻝ ﺑﻮﻟﺴﯩﻤﯘ ﻟﯧﻜﯩﻦ ﺋﻪﻣﻪﻟﯩﻴﻪﺕ  ﺋﯩﻨﺘﺎﻳﯩﻦ ﺭﻩﮪﯩﻤﺴﯩﺰ. ﺋﻪﯓ ﺗﯚﯞﻩﻥ ﺳﻮﻣﻤﯩﺪﺍ ﻗﻪﺭﺯ ﻗﺎﻳﺘﯘﺭﯗﺷﻨﻰ ﻗﺎﺭﺍﺭ ﻗﯩﻠﯩﺸﺘﯩﻦ ﺑﯘﺭﯗﻥ ﻳﻪﻧﯩﻼ ﺋﻪﮪﯟﺍﻟﻨﻰ ﺋﯧﻨﯩﻖ ﺋﯘﻗﯘﺷﯘﭖ ﺑﯧﻘﯩﺶ ﻛﯧﺮﻩﻙ.

ﺋﯜﭼﯩﻨﭽﻰ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﻰ ﺋﺎﻣﺎﻧﻪﺕ ﻛﺎﺭﺗﯩﺴﻰ ﺋﻮﺭﻧﯩﺪﺍ ﺋﯩﺸﻠﯩﺘﯩﺸﻜﻪ ﺑﻮﻟﻤﺎﻳﺪﯗ.

ﺧﺎﺗﺎ ﭼﯜﺷﻪﻧﭽﻪ: ﻳﯧﯖﯩﺪﯨﻦ ﺋﯩﻨﺎﯞﻩﺕ ﻛﺎﺭﺗﯩﺴﻰ ﺑﯧﺠﯩﺮﮔﻪﻥ ﻧﯘﺭﻏﯘﻥ ﻛﯩﺸﯩﻠﻪﺭ ﺩﺍﺋﯩﻢ ﺋﯩﻨﺎﯞﻩﺕ ﻛﺎﺭﺗﯩﺴﯩﺪﺍ ﭘﯘﻝ ﺳﺎﻗﻼﻳﺪﯗ ﭼﯜﻧﻜﻰ ﺑﯘ ﺋﺎﺭﻗﯩﻠﯩﻖ ﻛﺎﺭﺗﺎ ﺳﯜﺭﻛﻪﭖ ﺋﯩﺴﺘﯧﻤﺎﻝ ﻗﯩﻠﻐﺎﻧﺪﺍ  ﺋﯩﻨﺘﯧﮕﺮﺍﻟﻐﺎ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ. ﻟﯧﻜﯩﻦ ﺑﯘ ﯞﺍﻗﯩﺘﺘﺎ  ﺑﺎﻧﻜﺎ ﺋﻮﻏﺮﯨﻠﯩﻘﭽﻪ ﺧﯘﺷﺎﻝ ﺑﻮﻟﯘﯞﺍﺗﻘﺎﻥ ﺑﻮﻟﯩﺪﯗ ﭼﯜﻧﻜﻰ ﺯﯨﻴﺎﻥ ﺗﺎﺭﺗﯩﺪﯨﻐﯩﻨﻰ  ﻛﺎﺭﺗﺎ ﺋﯩﮕﯩﺴﻰ ﺑﻮﻟﯩﺪﯗ. ﺟﺎﯓ ﺯﯤ ﺋﯩﻜﻜﻰ ﻳﯩﻞ ﺋﯩﻠﮕﯩﺮﻯ ﺟﺎﯞﺷﺎﯓ ﺑﺎﻧﻜﯩﺴﯩﻨﯩﯔ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﻰ ﺋﯩﻠﺘﯩﻤﺎﺱ ﻗﯩﻠﻐﺎﻥ ﺑﻮﻟﯘﭖ ﻛﺎﺭﺗﯩﻐﺎ 2000ﻳﯜﻩﻥ ﺳﺎﻗﻠﯩﻐﺎﻥ. ﻟﯧﻜﯩﻦ ﺋﯘ ﺋﺎﭘﺘﻮﻣﺎﺗﯩﻚ ﭘﯘﻝ ﺋﯧﻠﯩﺶ ﻣﺎﺷﯩﻨﯩﺴﯩﺪﯨﻦ 1000 ﻳﯜﻩﻥ ﺋﺎﻟﻐﺎﻥ ﯞﺍﻗﯩﺘﺘﺎ 10 ﻳﯜﻩﻥ ﭘﯘﻝ ﺗﯘﺗﯘﯞﺍﻟﻐﺎﻧﻠﯩﻘﯩﻨﻰ ﺑﺎﻳﻘﯩﻐﺎﻥ. ﺋﯘ ﺑﺎﻧﻜﯩﻐﺎ ﺑﯧﺮﯨﭗ ﺳﯜﺭﯛﺷﺘﯜﺭﮔﻪﻧﺪﯨﻦ ﻛﯧﻴﯩﻦ ﺋﻪﻳﻨﻰ ﯞﺍﻗﯩﺘﺘﺎ ﺳﺎﻗﻠﯩﻐﺎﻥ 2000 ﻳﯜﻩﻧﻨﯩﯔ ﺋﯚﺳﯜﻣﻰ  ﻳﻮﻕ ﺑﻮﻟﯘﭘﻼ ﻗﺎﻟﻤﺎﻱ ﻳﻪﻧﻪ ﭘﯘﻝ ﺋﺎﻟﻐﺎﻥ ﯞﺍﻗﯩﺘﺘﺎ ﺋﯚﺯ ﻳﯧﻨﯩﺪﯨﻦ ﭘﯘﻝ ﭼﯩﻘﯩﺮﯨﭗ ﺗﯚﻟﻪﺵ ﻛﯧﺮﻩﻛﻠﯩﻜﯩﻨﻰ ﺋﯘﻗﻘﺎﻥ.
ﺋﻪﻣﻪﻟﯩﻴﻪﺕ : ﮪﻪﺭﻗﺎﻳﺴﻰ ﺑﺎﻧﻜﯩﻼﺭﻧﯩﯔ ﭘﯘﻝ ﺋﺎﻟﻐﺎﻥ ﯞﺍﻗﯩﺘﺘﯩﻜﻰ ﺭﻩﺳﻤﯩﻴﻪﺕ ﮪﻪﻗﻘﻰ ﺋﻮﺧﺸﯩﻤﺎﻳﺪﯗ ﺑﻪﺯﻯ ﺑﺎﻧﻜﯩﻼﺭ ﭘﻪﻗﻪﺕ 1%ﻧﯩﻼ ﺋﺎﻟﯩﺪﯨﻐﺎﻥ ﺑﻮﻟﯘﭖ ﺋﻪﯓ ﺋﺎﺯ ﺩﯦﮕﻪﻧﺪﻩ 10 ﻳﯜﻩﻥ ﺋﺎﻟﯩﺪﯗ: ﺑﻪﺯﻯ ﺑﺎﻧﻜﯩﻼﺭ 2.5% ﺋﺎﻟﯩﺪﯨﻐﺎﻥ ﺑﻮﻟﯘﭖ ﺋﻪﯓ ﺋﺎﺯ ﺩﯦﮕﻪﻧﺪﻩ 50 ﻳﯜﻩﻥ ﺋﺎﻟﯩﺪﯗ.
ﺋﻪﺳﻜﻪﺭﺗﯩﺶ : ﺋﯩﻨﺎﯞﻩﺕ ﻛﺎﺭﺗﯩﺴﯩﺪﺍ ﭘﯘﻝ ﺳﺎﻗﻠﯩﻐﺎﻧﺪﺍ ” ﻛﯩﺮﯨﭗ ﻛﻪﺗﻜﻪﻥ ” ﭘﯘﻟﻨﯩﯔ ” ﻗﺎﻳﺘﯩﭗ ﭼﯩﻘﯩﺸﻰ ” ﺋﯘﻧﭽﯩﯟﺍﻻ ﺋﺎﺳﺎﻥ ﺋﻪﻣﻪﺱ. ﺷﯘﯕﺎ ﺑﯘ ﺧﯩﻞ ﺷﻪﺧﺴﯩﻴﻪﺗﺴﯩﺰ ﺗﯚﮪﭙﻪ ﻗﻮﺷﯩﺪﯨﻐﺎﻥ ” ﺋﻪﺧﻤﯩﻘﺎﻧﻪ ﺋﯩﺶ” ﻧﻰ ﺋﺎﺯ ﻗﯩﻠﻐﺎﻥ ﻳﺎﺧﺸﻰ .

