يېقىندا، بىر قىز ئالىي مەكتەپ ئوقۇغۇچىسى توردا قىزىق نۇقتىغا ئايلانغان. ئۇنىڭ ئىسمى لىياڭ باۋيى بولۇپ، ھازىر گۇاڭجۇ ئۇنىۋېرىستىېتىنىڭ ئاڭلىتىش فاكۇلتېتىنىڭ 3-يىللىقىدا ئوقۇيدىكەن. رەسىمدىن قارىغاندا، ئۇنىڭ ناھايىتى چىرايلىق تۇرغانلىقىنى بايقايسىز. لېكىن 92-يىلى تۇغۇلغان بۇ قىز 19 ياش ۋاقتىدا يەنى ئالىي مەكتەپنىڭ 1-يىللىقىدا ئوقۇۋاتقاندا ھامىلدار بولغان بولۇپ، 20 يېشىدا ئانا بولغان. ھازىر، ئۇنىڭ ئىككى بالىسى بار ئىكەن.

     ئۇنىڭ ھامىلدار بولغانلىقىنى ئاڭلىغاندا ئائىلىسىدىكىلەر ناھايىتى چۆچۈپ كەتكەن، ئاپىسى ئۇنىڭغا ئوقۇشىنى تاماملاپ ئاندىن بالىلىق بولۇش توغرىسىدا نەسىھەت قىلغان، لېكىن ئۇنىڭغا كار قىلمىغان. كېيىن ئۇ بالىنى تۇغقان.

     لىياڭ باۋيىنىڭ ئائىلىسىدە ئۆزگىرىش بولغان بولۇپ، تولۇق 2-يىللىقتا ئوقۇۋاتقان چېغىدا دادىسىنىڭ بۇ دۇنيادىن كېتىپ قېلىشى ئۇنىڭ مۇكەممەل بولغان ئائىلىگە بولغان تەلپۈنۈشىنى كۈچەيتىۋەتكەن.

      لىياڭ باۋيىنىڭ يولدىشى روسىيەلىك بولۇپ، گەرچە بىر قسىىم مەدەنىيەت جەھەتتىكى كېلىشەلمەسلىكلەر بولسىمۇ، لېكىن ئۇ ئائىلىسى ئۈچۈن بەدەل تۆلەشنى خالىغان. ئۇ تۇنجى بالىسىغا ھامىلدار بولغىنىدا مەكتەپتىن ئوقۇشتىن ۋاقتىنچە توختاشنى ئىلتىماس قىلغان ۋە پۈتۈن زېھنىنى بالىسىغا قاراتقان. لىياڭ باۋيى دەرستە ۋاقتىدا، تۇغقانلىرى بالىنى مەكتەپكە ئېلىپ بارىدىغان بولۇپ، ئېمىتىدىغان چاغدا ئۇنىڭغا تېلفون قىلىپ خەۋەر قىلسا، ئۇ ئوقۇتقۇچىدىن نەچچە مىنۇتلۇق رۇخسەت ئېلىپ چىقىپ ئېمىتىدىكەن.

    لىياڭ باۋيى ھەم ياخشى ئوقۇغۇچى ھەم ياخشى ئانا بولالىغان. ياخشى كۆرگىنى بىلەن توي قىلىش ناھايىتى گۈزەل بولغان بىر ئىش، لېكىن نىكاھتا رومانتىك بولۇشلا كۇپايە قىلمايدۇ. خۇددى لىياڭ باۋيىنىڭ ئېيقىنىدەك: بۇ بىر ناھايىتى مۇھىم بولغان قارار، چوقۇم ئەستايىدىل ئويلىنىش كېرەك.

    مۇھەببەتلىشىش، توي قىلىش ۋە بالىلىق بولۇش نورمال كىشىلەر بېشىدىن ئۆتكۈزىدىغان جەريان. جۇڭگونىڭ ئەنئەنىۋى ئىدىيىسى بويىچە، ئاۋۋال ئىگىلىك تىكلەپ ئاندىن توي قىلىش تەكىتلىنىدۇ. لېكىن، بۇ خىل نىكاھ ئىدىيىسى توقۇنۇشۇپ قالغىلى تاس قېلىۋاتىدۇ. 2005-يىلى مائارىپ ئىدارىسى بەلگىلىمىنى ئۆزگەرتىپ، ئالىي مەكتەپتىكى ئوقۇغۇچىلارنىڭ توي قىلىشىغا چەكلىمە قويمايدىغانلىقىنى ئوتتۇرىغا قويغان.