چاغاندا گاز سېتىۋالىدىغان، تەبىئىي گاز كارتىسىنى تولۇقلاپ بېجىرىدىغان، سۇيۇقلاندۇرۇلغان گاز تۇڭى ئالماشتۇرىدىغان، ئاپتوموبىلغا گاز قاچىلىتىدىغان شەھەر ئاھالىلىرى تۆۋەندىكى ۋاقىت بويىچە ئالاقىدار ئىشلارنى پۈتكۈزسە بولىدۇ.

تەبىئىي گاز ئىشلەتكۈچىلەر: ھەر كۈنى سائەت 09:30 دىن 14:00 كىچە شىنجاڭ تەبىئىي گاز گۇرۇھىنىڭ گاز ئىشلەتكۈچىلەر مۇلازىمەت زالىغا بېرىپ بېجىرسە بولىدۇ. گاز ئىشلەتكۈچىلەر 18-، 20-، 22-، 24-فېۋرال يۇقىرىغا ئوخشاش ۋاقىتتا تەۋەلىكتىكى تەبىئىي گاز باشقۇرۇش پونكىتلىرىدا يۇقىرىقى كەسىپلەرنى بېجىرسە بولىدۇ. ئۇنىڭدىن باشقا، سودا بانكىسىنىڭ ھەر قايسى تور نۇقتىلىرىدا تەبىئىي گاز سېتىۋالالايدۇ.

مىچۇەن-كۆكتاغ رايونى: ھەر كۈنى سائەت 09:00 دىن 13:00 گىچە ‹‹شىنتەي›› يېقىلغۇ شىركىتى گاز ئىشلەتكۈچىلەر مۇلازىمەت مەركىزىدە ئالاقىدار رەسمىيەتلەرنى بېجىرسە بولىدۇ.

سۇيۇقلاندۇرۇلغان گاز ئىشلەتكۈچىلەر: ھەر كۈنى سائەت 08:00 دىن 16:00 گىچە شىنجاڭ تەبىئىي گاز گۇرۇھى قاراشلىق ‹‹ياشلار›› يولى، ‹‹خۇاڭخې›› يولى، ‹‹دوستلۇق›› يولى، ‹‹بەخت››يولى، ‹‹داپىڭ›› گاز ئالماشتۇرۇش پونكىتى، ساي يولى گاز ئالماشتۇرۇش پونكىتى، ‹‹تىيەنجىن›› يولىدىكى ‹‹ئامانلىق›› پونكىتى ۋە لامپۇچكا زاۋۇتى گاز ئالماشتۇرۇش پونكىتىدىن ئىبارەت سەككىز پونكىتتا گاز ئالماشتۇرۇلىدۇ. يەنە ھەر كۈنى سائەت 07:30 دىن 18:00 گىچە ‹‹قارا-قۇرۇم›› تەبىئىي گاز شىركىتى ‹‹يىنىلياڭ›› گاز ئالماشتۇرۇش پونكىتى، ‹‹ئېگىز چوققا›› گاز ئالماشتۇرۇش پونكىتى، ‹‹خۇڭخەي›› گاز ئالماشتۇرش پونكىتى، ‹‹يۇڭخۇڭ شۇاڭشىن›› گاز ئالماشتۇرش پونكىتى، ‹‹گېڭخۇا›› گاز ئالماشتۇرش پونكىتى، ‹‹تىنچلىق›› گاز ئالماشتۇرش پونكىتىدا گاز ئالماشتۇرسا بولىدۇ.

ئاپتوموبىلغا گاز قاچىلايدىغانلار: ئاپتوموبىل ئىگىلىرى شىنجاڭ تەبىئىي گاز گۇرۇھى، ‹‹شىنجيې›› شىركىتى ۋە ‹‹شىنتەي›› تەبىئىي گاز شىركىتى قاتارلىقلارغا قاراشلىق گاز پونكىتلىرىدا بېجىرسە بولىدۇ.

ئەسكەرتىش: گاز ئىشلەتكۈچىلەر تەبىئىي گاز قېچىش قاتارلىق بىنورمال ئەھۋالنى بايقىسا، شىنجاڭ تەبىئىي گاز گۇرۇھى مۇلازىمەت قىزىق لىنىيەسى 96517، ‹‹شىنتەي›› يېقىلغۇ گاز شىركىتىنىڭ تېلېفونى 3353714 ياكى شەھەرلىك يېقىلغۇ يېقىلغۇ گاز ئىشخانىسىنىڭ ئەرز قوبۇل قىلىش، نازارەت قىلىش تېلېفونى 4600779 غا ۋاقتىدا ئىنكاس قىلسا بولىدۇ.