ﺗﯚﺗﯩﻨﭽﻰ ﺋﯩﻨﺎﯞﻩﺕ ﻛﺎﺭﺗﯩﺴﯩﺪﯨﻦ ﻧﻪﻕ ﭘﯘﻝ ﺋﺎﻟﻐﺎﻧﺪﺍ ﺋﯚﺳﯜﻣﻨﻰ ﻛﻪﭼﯜﺭﯛﻡ ﻗﯩﻠﻤﺎﻳﺪﯗ.

ﺧﺎﺗﺎ ﭼﯜﺷﻪﻧﭽﻪ: ﻧﯘﺭﻏﯘﻥ ﻛﯩﺸﯩﻠﻪﺭ ﺋﯩﻨﺎﯞﻩﺕ ﻛﺎﺭﺗﯩﺴﯩﺪﯨﻦ ﻧﻪﻕ ﭘﯘﻝ ﺋﯧﻠﯩﺶ ﯞﻩ ﻛﺎﺭﺗﺎ ﺳﯜﺭﻛﻪﭖ ﺋﯩﺴﺘﯧﻤﺎﻝ ﻗﯩﻠﯩﺶ ﺋﻮﺧﺸﺎﺵ ﺋﯩﻜﻜﯩﻠﯩﺴﯩﺪﯨﻼ ﺋﯚﺳﯜﻣﻨﻰ ﻛﻪﭼﯜﺭﯛﻡ ﻗﯩﻠﯩﺸﺘﯩﻦ ﺑﻪﮪﺮﯨﻤﺎﻥ ﺑﻮﻟﻐﯩﻠﻰ ﺑﻮﻟﯩﺪﯗ ﺩﻩﭖ ﻗﺎﺭﺍﻳﺪﯗ.
ﻣﯩﺴﺎﻝ: ﻳﺎﯓ ﺗﯩﯔ 1-ﺋﺎﻳﻨﯩﯔ 30-ﻛﯜﻧﻰ ﺟﯘﯓ ﺷﯩﻦ ﺑﺎﻧﻜﯩﺴﯩﻨﯩﯔ ﺋﯩﻨﺎﯞﻩﺕ ﻛﺎﺭﺗﯩﺴﯩﺪﯨﻦ 10000ﻳﯜﻩﻥ ﺋﯧﻠﯩﭗ ﺋﯩﺸﻠﻪﺗﻜﻪﻥ. 2-ﺋﺎﻳﻨﯩﯔ 6-ﻛﯜﻧﻰ ﺋﯘ ﺗﻮﺭ ﺋﺎﺭﻗﯩﻠﯩﻖ ﻗﻪﺭﺯ ﻗﺎﻳﺘﯘﺭﻏﺎﻥ ﯞﺍﻗﯩﺘﺘﺎ 330 ﻳﯜﻩﻥ ﺋﺎﺭﺗﯘﻕ ﻗﺎﻳﺘﯘﺭﯗﺵ ﻛﯧﺮﻩﻛﻠﯩﻜﯩﻨﻰ ﺑﺎﻳﻘﯩﻐﺎﻥ ﺑﯘ ﻗﺎﻧﺪﺍﻕ ﺋﯩﺶ! ﻛﯧﻴﯩﻦ ﺑﺎﻧﻜﺎ ﻣﯘﻻﺯﯨﻤﻪﺗﭽﯩﺴﯩﮕﻪ ﺗﯧﻠﯧﻔﻮﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ ﻧﻪﻕ ﭘﯘﻝ ﺋﯧﻠﯩﺶ ﺋﯚﺳﯜﻣﻰ ﻧﻪﻕ ﭘﯘﻝ ﺋﺎﻟﻐﺎﻥ ﻛﯜﻧﺪﯨﻦ ﺑﺎﺷﻼﭖ ﮪﯧﺴﺎﺑﻠﯩﻨﯩﭗ ﻗﺎﻳﺘﯘﺭﯗﺷﺘﯩﻦ ﺑﯩﺮ ﻛﯜﻥ ﺑﯘﺭﯗﻥ  ﺋﺎﺧﯩﺮﻟﯩﺸﯩﺪﯨﻐﺎﻧﻠﯩﻘﯩﻨﻰ ﻛﯜﻧﻠﯜﻙ ﺋﯚﺳﯜﻣﻨﯩﯔ ﺋﻮﻥ ﻣﯩﯖﺪﯨﻦ ﺑﻪﺷﻰ ﺑﻮﻳﯩﭽﻪ ﮪﯧﺴﺎﺑﻠﯩﻨﯩﭗ ﺋﯘﻧﯩﯖﺪﯨﻦ ﺑﺎﺷﻘﺎ 3% ﻧﻪﻕ ﭘﯘﻝ ﺋﯧﻠﯩﺶ ﺭﻩﺳﻤﯩﻴﻪﺕ ﮪﻪﻗﻘﻰ ﺋﯧﻠﯩﻨﯩﺪﯨﻐﺎﻧﻠﯩﻘﯩﻨﻰ  ﺑﯩﻠﮕﻪﻥ.  ﺷﯘﻧﺪﺍﻕ ﮪﯧﺴﺎﺑﻠﯩﻐﺎﻧﺪﺍ      10000ﻳﯜﻩﻥ ×0.05 ×6 ﻛﯜﻥ (1-ﺋﺎﻳﻨﯩﯔ 30-ﻛﯜﻧﯩﺪﯨﻦ 2-ﺋﺎﻳﻨﯩﯔ 6-ﻛﯜﻧﯩﮕﯩﭽﻪ)＋10000ﻳﯜﻩﻥ ×3% = 330 ﻳﯜﻩﻥ
ﺋﻪﻣﻪﻟﯩﻴﻪﺕ :  ﻧﯚﯞﻩﺗﺘﻪ ﮪﻪﺭﻗﺎﻳﺴﻰ ﺑﺎﻧﻜﯩﻼﺭ ﻣﯘﻧﺪﺍﻕ ﺑﻪﻟﮕﯩﻠﯩﮕﻪﻥ: ﺋﯩﻨﺎﯞﻩﺕ ﻛﺎﺭﺗﯩﺴﯩﺪﯨﻦ ﻧﻪﻕ ﭘﯘﻝ ﺋﺎﻟﻐﺎﻧﺪﺍ ﺋﯚﺳﯜﻡ ﺗﺎﭘﺸﯘﺭﯗﺵ ﻛﯧﺮﻩﻙ ﺋﯚﺳﯜﻡ ﻛﻪﭼﯜﺭﯛﻡ ﻗﯩﻠﯩﺶ ﻣﯘﺩﺩﯨﺘﯩﺪﯨﻦ ﺑﻪﮪﺮﯨﻤﺎﻥ ﺑﻮﻻﻟﻤﺎﻳﺪﯗ ﻛﯚﭘﯩﻨﭽﻪ ﺋﯩﻨﺎﯞﻩﺕ ﻛﺎﺭﺗﯩﻠﯩﺮﯨﺪﺍ  ﮪﻪﺭﻛﯜﻧﻨﯩﯔ ﺋﻮﻥ ﻣﯩﯖﺪﯨﻦ ﺑﻪﺷﻰ ﺑﻮﻳﯩﭽﻪ ﮪﯧﺴﺎﺑﻠﯩﻨﯩﺪﯗ ﻳﯩﻠﻠﯩﻖ ﺋﯚﺳﯜﻣﮕﻪ ﺳﯘﻧﺪﯗﺭﯗﭖ ﮪﯧﺴﺎﺑﻠﯩﻐﺎﻧﺪﺍ %18ﺗﯩﻦ ﺋﯧﺸﯩﭗ ﻛﯧﺘﯩﺪﯗ. ﺋﯘﻧﯩﯖﺪﯨﻦ ﺳﯩﺮﺕ ﻛﯚﭘﯩﻨﭽﻪ ﺋﯩﻨﺎﯞﻩﺕ ﻛﺎﺭﺗﯩﻠﯩﺮﯨﺪﯨﻦ ﻧﻪﻕ ﭘﯘﻝ ﺋﺎﻟﻐﺎﻧﺪﺍ ﻳﻪﻧﻪ ﻳﯘﻗﯩﺮﻯ ﺳﻮﻣﻤﯩﻠﯩﻖ ﻧﻪﻕ ﭘﯘﻝ ﺋﯧﻠﯩﺶ ﺭﻩﺳﻤﯩﻴﻪﺕ ﮪﻪﻗﻘﻰ ﺗﺎﭘﺸﯘﺭﯗﺵ ﻛﯧﺮﻩﻙ ﺋﺎﺯ ﺳﺎﻧﺪﯨﻜﻰ ﺋﯩﻨﺎﯞﻩﺕ ﻛﺎﺭﺗﯩﻠﯩﺮﯨﺪﺍ ﺭﻩﺳﻤﯩﻴﻪﺕ ﮪﻪﻗﻘﻰ ﻛﻪﭼﯜﺭﯛﻡ ﻗﯩﻠﯩﻨﯩﺪﯗ.
ﺋﻪﺳﻜﻪﺭﺗﯩﺶ: ﺑﺎﻧﻜﯩﻨﯩﯔ ﺋﯚﺳﯜﻡ ﻛﻪﭼﯜﺭﯛﻡ ﻗﯩﻠﯩﺶ ﻣﯘﺩﺩﯨﺘﯩﻨﯩﯔ ” ﭘﯧﻴﯩﮕﻪ ﭼﯜﺷﻜﻪﻥ ” ﺑﻮﻟﺴﯩﯖﯩﺰ ﺩﻭﺳﺘﻠﯩﺮﯨﯖﯩﺰﺩﯨﻦ ﭘﯘﻝ ﺋﯧﻠﯩﭗ ﺋﯘﻻﺭﻏﺎ ﺋﯩﻨﺎﯞﻩﺕ ﻛﺎﺭﺗﯩﯖﯩﺰﻧﻰ ﺳﯜﺭﻛﻪﭖ ﺋﯩﺴﺘﯧﻤﺎﻝ ﻗﯩﻠﯩﺸﻘﺎ ﺋﺎﺭﯨﻴﻪﺕ ﺑﯧﺮﯨﯔ.

