جاھان ئاگېنتلىقى 9-مارت خەۋىرى؛ لەگلەك تورى تەرجىمىسى: سەئۇدى ئەرەبىستان 2014-يىلى 6.5 مىليارد دوللارلىق قورال سېتىۋېلىپ، 2013-يىلىدا بىرىنجى بولغان ھىندىستاندىن ئېشىپ چۈشتى ۋە دۇنيادىكى ئەڭ چوڭ قورال سېتىۋالغۇچى دۆلەتكە ئايلاندى.
IHS خەلقئارا ئىقتىسادى تەكشۈرۈش ۋە ئانالىز قىلىش ئىدارىسىنىڭ دوكلاتىغا ئاساسلانغاندا، ئىراننىڭ ئوتتۇرا شەرقتە زورىيۋاتقان نۇپۇزىدىن ئەندىشە قىلىۋاتقان سەئۇدى ئەرەبىستان، 2014-يىلى قورال سېتىۋېلىش ئۈچۈن ئ‍اجراتقان مەبلەغنى ئالدىنقى يىلغا قارىغاندا 54% كۆپەيتىپ 6.5 مىليارد دوللارغا چىقاردى. سەئۇدى ئەرەبسىتان بۇ سان بىلەن قورال سېتىۋېلىشتا 5.8 مىليارد دوللار مەبلەغ چىقارغان ھىندىستاننى بېسىپ چۈشتى.

Notre Dame ئۇنىۋېرستىتى سىياسىي تەتقىقات ئىنىستىتۇتى مۇدىرى داۋىد كورچىست، سەئۇدى ئەرەبىستاننىڭ ئوتتۇرا شەرقنىڭ ئۆزگىرىشكە دۇچ كەلگەن گىئوپولىتىك ئەھۋالىغا قاراپ ئۆزى ئۈچۈن بىر مۇداپىئە شەكىللەندۈرۈدىغانلىقىنى ئېيتتى. ئۇ يەنە سەئۇدى ئەرەبىستاننىڭ، رايۇندا ئىراق ۋە شام ئىسلام دۆلىتى تەشكىلاتىغا قارشى ئۇرۇش باشلىغان ئامېرىكا قاتارلىق ئىتتىپاق كۈچلىرىنىڭ ئىتتىپاقدىشى بولۇشنى خالايدىغانلىقىنى ، ئىراننىڭ يادرو مۇزاكىرىسىنىڭ غەلبىلىك بولۇپ ۋە ئىرانغا قارىتىلغان بېسىم بىكار قىلىنغان ئەھۋالدا ، ئىراننىڭ رايۇندىكى نۇپۇزىنىڭ تېخىمۇ زورىيشىدىن ئەندىشە قىلىپ قورال زاپىسىنى كۆپەيتىشنى مەقسەت قىلغانلىقىنى تىلغا ئالدى.
 مۇتەخەسسىس مورىس،  رايۇندىكى مەزھەب تۇقۇنۇشى ۋە قوراللىق تۇقۇنۇشلارغا ئىشارەت قىلىپ، «ھەممىمىز ئوتتۇرا شەرقتە قايتىدىن بىر بوران چىقىدىغانلىقىنى كۈتىۋاتىمىز» دېدى.
ئامېرىكا ئوتتۇرا شەرقكە 2013-يىلىدا 6 مىليارد دوللارلىق قورال ئىكسپورت قىلغان ۋە 2014 تە 8.4 مىليارد دوللارلىق قورال ساتقان. سەئۇدى ئەرەبىستان ۋە ئەرەب بىرلەشمە خەلىپىلىكىنىڭ 2014-يىلىدا قورال سېتىۋېلىشى مەبلىغى، بارلىق غەربى ياۋۇرۇپا ئەللىرىنىڭ قورال سېتىۋېلىش مەبلىغىدىن ئېشىپ 8.7 مىليارد دوللارغا يەتكەن.
خەلقئارا قورال تىجارىتى، 2013-يىلىدا 56 مىليارد دوللارغا يەتكەن بولۇپ، 2014-يىلى 64.4 مىليارد دوللارغا چىقتى.
IHS نىڭ دوكلاتىغا ئاساسلانغاندا، ئامېرىكا قورال ئىكىسپورتىدا ئالدىنقى يىلغا قارىغاندا يۈزدە 19% ئېشىپ دۇنيا بويىچە قورال سېتىشتا بىرىنجى ئورۇندا. روسىيە 2- ئورۇندا. ئەنگىلىيە، گېرمانىيە، ئىتالىيە، ئىسرائىلىيە، جۇڭگو، ئىسپانىيە ۋە كانادا دۇنيادىكى ئەڭ كۆپ قورال ئىكىسپورت قىلىدىغان 10 دۆلەتتۇر.
ئەڭ كۆپ قورال سېتىۋالىدىغان دۆلەتلەر ئارىسىدا سەئۇدى ئەرەبىستان ۋە ھىندىستاندىن قالسا، جۇڭگو،(تەيۋەن)، ئەرەب بىرلەشمە خەلىپىلىكى،، ئاۇسترالىيە، كورىيە، ھىندىنوزىيە ۋە تۈركىيە بار.