جۇڭگو ئاخبارات تورى 15-فېۋرال تېلېگراممىسى: ئامېرىكا تاراتقۇلىرى خەۋەر قىلىشىچە، شۇ يەر ۋاقتى 14-فېۋرال ئامېرىكىنىڭ شەرقىي شىمالىدىكى يېڭىئېنگلاند رايونى يەنە بىر قېتىم ‹‹ ئاق رەڭلىك ئاشىق-مەشۇقلار بايرىمى ››نى كۈتۈۋالدى . گەرچە شۇ كۈنى چۈشتىن كېيىندىن باشلاپ قار بەك قاتتىق ياغمىغان بولسىمۇ، لېكىن يېڭىئېنگلاند موشۇ ئايدا يەنە بىر قېتىم قاتتىق قارنىڭ ھۇجۇمىغا ئۇچراپ، ئاھالىلەر بوران-چاپقۇن، قاتتىق قار، توك توختاشقا دۇچار بولدى .

15-فېۋرال يەرلىكتە ئاممىۋى قاتناش سىستېمىسى پۈتۈنلەي تاقىلىپ، شۇ يەر ۋاقتى 14-فېۋرال كەچ سائەت 10:00 دا قاتناشنى مەنئىي قىلىش بۇيرۇقىنى ئېلان قىلغان. ماسساچۇسېتس ئىشتاتىنىڭ باشلىقىمۇ ئاھالىلەرنى ئامال بار سىرتقا چىقماسلىققا دەۋەت قىلغان .

14-فېۋرال چۈشتىن كېيىنگىچە، بوستوننىڭ لوگان ئايرودۇرۇمى 81 نۆۋەتچى ئايروپىلاننى ئەمەلدىن قالدۇرغان، 15-فېۋرال پورتتىن ئۇچىدىغان 208 نۆۋەتچى ئايروپىلان ۋە پورتقا قونىدىغان 143 نۆۋەتچى ئايروپىلان ئەمەلدىن قالدۇرۇلغان .
قاتتىق قاردىن باشقا، سائەتلىك سۈرئىتى 72 ئىنگلىز مىلىغا يەتكەن شىۋىرغانمۇ يېڭىئېنگلاند دېڭىز قىرغىقىغا ھۇجۇم قىلغان. مېتېئورولوگىيە مۇتەخەسسىسلىرى قاتتىق قارنىڭ قاتناشقا زور قىيىنچىلىق ئېلىپ كېلىدىغانلىقىنى، تېمپېراتۇرىنىڭ نۆلدىن تۆۋەن℃20 قا چۈشىدىغانلىقىنى ئەسكەرتكەن .

15-فېۋرال نيۇيوركتا تېمپېراتۇرا 20 يىلدىن بۇيانقى ئەڭ چەككە چۈشكەن. نيۇيورك شەھىرى، يېڭىئېنگلاند، ناسسائۇ ۋىلايىتى قاتارلىق جايلار قىشلىق ھاۋارايىدىن ئاگاھلاندۇرۇش سىگنالى تارقاتقان . شۇنىڭ بىلەن بىر ۋاقىتتا ، قاتتىق ۋە شىۋىرغاندا كۆرۈش ئارىلىقىمۇ تۆۋەنلەپ كەتكەن .

مۇتەخەسسىسلەر باياناتىدا مۇنداق دېگەن : نيۇيورك شەھىرى ۋاقتىدا تەدبىر قوللىنىپ تۆۋەن تېمپېراتۇرا ۋە قاتتىق قارغا تاقابىل تۇرۇشى كېرەك. راگۇادىيا ئايرودۇرۇمىدا 1943-يىلدىن بۇيانقى، مەركىزىي باغچىدا بولسا 1888-يىلدىن بۇيانقى ئەڭ تۆۋەن تېمپېراتۇرا كۆرۈلگەن .

مۇتەخەسسىسلەر، بۇ خىل ھاۋارايىنىڭ ياشانغانلار ۋە بالىلارغا ئېلىپ كېلىدىغان خەتىرى ناھايىتى زور بولۇپ، كۆپچىلىكنىڭ ئامال بار ئۆيدىن سىرتقا چىقماي، بىخەتەرلىككە كاپالەتلىك قىلىشى كېرەك، دەپ قارىغان .