ﺑﻪﺷﯩﻨﭽﻰ ﻣﯘﺩﺩﻩﺗﻜﻪ ﺑﯚﻟﯜﭖ ﭘﯘﻝ ﺗﯚﻟﻪﺷﺘﻪ  ﭘﺎﻳﺪﺍ ﺋﯧﻠﯩﺶ ﺗﻪﺱ ﻧﯚﯞﻩﺗﺘﻪ ﮪﻪﺭﻗﺎﻳﺴﻰ ﺑﺎﻧﻜﯩﻼﺭ ﯞﻩ ﻛﺎﺭﺧﺎﻧﯩﻼﺭ ﺋﯩﻨﺎﯞﻩﺕ ﻛﺎﺭﺗﯩﺴﯩﺪﺍ ﻣﯘﺩﺩﻩﺗﻜﻪ ﺑﯚﻟﯜﭖ ﺗﯚﻟﻪﺵ ﻛﻪﺳﭙﯩﻨﻰ ﻳﻮﻟﻐﺎ ﻗﻮﻳﻐﺎﻥ ﺑﻮﻟﯘﭖ ﻛﺎﺭﺗﺎ ﺋﯩﮕﯩﺴﻰ ﺑﺎﺯﺍﺭﺩﯨﻦ ﻧﻪﺭﺳﻪ-ﻛﯧﺮﻩﻙ ﺳﯧﺘﯩﯟﺍﻟﻐﺎﻧﺪﯨﻦ ﻛﯧﻴﯩﻦ ﺑﺎﻧﻜﺎ ﺑﯩﻠﻪﻥ ﺑﯩﺮ ﻗﺎﻧﭽﻪ ﻗﯧﺘﯩﻤﻐﺎ ﺑﯚﻟﯜﭖ ﺗﯚﻟﻪﺷﻜﻪ ﻛﯧﻠﯩﺸﺴﻪ ﺑﺎﻧﻜﺎ ﺩﯦﻴﯩﺸﻜﻪﻥ ﺗﯚﻟﻪﻡ ﻣﯘﺩﺩﯨﺘﻰ ﺋﯩﭽﯩﺪﻩ ﺋﻮﻧﻜﻮﻝ ﻗﯩﻠﯩﺶ ﺋﯚﺳﯜﻣﻰ ﺋﺎﻟﻤﺎﻳﺪﯗ ﺑﯘ ﻗﺎﺭﯨﻤﺎﻗﻘﺎ ﻧﺎﮪﺎﻳﯩﺘﻰ ﻳﺎﺧﺸﻰ ﺋﯩﺸﺘﻪﻙ ﻛﯚﺭﯛﻧﯩﺪﯗ.

ﺋﻪﻣﻪﻟﯩﻴﻪﺕ: ﺑﺎﻧﻜﺎ ﮪﻪﺭﮔﯩﺰﻣﯘ ﻛﺎﺭﺗﺎ ﺋﯩﮕﯩﺴﯩﮕﻪ ﭘﯘﻝ ﺋﺎﺭﯨﻴﻪﺕ ﺑﯧﺮﯨﭗ ﺗﯘﺭﻣﺎﻳﺪﯗ ﺑﻪﻟﻜﻰ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﯩﯔ ﺋﻮﻧﻜﻮﻝ ﺋﯚﺳﯜﻣﯩﻨﯩﯔ ﺷﻪﻛﻠﯩﻨﻰ ﺋﯚﺯﮔﻪﺭﺗﻜﻪﻥ ﻳﯧﺮﻯ ﺑﺎﺭ ﺧﺎﻻﺱ. ﻛﺎﺭﺗﺎ ﺋﯩﮕﯩﺴﻰ ﺋﯚﺳﯜﻣﻨﻰ ﻛﻪﭼﯜﺭﯛﻡ ﻗﯩﻠﻐﺎﻥ ﻣﯘﺩﺩﻩﺗﻜﻪ ﺑﯚﻟﯜﭖ ﺗﯚﻟﻪﺵ ﺋﯩﻠﺘﯩﻤﺎﺳﯩﻨﻰ ﺑﯧﺠﯩﺮﮔﻪﻥ ﯞﺍﻗﯩﺘﺘﺎ ﺑﺎﻧﻜﺎ ﮪﻪﺭﺋﺎﻳﺪﺍ ﺑﻪﻟﮕﯩﻠﯩﻚ ﺭﻩﺳﻤﯩﻴﻪﺕ ﮪﻪﻗﻘﻰ ﺋﺎﻟﯩﺪﯗ ﺑﯘ ﺋﺎﺩﻩﺗﺘﻪ ﺋﻮﺧﺸﺎﺵ ﺩﻩﺭﯨﺠﯩﺪﯨﻜﻰ ﻗﻪﺭﺯ ﺋﯧﺘﯩﺒﺎﺭ ﭘﺎﻳﺪﯨﺴﯩﺪﯨﻦ ﻳﯘﻗﯩﺮﯨﺮﺍﻕ.
ﺋﻪﺳﻜﻪﺭﺗﯩﺶ:    ﺑﯩﻜﺎﺭﻏﺎ  ﻣﯜﺷﯜﻙ ﺋﺎﭘﺘﺎﭘﻘﺎ ﭼﯩﻘﻤﺎﻳﺪﯗ ﻧﯚﻝ ﺋﯚﺳﯜﻣﻨﯩﯔ ﺋﺎﺭﻗﯩﺴﯩﺪﯨﻜﻰ “ﻗﯩﻠﺘﺎﻕ” ﺗﯩﻦ ﮪﻪﺯﻩﺭ ﺋﻪﻳﻠﻪﯓ.

