سىنى سېغىنىمەن ℃599
سىنى سېغىنىمەن، سىنى سېغىنىمەن، مەن لەۋلىرىڭنىڭ شىرىن تەمىنى تېتىپ باقمىغان، چاچلىرىڭنى كەينىڭگە تاراپ قۇيۇپ باقمىغانمەن، يېرىم تىزلىنىپ تۇرۇپ ئايىقىڭنىڭ بوغقۇچىنى چىگىپ قۇيۇپ باقمىغانمەن. تاللا بازىرىغا كىرگىنىمدە سىنىڭ نىمىلەرنى ياقتۇردىغىنىڭنى ئەسلەپ بىرنەرسە سېتىۋېلىپ باقمىغانمەن،
ئۈزۈم بىلىدىغان تاماقلاردىن ئوخشىتىپ ئىتىپ ئەرلەرنىڭ قۇلىدىن چىققان تاماقنىڭ قانداق بۇلىدىغىنىنى ھېس قىلدۇرۇپ باقمىغانمەن. ئىشتىن يېنىپ كىرگىنىمدە ئىشىك ئالدىدىكى تەبەسسۇملۇق چىرايىڭنى تەسەۋۋۇرۇمدىلا كۆرگەنمەن. سىنى سېغىنىمەن، چۈنكى قەلبىم باغلانغان، بەلكى ياراتقۇچى باغلىغان. ئاجىرتىشقا ئامالسىزمەن. سىنى سېغىنىمەن، كەنجى باتۇر چۈشىدە كۆرگەن ھۆر-پەرىلەرنى سېغىنغاندەك، مىليونىرنىڭ قىزىغا ئاشىق بولغان سەھرا يىگىتى سېغىنغاندەك، يۈرەككە بەرگەن تەسەللىلەر ئاقمايدۇ، تېنىپ- تېنىپ كەلگەن كۆزياشلار قارشىلىققا باقمايدۇ، تىزلىنىپ تۇرۇپ قىلغان دۇئالار ياراتقۇچىغا ياقمايدو. سىنى سېغىنىمەن. دەرمان بولمىغان يۈرەك پارتلىغۇدەك بولغاندا قوش قۇلۇم بىلەن چىڭ سىقىمداپ تۇرۇپ سېغىنىمەن، ئاينىڭ تەنھالىقىغا جۆربولغان كېچىلەردە تىنىمنى شۈركەندۈردىغان سۇغۇقلارغا پېتىپ تۇرۇپ سېغىنىمەن، چۈچۈگەن ياققا چۈشكەن پىيازدەك پىژىلداپ ئېچىشقان يۈرەكنى ياققىلى مۇز ئىزدەپ يۈرۈپ سېغىنىمەن، سىنى سېغىنىمەن، كۈتۈپ تۇرۇپ سېغىنىمەن، بىزار بۇلۇپ تۇرۇپ سېغىنىمەن، قەيداپ تۇرۇپ سېغىنىمەن، ئۈمۈتۋارلىق بىلەن سېغىنىمەن. سېغىنماسلىققا ئىلاجىم يوق !
قۇيۇش كونوپكىسىنى بېسىپ ئاڭلاڭ !
ئۇنتۇشنى دائىم ئويلاپ كەلدىم، چۇقۇم ئۇنتۇمەن دەپ ئۈزۈمگە قايتا-قايتا ۋەدە بەردىم. ئەمما باغلىنىش ئىختىيارلىقىڭدا بولمىغاندەك ئۇنتۇشمۇ ئىختىيارلىقىڭدا ئەمەسكەن. ھەربىر كۆز سىنىڭ كۆزۈڭنى ئەسلىتىدۇ، ھەربىر لوقما تائام سىنىڭ قۇلۇڭنى ئەسلىتىدۇ، ھەر بىر ناخشا سەن بىلەن ئاڭلىغان ناخشىلارنى ئەسلىتىدۇ، ئۇۋۇسىدىن ئادىشىپ كەتكەن توشقاندەك تەمتىرەپ يۈرىمەن، ئانىسىدىن ئايرىلىپ كەتكەن كاككۇكتەك پىغانلىق سايراپ يۈرىمەن، تۇپىدىن ئايرىلغان بورىدك ئېچىنىشلىق ھوۋلايمەن، ئەمما يەنە مەن سەنسىز، سىنى ئۇنتۇشقا ئاجىز. سۆزلىرىڭگە كۆنۈپ كەتكەن قۇلىقىم ئاۋازىڭنى ئىزدەيدۇ، تەمىڭگە كۆنۈپ كەتكەن ئېغىزىمنى تامىقىڭنى ئىزدەيدۇ. سەن يۇيۇپ بەرگەن كىيىملەرنى كىيىۋاتىمەن، يۇيسام ھىدىڭنى يۇقۇتىشتىن ئەنسىرەيمەن، سەن بىلەن ماڭغان كۇچىلاردىن ماڭىمەن، ئاياق ئاۋازىڭنى ئاڭلىغاندەك بۇلىمەن، سەن باغرىڭنى ياققان كۆرپىدە يېتىۋاتىمەن چۈشلىرىمدە كۆرگەندەك بۇلىمەن، سەن ئالغان قاچىلاردا تاماق يەۋاتىمەن قۇلۇڭنىڭ تەمىنى ھېس قىلغاندەك بۇلىمەن. ئۇنتۇش مىنىڭ ئالدىمدىكى بىر كۆرەش بەلكى قانلىق كۆرەش ئەمما مەن ئۇنتالمىدىم.
مەرۋەرى
روھچىن
روھچىن
پاراسەت
دەرىزە
پاراسەت
ئەلتەر
مەرۋەرى