جاڭ چۈنشيەن لى چۈنگۇاڭ ۋە ئۇنىڭ ھەمراھلىرى بىلەن كۆرۈشتى

ياۋ تۇڭ خەۋەر قىلىدۇ: ج ك پ مەركىزىي كومىتېتى سىياسىي بىيۇروسىنىڭ ئەزاسى، ئاپتونوم رايونلۇق پارتكومنىڭ شۇجىسى جاڭ چۈنشيەن 13 – يانۋار چۈشتىن بۇرۇن جۇڭگو نېفىت خىمىيە سانائىتى گۇرۇھى شىركىتى پارتگۇرۇپپىسىنىڭ ئەزاسى، مۇئاۋىن باش دىرېكتور لى چۈنگۇاڭ ۋە ئۇنىڭ ھەمراھلىرى بىلەن كۆرۈشتى.

جاڭ چۈنشيەن مۇنداق دېدى: مەركەزنىڭ 2 – قېتىملىق شىنجاڭ خىزمىتى سۆھبەت يىغىنىدىن بۇيان، جۇڭگو نېفىت خىمىيە سانائىتى گۇرۇھى شىركىتى مەركەزنىڭ 2 – قېتىملىق شىنجاڭ خىزمىتى سۆھبەت يىغىنىنىڭ روھىنى ئەستايىدىل ئىزچىللاشتۇرۇپ، شىنجاڭنىڭ ئىسلاھاتىنى پائال قوللاپ، ئارىلاش مۈلۈكچىلىكتىكى ئىگىلىكنى راۋاجلاندۇرۇشقا تەشەببۇسكارلىق بىلەن قاتنىشىپ، ئاپتونوم رايون بىلەن ئىسلاھاتنى ئومۇميۈزلۈك چوڭقۇرلاشتۇرۇش جەھەتتە بىر قاتار ئورتاق تونۇش ھاسىل قىلدى.

چارلاپ تەكشۈرۈش، نېفىت ئايرىش، سېتىش، كۆمۈر خىمىيە سانائىتى، تۇرۇبا قۇرۇلۇشىنى تېز ئىلگىرى سۈرۈپ، بايلىق ئېچىشتا يەرلىككە نەپ يەتكۈزۈپ، مەركەز كارخانىلىرىنىڭ شىنجاڭدا مەركەزنىڭ تەلىپىنى ئەمەلىيلەشتۈرۈشىدە تۈرتكىلىك ۋە ئۈلگىلىك رول ئوينىدى.

جاڭ چۈنشيەن مۇنداق دېدى: بىز شىنجاڭنى تىرىشىپ ئەڭ پاكىز جاي قىلىپ قۇرۇپ چىقىۋاتىمىز، ئىچكىرى ئۆلكە(شەھەر)لەر، بولۇپمۇ ئوتتۇرا، شەرقىي قىسىمدىكى، دېڭىز بويىدىكى ئۆلكە(شەھەر)لەرنىڭ پاكىز ئېنېرگىيەگە بولغان تەلىپى بارغانسېرى ئېشىۋاتىدۇ. يىراق كەلگۈسىدىن پىلانلاپ، شىنجاڭنىڭ بايلىق ئەۋزەللىكىنى ئايلاندۇرۇشنى قەتئىي تەۋرەنمەي ئىلگىرى سۈرۈشىمىز كېرەك. بايلىق ئېچىش ۋە ئۇنىڭدىن پايدىلىنىشتا ‹‹ئىككى ئىمكانىيەتلىك سىجىل بولۇش››تا باشتىن – ئاخىر چىڭ تۇرۇپ، سۇ تېجەش، مۇھىت ئاسراش، بۇلغىمىنى ئازايتىش تۈر، تەدبىرلىرىگە يۇقىرى ئۆلچەم، قاتتىق تەلەپ قويۇشىمىز كېرەك.

لى چۈنگۇاڭ مۇنداق دېدى: جۇڭگو نېفىت خىمىيە سانائىتى گۇرۇھى شىركىتى مەركەزنىڭ تەلىپىنى ئەستايىدىل ئەمەلىيلەشتۈرۈپ، ئاپتونوم رايونلۇق پارتكوم، خەلق ھۆكۈمىتى، مەركەزنىڭ ئالاقىدار مىنىستىرلىق ۋە كومىتېتلىرىنىڭ قوللىشىدا، شىنجاڭدىكى كۆمۈر گازى تۇرۇبا لىنىيەسى، كۆمۈر خىمىيە سانائىتى تۈرى ۋە كېلىشىم ئىمزالانغان تۈرلۈك خىزمەتلەرنى ئىلگىرى سۈرۈش ئوڭۇشلۇق بولۇۋاتىدۇ، بولۇپمۇ شىنجاڭ ئۇيغۇر ئاپتونوم رايونى بىلەن جۇڭگو نېفىت خىمىيە سانائىتى گۇرۇھى شىركىتى تۈرلەرنىڭ تەستىقلىنىپ، ئەمەلىيلىشىشىنى كۈچەپ ئىلگىرى سۈرۈشتە كۆرۈنەرلىك ئۈنۈمگە ئېرىشتى.

كېيىنكى قەدەمدە، جۇڭگو نېفىت خىمىيە سانائىتى گۇرۇھى شىركىتى ئارىلاش مۈلۈكچىلىكتىكى ئىگىلىكنى راۋاجلاندۇرۇشنى داۋاملىق قوللاپ، كارخانىنىڭ ئىجتىمائىي مەسئۇلىيىتىنى ئادا قىلىپ، شىنجاڭدىكى ھەر مىللەت خەلقىگە بەخت يارىتىدۇ.
شۆھرەت زاكىر، خەن يۇڭ، خۇاڭ ۋېي، غانىبات سابۇكەي، ليۇ جيەنشىن قاتارلىقلار كۆرۈشۈشتە بىللە بولدى.