ﺋﺎﻟﺘﯩﻨﭽﻰ ﺋﯩﻨﺎﯞﻩﺕ ﻛﺎﺭﺗﯩﺴﻰ ﻗﺎﻧﭽﻪ ﻛﯚﭖ ﺑﻮﻟﺴﺎ ﺷﯘﻧﭽﻪ ﻳﺎﺧﺸﻰ ﺩﻩﻳﺪﯨﻐﺎﻥ ﮔﻪﭖ ﻳﻮﻕ

ﻳﯧﺘﻪﻛﭽﻰ ﺋﺎﻣﯩﻞ:ﺑﻪﺯﻯ ﺋﯩﻨﺎﯞﻩﺕ ﻛﺎﺭﺗﯩﺴﻰ ” ﻣﻪﺧﺴﯘﺱ ﺧﯧﺮﯨﺪﺍﺭﻟﯩﺮﻯ” ﺑﻪﺯﯨﺪﻩ ﻛﯚﭖ ﺧﯩﻞ ﺗﯧﻤﯩﺪﯨﻜﻰ ﺋﯩﻨﺎﯞﻩﺕ ﻛﺎﺭﺗﯩﻠﯩﺮﯨﻨﻰ ﺑﯧﺠﯩﺮﯨﺸﻰ  ﻣﯘﻣﻜﯩﻦ ﻣﻪﺳﯩﻠﻪﻥ ﺋﺎﯞﯨﺌﺎﺗﺴﯩﻴﻪ ﺗﯧﻤﯩﺴﻰ ﻛﺎﺭﺗﯩﺴﻰ ﻣﺎﺷﯩﻨﺎ ﺗﯧﻤﯩﺴﻰ ﻛﺎﺭﺗﯩﺴﻰ ﺳﻮﺩﺍ ﺑﺎﺯﯨﺮﻯ ﺗﯧﻤﯩﺴﻰ ﻛﺎﺭﺗﯩﺴﻰ ﻣﺎﻟﯩﻴﻪ ﺑﺎﺷﻘﯘﺭﯗﺵ ﺗﯧﻤﯩﺴﻰ ﻛﺎﺭﺗﯩﺴﻰ ﺗﺎﯞﺑﺎﯞ ﺗﯧﻤﯩﺴﻰ ﻛﺎﺭﺗﯩﺴﻰ ﻗﺎﺗﺎﺭﻟﯩﻘﻼﺭ.  ﺑﯘ ﺋﺎﺭﻗﯩﻠﯩﻖ ﺋﻮﺧﺸﯩﻤﯩﻐﺎﻥ ﺋﯩﺴﺘﯧﻤﺎﻝ ﻣﻪﺯﮔﯩﻠﯩﺪﻩ ﺋﯩﻨﺘﯧﮕﺮﺍﻟﻨﻰ ﻧﻪﭼﭽﻪ ﮪﻪﺳﺴﯩﻠﯩﮕﯩﻠﻰ ﺑﻮﻟﯩﺪﯗ.
ﺋﻪﻣﻪﻟﯩﻴﻪﺕ : ﺋﯩﻨﺎﯞﻩﺕ ﻛﺎﺭﺗﯩﺴﻰ ﺑﻪﻙ ﻛﯚﭖ ﺑﻮﻟﯘﭖ ﻛﻪﺗﺴﻪ ﻛﺎﺭﺗﺎ ﺋﯩﮕﯩﺴﻰ ﻗﺎﻳﺴﻰ ﻛﺎﺭﺗﯩﺪﺍ ﻗﺎﻧﭽﯩﻠﯩﻚ ﺋﯩﺴﺘﯧﻤﺎﻝ ﻗﯩﻠﻐﺎﻧﻠﯩﻘﯩﻨﻰ ﺗﯚﻟﻪﺵ ﻣﯘﺩﺩﯨﺘﯩﻨﯩﯔ ﻗﺎﻧﭽﯩﻠﯩﻚ ﺋﯩﻜﻪﻧﻠﯩﻜﯩﻨﻰ ﺋﺎﺳﺎﻧﻼ ﺋﺎﺭﯨﻼﺷﺘﯘﺭﯗﭖ ﻗﻮﻳﯩﺪﯗ ﻧﻪﺗﯩﺠﯩﺪﻩ ﻗﻪﺭﺯ ﺗﯚﻟﻪﺵ ﻛﻪﻳﻨﯩﮕﻪ ﺳﯚﺭﯨﻠﯩﭗ ﻛﯧﺘﯩﺶ ﺋﻪﮪﯟﺍﻟﻰ ﻛﯚﺭﯛﻟﯩﺪﯗ ﺋﯩﻨﺘﯧﮕﺮﺍﻟﻤﯘ ﮪﻪﺭﻗﺎﻳﺴﻰ ﻛﺎﺭﺗﯩﻼﺭﻏﺎ ﭼﯧﭽﯩﻠﯩﭗ ﻛﯧﺘﯩﭗ ﺋﯩﺶ ﺋﯚﺯﻯ ﺋﻮﻳﻠﯩﻐﺎﻧﺪﻩﻙ ﺑﻮﻟﻤﺎﻱ ﻗﯧﻠﯩﭗ ﺋﯩﺴﺘﯧﻤﺎﻟﭽﯩﻼﺭ ﺋﯚﺯﯨﮕﻪ ﺋﺎﺯ ﺑﻮﻟﻤﯩﻐﺎﻥ ” ﻣﺎﻟﯩﻴﻪ ﺑﯧﺴﯩﻤﻰ ” ﺗﯧﭙﯩﯟﺍﻟﯩﺪﯗ.
ﺋﻪﺳﻜﻪﺭﺗﯩﺶ: “ﻗﺎﻧﭽﻪ ﻛﯚﭖ ﺑﻮﻟﺴﺎ ﺷﯘﻧﭽﻪ ﻳﺎﺧﺸﻰ ” ﺩﯦﮕﻪﻧﻨﻰ ﮪﻪﻣﻤﻪ ﺋﺎﺩﻩﻡ ﺟﺎﻳﯩﺪﺍ ﺟﺎﻳﯩﺪﺍ ﺑﺎﺷﻘﯘﺭﺍﻟﻤﺎﻳﺪﯗ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﻰ ﻛﯚﭖ ﺑﯧﺠﯩﺮﯨﯟﯦﻠﯩﭗ ﻳﺎﺧﺸﻰ ﺑﺎﺷﻘﯘﺭﺍﻟﻤﯩﺴﯩﯖﯩﺰ ﻣﻪﻧﭙﻪﺋﻪﺕ ﻳﯜﻛﻜﻪ ﺋﺎﻳﻠﯩﻨﯩﭗ ﻗﺎﻟﯩﺪﯗ.

ﻳﻪﺗﺘﯩﻨﭽﻰ ﺋﻪﮔﻪﺭ ﻗﻪﺭﺯ ﺗﯚﻟﻪﺵ ﯞﺍﻗﺘﯩﻨﻰ ﺋﯘﻧﺘﯘﭖ ﻗﯧﻠﯩﭗ ﻧﺎﭼﺎﺭ ﺧﺎﺗﯩﺮﻩ ﺳﺎﻗﻠﯩﻨﯩﭗ ﻗﯧﻠﯩﺸﯩﺪﯨﻦ ﺋﻪﻧﺴﯩﺮﯨﺴﯩﯖﯩﺰ ﺋﯩﻨﺎﯞﻩﺕ ﻛﺎﺭﺗﯩﺴﻰ ﺑﯧﺠﯩﺮﮔﻪﻥ ﯞﺍﻗﯩﺘﺘﺎ ﭘﯘﻝ ﺋﺎﻣﺎﻧﻪﺕ ﻛﺎﺭﺗﯩﺴﻰ ﺑﯧﺠﯩﺮﮔﻪﻥ ﺑﺎﻧﻜﯩﻨﻰ ﺗﺎﻟﻠﯩﺴﯩﯖﯩﺰ ﺑﻮﻟﯩﺪﯗ. ﺑﯘﻧﺪﺍﻕ ﺑﻮﻟﻐﺎﻧﺪﺍ ﺋﯩﻨﺎﯞﻩﺕ ﻛﺎﺭﺗﯩﺴﻰ ﺑﯩﻠﻪﻥ ﭘﯘﻝ ﺋﺎﻣﺎﻧﻪﺕ ﻛﺎﺭﺗﯩﺴﻰ ﺑﺎﻏﻠﯩﻨﯩﺸﻠﯩﻖ ﺑﻮﻟﯘﭖ ﺗﯚﻟﻪﻡ ﻣﯘﺩﺩﯨﺘﻰ ﺗﻮﺷﻘﺎﻧﺪﺍ ﺋﺎﭘﺘﻮﻣﺎﺗﯩﻚ ﮪﺎﻟﺪﺍ ﻗﺎﻳﺘﯘﺭﯨﻠﯩﺪﯗ ﺷﯘﻧﺪﺍﻗﻼ ﮪﯧﭽﻘﺎﻧﺪﺍﻕ ﺭﻩﺳﻤﯩﻴﻪﺕ ﮪﻪﻗﻘﻰ ﻛﻪﺗﻤﻪﻳﺪﯗ. ﻳﺎﻛﻰ ﺑﺎﻧﻜﺎ ﺋﺎﺗﻼﭖ ﮪﯧﺴﺎﺑﺎﺕ ﻳﯚﺗﻜﯩﮕﻪﻧﺪﻩ ﺭﻩﺳﻤﯩﻴﻪﺕ ﮪﻪﻗﻘﻰ ﺋﺎﻟﻤﺎﻳﺪﯨﻐﺎﻥ ﺋﺎﻣﺎﻧﻪﺕ ﺑﺎﻧﻜﺎ ﻛﺎﺭﺗﯩﺴﻰ ﺑﯧﺠﯩﺮﯨﭗ ﺑﺎﺭﻟﯩﻖ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﻰ ﺷﯘﻧﯩﯖﻐﺎ ﺑﺎﻏﻼﭖ ﻗﻮﻳﺴﯩﯖﯩﺰ ﺗﯚﻟﻪﻡ ﻣﯘﺩﺩﯨﺘﯩﺪﯨﻦ ﺋﯘﻧﺘﯘﭖ ﻗﯧﻠﯩﺸﺘﯩﻦ ﺋﻪﻧﺴﯩﺮﯨﻤﯩﺴﯩﯖﯩﺰﻣﯘ ﺑﻮﻟﯩﺪﯗ ﭼﯜﻧﻜﻰ ﺗﯚﻟﻪﻡ ﻣﯘﺩﺩﯨﺘﯩﻨﯩﯔ ﺋﻪﯓ ﺋﺎﺧﯩﺮﻗﻰ ﻛﯜﻧﻰ ﺑﺎﻧﻜﺎ ﺋﺎﭘﺘﻮﻣﺎﺗﯩﻚ ﮪﺎﻟﺪﺍ ﺋﺎﻣﺎﻧﻪﺕ ﻛﺎﺭﺗﯩﺴﯩﺪﯨﻦ ﭘﯘﻝ ﺗﯘﺗﯘﭖ ﻗﻪﺭﺯﻧﻰ ﻗﺎﻳﺘﯘﺭﯨﺪﯗ. ﭘﻪﻗﻪﺕ ﺋﺎﻣﺎﻧﻪﺕ ﻛﺎﺭﺗﯩﯖﯩﺰﺩﺍ ﻳﯧﺘﻪﺭﻟﯩﻚ ﭘﯘﻝ ﺑﻮﻟﺴﯩﻼ ﺗﯚﻟﻪﻡ ﻣﯘﺩﺩﯨﺘﯩﻨﯩﯔ ﺋﯚﺗﯜﭖ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﯨﻤﯩﺴﯩﯖﯩﺰﻣﯘ ﺑﻮﻟﯩﺪﯗ.

ﺋﻪﺳﻜﻪﺭﺗﯩﺶ: ﺩﻭﺳﺘﯩﯖﯩﺰﻧﯩﯔ ﺋﻮﺭﻧﯩﺪﺍ ﺋﻪﺳﻜﻪﺭﺗﯩﭗ ﻗﻮﻳﺎﻱ ﺋﯩﻨﺎﯞﻩﺕ ﻛﺎﺭﺗﯩﺴﻰ ﺋﯩﺸﻠﯩﺘﯩﭗ ﺋﯩﺴﺘﯧﻤﺎﻝ ﻗﯩﻠﻐﺎﻧﺪﺍ ﭘﻪﺧﻪﺱ ﺑﻮﻟﯘﯓ ﺋﻪﮔﻪﺭ ﺋﺎﻣﺎﻧﻪﺕ ﻛﺎﺭﺗﯩﯖﯩﺰﺩﯨﻜﻰ ﭘﯘﻝ ﺗﯚﻟﻪﻡ ﺗﯚﻟﻪﺷﻜﻪ ﻳﻪﺗﻤﯩﺴﻪ ﺑﯩﺮ ﻗﯧﺘﯩﻤﺪﺍ ﭘﯜﺗﯜﻥ ﺳﻮﻣﻤﯩﻨﻰ ﺗﯚﻟﯩﻴﻪﻟﻤﯩﺴﯩﯖﯩﺰ ﻳﻪﻧﯩﻼ ﺋﯚﺳﯜﻡ ﺗﯚﻟﯩﺸﯩﯖﯩﺰﮔﻪ ﺗﻮﻏﺮﺍ ﻛﯧﻠﯩﺪﯗ.

ﺳﻪﻛﻜﯩﺰﯨﻨﭽﻰ ﻣﻪﺧﭙﯩﻲ ﻧﻮﻣﯘﺭ ﺋﯩﻤﺰﺍ ﻗﻮﻳﯘﺷﺘﯩﻦ ﺑﯩﺨﻪﺗﻪﺭ

ﺋﻪﻣﻪﻟﯩﻴﻪﺕ : ﺋﯩﻨﺎﯞﻩﺕ ﻛﺎﺭﺗﯩﺴﯩﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻗﺎﺭﯨﺘﺎ ﻛﯚﭘﭽﯩﻠﯩﻚ ﺋﻪﯓ ﻛﯚﭖ ﻣﯘﻻﮪﯩﺰﻩ ﺋﯧﻠﯩﭗ ﺑﺎﺭﯨﺪﯗ. ﻧﯚﯞﻩﺗﺘﻪ ﺋﯩﻤﺰﺍ ﻗﻮﻳﯘﺷﻨﻰ ﺋﯩﻨﺎﯞﻩﺕ ﻛﺎﺭﺗﯩﺴﻰ ﺋﺎﺭﻗﯩﻠﯩﻖ ﺋﯩﺴﺘﯧﻤﺎﻝ ﻗﯩﻠﯩﺸﻨﯩﯔ ﺋﯩﺴﭙﺎﺗﻰ ﻗﯩﻠﯩﺶ ﺧﻪﻟﻘﺌﺎﺭﺍﻟﯩﻖ ﻛﺎﺭﺧﺎﻧﯩﻼﺭﺩﺍ ﺑﯩﺮ ﻗﻪﺩﻩﺭ ﺋﻮﻣﯘﻣﻼﺷﻘﺎﻥ. ﻟﯧﻜﯩﻦ ﺩﯙﻟﻪﺕ ﺋﯩﭽﯩﺪﻩ ﺋﻪﮪﯟﺍﻝ ﺋﻪﻛﺴﯩﭽﻪ ﺑﻮﻟﯘﭖ ﻣﻪﺧﭙﯩﻲ ﻧﻮﻣﯘﺭ ﺋﯩﻤﺰﺍ ﻗﻮﻳﯘﺷﺘﯩﻦ ﺑﯩﺨﻪﺗﻪﺭ.  ﺧﻪﻟﻘﺌﺎﺭﺍﻟﯩﻖ ﺋﺎﺩﻩﺗﻜﻪ ﺋﺎﺳﺎﺳﻪﻥ ﺋﯩﻨﺎﯞﻩﺕ ﻛﺎﺭﺗﯩﺴﯩﺪﺍ ﺋﯩﻤﺰﺍ ﺋﯩﺸﻠﯩﺘﯩﺶ ﺋﯩﻤﺰﺍﻧﻰ ﺩﻩﻟﯩﻠﻠﻪﺵ ﻗﺎﺗﺎﺭﻟﯩﻘﻼﺭﻧﯩﯔ ﻣﻪﺳﺌﯘﻟﯩﻴﯩﺘﻰ  ﺗﯩﺠﺎﺭﻩﺗﭽﯩﻠﻪﺭﺩﻩ ﺑﻮﻟﯘﭖ ﻣﻪﺧﭙﯩﻲ ﻧﻮﻣﯘﺭ ﺋﯩﺸﻠﯩﺘﯩﺶ ﻣﻪﺧﭙﯩﻲ ﻧﻮﻣﯘﺭﻧﻰ ﺑﺎﺷﻘﯘﺭﯗﺵ ﻗﺎﺗﺎﺭﻟﯩﻖ ﻣﻪﺳﺌﯘﻟﯩﻴﻪﺗﻠﻪﺭ ﻛﺎﺭﺗﺎ ﺋﯩﮕﯩﺴﯩﺪﻩ. ﺩﯙﻟﻪﺕ ﺋﯩﭽﯩﺪﻩ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﻰ ﺑﺎﺷﻘﯩﻼﺭ ﺋﻮﻏﺮﯨﻠﯩﻘﭽﻪ ﺋﯩﺸﻠﯩﺘﯩﯟﺍﻟﻤﯩﺴﯩﻼ   ﺋﺎﺳﺎﺳﯩﻲ ﺟﻪﮪﻪﺗﺘﯩﻦ ﮪﯧﭽﻜﯩﻢ ﺋﯩﻤﺰﺍﻧﻰ ﺩﻩﻟﯩﻠﻠﻪﭖ ﻳﯜﺭﻣﻪﻳﺪﯗ ﺷﯘﯕﺎ  ﮪﻪﻝ ﻗﯩﻠﯩﺶ ﺋﯘﺳﯘﻟﯩﻨﯩﯔ ﺩﯙﻟﻪﺕ ﺳﯩﺮﺗﯩﺪﯨﻜﻰ ﺑﯩﻠﻪﻥ ﺋﯩﻨﺘﺎﻳﯩﻦ ﭼﻮﯓ ﭘﻪﺭﻗﻰ ﺑﺎﺭ. ﺷﯘﻧﯩﯔ ﺋﯜﭼﯜﻥ ﺗﯧﺨﯩﻤﯘ ﺑﯩﺨﻪﺗﻪﺭ ﺑﻮﻟﻐﯩﻨﻰ ﻣﻪﺧﭙﯩﻲ ﻧﻮﻣﯘﺭ ﺋﯩﺸﻠﯩﺘﯩﺶ ﯞﻩ ﺋﯩﻤﺰﺍ ﻗﻮﻳﯘﺷﻨﻰ ﺗﻪﯓ ﺋﯧﻠﯩﭗ ﺑﯧﺮﯨﺶ ﺷﻪﻛﻠﯩﺪﯗﺭ.
ﺋﻪﺳﻜﻪﺭﺗﯩﺶ: ﭼﻪﺕ ﺋﻪﻟﺪﯨﻜﻰ ﺗﻪﺟﺮﯨﺒﯩﯖﯩﺰﻧﻰ ﻗﻮﻳﯘﭖ ﺗﯘﺭﯗﯓ ﻳﻪﻛﭽﻪﺷﻤﯩﻨﯩﯔ ﺷﻪﮪﯩﺮﯨﮕﻪ ﺑﺎﺭﺳﺎﯓ ﺑﯩﺮ ﻛﯚﺯﯛﯕﻨﻰ ﻗﯩﺲ ﺩﻩﻳﺪﯨﻐﺎﻥ ﮔﻪﭖ ﺑﺎﺭ. ﺩﯙﻟﻪﺕ ﺋﯩﭽﯩﺪﻩ ﺋﻪﯓ ﻳﺎﺧﺸﯩﺴﻰ ﻣﻪﺧﭙﯩﻲ ﻧﻮﻣﯘﺭ ﯞﻩ ﺋﯩﻤﺰﺍﺩﯨﻦ ﺋﯩﺒﺎﺭﻩﺕ ﺋﻪﻧﺌﻪﻧﯩﯟﯨﻲ ﻗﯧﻠﯩﭙﻨﻰ ﺋﯩﺸﻠﯩﺘﯩﯔ.

ﺗﻮﻗﻘﯘﺯﯨﻨﭽﻰ ﻧﻮﺭﻣﯩﺪﯨﻦ ﺋﺎﺷﯘﺭﯗﭖ ﻛﺎﺭﺗﺎ ﺳﯜﺭﻛﻪﺷﻨﯩﯔ ” ﭼﻪﻛﺘﯩﻦ ﺋﺎﺷﯘﺭﯗﯞﯦﺘﯩﺶ ﮪﻪﻗﻘﻰ ” ﺑﺎﺭ

ﺋﯩﻨﺎﯞﻩﺕ ﻛﺎﺭﺗﯩﺴﯩﻨﯩﯔ ﭼﻪﻛﺘﯩﻦ ﺋﺎﺷﯘﺭﯗﯞﯦﺘﯩﺶ ﮪﻪﻗﻘﯩﻨﻰ ﻧﯘﺭﻏﯘﻥ ﻛﺎﺭﺗﺎ ﺋﯩﮕﯩﻠﯩﺮﻯ ﺋﺎﯕﻼﭖ ﺑﺎﻗﻤﯩﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ ﻟﯧﻜﯩﻦ ﺑﯘ ﺧﯩﻞ ﮪﻪﻕ ﮪﻪﻗﯩﻘﻪﺗﻪﻧﻤﯘ ﻣﻪﯞﺟﯘﺕ.
ﻣﯩﺴﺎﻝ: ﯞﯗﻧﻪﻥ ﻛﯧﻴﯩﻨﻜﻰ ﺋﺎﻳﺪﺍ ﺑﯧﺰﻩﻛﭽﯩﻠﯩﻚ ﻣﺎﺗﯧﺮﯨﻴﺎﻟﻠﯩﺮﻯ ﺳﯧﺘﯩﯟﺍﻟﻤﺎﻗﭽﻰ ﺑﻮﻟﯘﭖ ﺑﺎﻧﻜﺎ ﻣﯘﻻﺯﯨﻤﻪﺗﭽﯩﺴﯩﮕﻪ ﺗﯧﻠﯧﻔﻮﻥ ﻗﯩﻠﯩﭗ ﺋﯩﻨﺎﯞﻩﺕ ﺳﻮﻣﻤﯩﺴﯩﻨﻰ ﺋﯚﺳﺘﯜﺭﯛﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﺪﻯ. ﺋﯘﻧﯩﯔ ﻗﺎﺗﻨﺎﺵ ﺑﺎﻧﻜﺎ ﻛﺎﺭﺗﯩﺴﯩﻨﯩﯔ ﺋﻪﺳﻠﯩﺪﻩ 25 ﻣﯩﯔ ﻳﯜﻩﻧﻠﯩﻚ ﭼﯧﻜﻰ ﺑﺎﺭ ﺑﻮﻟﯘﭖ   55 ﻣﯩﯔ ﻳﯜﻩﻧﻠﯩﻚ ﺋﯚﺳﺘﯜﺭﯛﻟﺪﻯ. ﺑﯧﺰﻩﻛﭽﯩﻠﯩﻚ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺳﯧﺘﯩﯟﯦﻠﯩﺸﻘﺎ 50ﻣﯩﯔ ﻳﯜﻩﻥ ﺳﻪﺭﭖ ﻗﯩﻠﺪﻯ. ﻗﻪﺭﺯ ﺗﯚﻟﻪﻳﺪﯨﻐﺎﻥ ﻛﯜﻧﻰ ﯞﯗﻧﻪﻥ ﺋﻪﯓ ﺗﯚﯞﻩﻥ ﺳﻮﻣﻤﯩﺪﺍ ﻗﻪﺭﺯ ﺗﯚﻟﻪﺵ ﺗﻪﺟﺮﯨﺒﯩﺴﻰ ﺑﻮﻳﯩﭽﻪ 5000ﻳﯜﻩﻥ(ﻗﻪﺭﺯ ﺳﻮﻣﻤﯩﺴﯩﻨﯩﯔ 10%ﻯ ) ﺗﺎﭘﺸﯘﺭﺩﻯ ﻟﯧﻜﯩﻦ ﻧﻪﺗﯩﺠﯩﺪﻩ ﺋﯘ ﺑﺎﻧﻜﯩﻨﯩﯔ ﭼﻪﻛﺘﯩﻦ ﺋﺎﺷﯘﺭﯗﯞﯦﺘﯩﺶ ﮪﻪﻗﻘﻰ ﺗﯚﻟﻪﺵ ﺋﯘﻗﺘﯘﺭﯗﺷﯩﻨﻰ ﺗﺎﭘﺸﯘﺭﯗﯞﺍﻟﺪﻯ.

ﺋﻪﻣﻪﻟﯩﻴﻪﺕ : ﭼﻪﻛﺘﯩﻦ ﺋﺎﺷﯘﺭﯗﯞﯦﺘﯩﺶ ﮪﻪﻗﻘﻰ ﻛﯧﻠﯩﭗ ﭼﯩﻘﯩﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﻛﺎﺭﺗﺎ ﺋﯩﮕﯩﺴﻰ ﭼﻮﻗﯘﻡ  ﯞﺍﻗﯩﺘﻠﯩﻖ ﭼﻪﻙ ﺋﺎﺧﯩﺮﻟﯩﺸﯩﺶ ﻣﯘﺩﺩﯨﺘﻰ ﺋﯩﭽﯩﺪﻩ (ﺋﺎﺩﻩﺗﺘﻪ ﺑﯩﺮ ﺋﺎﻱ) ﺋﻪﺳﻠﻰ ﭼﻪﻛﺘﯩﻦ ﺋﯧﺸﯩﭗ ﻛﻪﺗﻜﻪﻥ ﻗﯩﺴﻤﯩﻨﻰ ﻗﺎﻳﺘﯘﺭﯗﯞﯦﺘﯩﺶ ﻛﯧﺮﻩﻙ ﺑﻮﻟﻤﯩﺴﺎ ﺋﺎﺭﺗﯘﻗﭽﻪ ﭼﯩﻘﯩﻢ ﻗﯩﻠﯩﺸﻘﺎ ﺗﻮﻏﺮﺍ ﻛﯧﻠﯩﭗ ﻗﺎﻟﯩﺪﯗ.
ﺋﻪﺳﻜﻪﺭﺗﯩﺶ: ﺋﯩﻨﺎﯞﻩﺕ ﻛﺎﺭﺗﯩﺴﯩﻨﯩﯔ ﻧﻮﺭﻣﯩﺴﯩﻨﻰ ﯞﺍﻗﯩﺘﻠﯩﻖ ﺋﯚﺳﺘﯜﺭﯛﺵ ﺑﯩﺰﮔﻪ ﮪﻪﻗﯩﻘﻪﺗﻪﻧﻤﯘ ﻧﯘﺭﻏﯘﻥ ﻗﻮﻻﻳﻠﯩﻘﻼﺭﻧﻰ ﺋﯧﻠﯩﭗ ﻛﯧﻠﯩﺪﯗ ﻟﯧﻜﯩﻦ ﺑﯘ ﻧﻮﺭﻣﯩﻨﯩﯔ ﯞﺍﻗﯩﺘﻠﯩﻖ ﺋﯩﻜﻪﻧﻠﯩﻜﯩﻨﻰ ﺋﯧﺴﯩﻤﯩﺰﺩﯨﻦ ﭼﯩﻘﺎﺭﻣﺎﺳﻠﯩﻘﯩﻤﯩﺰ ﻛﯧﺮﻩﻙ. ﻗﻪﺭﺯ ﻗﺎﻳﺘﯘﺭﯗﺷﺘﯩﻦ ﺑﯘﺭﯗﻥ ﺑﺎﻧﻜﯩﺪﯨﻦ ﻳﺎﺧﺸﻰ ﺳﯜﺭﯛﺷﺘﯜﺭﯛﭖ ﺑﯧﻘﯩﺸﯩﻤﯩﺰ ﯞﺍﻗﯩﺘﻠﯩﻖ ﻧﻮﺭﻣﯩﻨﯩﯔ ﺑﯩﺮﻧﻰ ” ﺋﻮﯕﺪﺍ ﻗﻮﻳﯘﺷﻰ ” ﻏﺎ ﻳﻮﻝ ﻗﻮﻳﻤﺎﺳﻠﯩﻘﯩﻤﯩﺰ ﻻﺯﯨﻢ.

ﺋﻮﻧﯩﻨﭽﻰ ﺋﯩﻨﺘﯧﮕﺮﺍﻝ ﺳﯩﺰﻧﻰ ﺑﯩﻜﺎﺭ ﺧﯘﺵ ﻗﯩﻠﯩﭗ ﻗﻮﻳﯘﺷﻰ ﻣﯘﻣﻜﯩﻦ

ﻳﯧﺘﻪﻛﭽﻰ ﺋﺎﻣﯩﻞ: ﻧﯘﺭﻏﯘﻥ ﻛﯩﺸﯩﻠﻪﺭ ﺋﯩﻨﺎﯞﻩﺕ ﻛﺎﺭﺗﯩﺴﻰ ﺳﯜﺭﻛﻪﭖ ﺋﯩﺴﺘﯧﻤﺎﻝ ﻗﯩﻠﻐﺎﻧﺪﺍ ﺋﻪﯓ ﭼﻮﯓ ﺋﯧﺰﯨﻘﺘﯘﺭﯗﺵ ﺋﯩﻨﺘﯧﮕﺮﺍﻟﻨﻰ ﺳﻮﯞﻏﺎﺕ ﺑﯘﻳﯘﻣﯩﻐﺎ ﺋﺎﻟﻤﺎﺷﺘﯘﺭﯨﺪﯗ ﻟﯧﻜﯩﻦ ﺳﯩﺰ ﻣﻪﻟﯘﻡ ﺑﯩﺮ ﺑﯘﻳﯘﻡ ﺋﯜﭼﯜﻥ ﺗﯩﺮﯨﺸﯩﭗ  ﻛﺎﺭﺗﺎ ﺳﯜﺭﻛﻪﭖ ﺋﯩﻨﺘﯧﮕﺮﺍﻝ ﻳﯩﻐﯩﯟﺍﺗﻘﯩﻨﯩﯖﯩﺰﺩﺍ ﺋﯩﻨﺘﺎﻳﯩﻦ ﺋﻪﭘﺴﯘﺳﻼﻧﻐﺎﻥ ﮪﺎﻟﺪﺍ ﺋﯩﻨﺘﯧﮕﺮﺍﻟﯩﯖﯩﺰﻧﯩﯔ ﺗﺎﺯﯨﻠﯩﯟﯦﺘﯩﻠﮕﻪﻧﻠﯩﻜﯩﻨﻰ ﺑﺎﻳﻘﯩﺸﯩﯖﯩﺰ ﻣﯘﻣﻜﯩﻦ. ﭼﯜﻧﻜﻰ ﺑﻪﺯﻯ ﺑﺎﻧﻜﯩﻼﺭﻧﯩﯔ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﯩﯔ ﺋﯩﻨﺘﯧﮕﺮﺍﻟﻨﯩﯔ ﻗﻪﺭﻩﻟﻰ ﺑﺎﺭ ﺑﻮﻟﯘﭖ ﺋﺎﺩﻩﺗﺘﻪ ﺋﯩﻜﻜﻰ ﻳﯩﻠﻠﯩﻖ ﻗﻪﺭﻩﻟﺪﯨﻜﯩﻠﻪﺭ ﺑﯩﺮ ﻗﻪﺩﻩﺭ ﻛﯚﭖ.
ﺋﻪﻣﻪﻟﯩﻴﻪﺕ : ﮪﺎﺯﯨﺮ ﺑﺎﺭﻏﺎﻧﺴﯧﺮﻯ  ﻛﯚﭖ ﻛﺎﺭﺗﺎ ﺋﯩﮕﯩﻠﯩﺮﻯ ﺋﯚﺯﯨﻨﯩﯔ ﺋﯩﻨﺘﯧﮕﺮﺍﻝ ﻗﯩﻤﻤﯩﺘﯩﻨﯩﯔ ﺑﺎﺭﻏﺎﻧﺴﯧﺮﻯ ﺗﯚﯞﻩﻧﻠﻪﯞﺍﺗﻘﺎﻧﻠﯩﻘﯩﻨﻰ ﺋﯘﻧﯩﯔ ﺋﯜﺳﺘﯩﮕﻪ ﺋﯩﻨﺘﯧﮕﺮﺍﻟﻐﺎ ﺋﯧﺮﯨﺸﯩﺸﻨﯩﯔ ﺑﺎﺭﻏﺎﻧﺴﯧﺮﻯ ﻗﯩﻴﯩﻨﻠﯩﺸﯩﯟﺍﺗﻘﺎﻧﻠﯩﻘﯩﻨﻰ ﻧﯚﯞﻩﺗﺘﻪ ﻧﯘﺭﻏﯘﻥ ﺑﺎﻧﻜﯩﻼﺭﻧﯩﯔ ﺋﯚﻱ ﻣﺎﺷﯩﻨﺎ ﺳﯧﺘﯩﯟﯦﻠﯩﺶ ﻗﺎﺗﺎﺭﻟﯩﻖ ﻛﯚﭖ ﺳﻮﻣﻤﯩﻠﯩﻖ ﺋﯩﺴﺘﯧﻤﺎﻟﻨﻰ ﺋﯩﻨﺘﯧﮕﺮﺍﻝ ﺩﺍﺋﯩﺮﯨﺴﻰ ﺳﯩﺮﺗﯩﻐﺎ ﭼﯩﻘﯩﺮﯨﯟﯦﺘﯩﯟﺍﺗﻘﺎﻧﻠﯩﻘﯩﻨﻰ ﺋﯩﻨﻜﺎﺱ ﻗﯩﻠﯩﺸﻤﺎﻗﺘﺎ. ﺋﻪﻣﻪﻟﯩﻴﻪﺗﺘﻪ ﺋﯩﻨﺎﯞﻩﺕ ﻛﺎﺭﺗﯩﺴﯩﺪﺍ ﺋﯩﻨﺘﯧﮕﺮﺍﻟﻨﻰ ﺳﻮﯞﻏﺎﺗﻘﺎ ﺋﺎﻟﻤﺎﺷﺘﯘﺭﯗﺵ ﺟﻪﮪﻪﺗﺘﻪ ﺋﻪﯓ ﺗﯧﺠﻪﺷﻠﯩﻚ ﺑﻮﻟﻐﺎﻥ ﺳﻮﺩﯨﮕﻪﺭ ﭼﺎﻗﯩﺮﯨﺶ ﺑﺎﻧﻜﯩﺴﻰ ﺟﯘﯕﮕﻮ ﺑﺎﻧﻜﯩﺴﯩﺪﯨﻤﯘ 400 ﻳﯜﻩﻥ ﺳﻪﺭﭖ ﻗﯩﻠﯩﭗ ﺋﯧﺮﯨﺸﻜﻪﻥ ﺋﯩﻨﺘﯧﮕﺮﺍﻟﻐﺎ ﺋﺎﺭﺍﻥ ﺑﯩﺮ ﻳﯜﻩﻥ ﻗﯩﻤﻤﯩﺘﯩﺪﯨﻜﻰ ﺑﯘﻳﯘﻣﻐﺎ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ. ﺋﻪﯓ ﭘﯩﺨﺴﯩﻖ ﺑﻮﻟﻐﺎﻥ ﮔﯘﺍﯕﺪﺍ ﺑﺎﻧﻜﯩﺴﯩﺪﺍ 1310 ﻳﯜﻩﻥ ﺳﻪﺭﭖ ﻗﯩﻠﻐﺎﻧﺪﺍ ﺋﺎﻧﺪﯨﻦ 1 ﻳﯜﻩﻥ ﻗﯩﻤﻤﯩﺘﯩﺪﯨﻜﻰ ﺑﯘﻳﯘﻣﻐﺎ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ.
ﺋﻪﺳﻜﻪﺭﺗﯩﺶ: ﺋﯩﻨﺎﯞﻩﺕ ﻛﺎﺭﺗﯩﺴﻰ ﺋﯩﻨﺘﯧﮕﺮﺍﻟﻰ ﺑﺎﺭﻏﺎﻧﺴﯧﺮﻯ” ﺋﯩﭽﻪﻱ ﺩﯦﺴﻪﻡ ﺳﯧﺴﯩﻖ ﺋﯧﺸﯩﻢ ﺗﯚﻛﻪﻱ ﺩﯦﺴﻪﻡ ﺋﯧﺴﯩﺖ ﺋﯧﺸﯩﻢ” ﺑﻮﻟﯘﭖ ﻗﯧﻠﯩﯟﺍﺗﯩﺪﯗ ﺋﻪﮔﻪﺭ ﺋﯩﻨﺘﯧﮕﺮﺍﻟﻨﯩﯔ ﺋﯩﻨﺎﯞﻩﺗﻠﯩﻚ ﯞﺍﻗﺘﯩﺪﺍ ﺋﯩﺸﻠﯩﺘﻪﻟﻤﯩﺴﯩﯖﯩﺰ ﺋﻪﯓ ﻳﺎﺧﺸﯩﺴﻰ ﺋﯩﻨﺎﯞﻩﺕ ﻛﺎﺭﺗﯩﺴﯩﻨﻰ ﺑﯘﺭﯗﻧﺮﺍﻕ ﺗﯩﺰﯨﻤﻠﯩﻜﺘﯩﻦ ﺋﯚﭼﯜﺭﯛﯞﯦﺘﯩﯔ.