لەگلەك تورى تەرجىمىسى: شىنخۇا ئاگېنتلىقى تېلىگىراممىسى:«1-ماي » خەلقئارا ئەمگەكچىلەر بايرىمى يېتىپ كېلىش ھارپىسىدا، 2015-يىللىق «1-ماي » خەلقئارا ئەمگەكچىلەر بايرىمى ۋە مەملىكەتلىك ئەمگەك نەمۇنىچىلىرىنى ۋە ئىلغار خىزمەتچىلەرنى تەقدىرلەش چوڭ يىغىنى 28-ئاپرېل بېيجىڭدا ئىچىلدى.جۇڭگو كوممۇنىستىك پارتىيەسى مەركىزىي كومىتېتى باش شۇجى ،دۆلەت رەئىسى ،مەركىزىي ھەربىي ئىشلار كومىتېتى رەئىسى شى جىنپىڭ يىغىندا مۇھىم سۆز قىلدى.‫لى كېچياڭ يىغىنغا رىياسەتچىلىك قىلدى. جاڭ دىجىياڭ، يۈ جىڭشىڭ، ۋاڭ چىشەن، جاڭ گاۋلى يىغىنغا قاتناشتى. لىيۇ يۈنشەن تەقدىرلەش قارارىنى ئوقۇپ ئۆتتى.

چۈشتىن بۇرۇن سائەت 10 دا يىغىن باشلاندى.لىيۇ يۈنشەن «جۇڭگو كوممۇنىستىك پارتىيەسى مەركىزىي كومىتېتى ،گوۋۇيۈەن مەملىكەتلىك ئەمگەك نەمۇنىچىسى ۋە ئىلغار خىزمەتچىلەرنى تەقدىرلەش توغرىسىدىكى قارار»نى ئوقۇپ ئۆتتىقاراردا مۇنۇلار كۆرسىتىلدى: 2010-يىلدىن بۇيان، بولۇپمۇ پارتىيەنىڭ 18-قۇرۇلتىيىدىن بۇيان، ھەر ساھە ھەر كەسىپتە زور بىر تۈركۈم كەسىپنى قىزغىن سۆيىدىغان، دادىللىق بىلەن يېڭىلىق يارىتىدىغان، ئەخلاقلىق، نەتىجىسى گەۋدىلىك ئىلغار ئەمگەك نەمۇنىچىسى مەيدانغا كەلدى. ‫‫‫‏پارتىيە مەركىزىي كومىتېتى، گوۋۇيۈەن 2064 ئادەمگە مەملىكەتلىك ئەمگەك نەمۇنىچىسى شەرەپ نامىسى، 904 ئادەمگە مەملىكەتلىك ئىلغار خىزمەتچى شەرەپ نامىسىنى بېرىشنى قارار قىلدى.

ئەمگەك نەمۇنىچىسى ۋە ئىلغار خىزمەتچى ۋەكىللىرى رەئىس سەھنىسىگە چىقتى. پارتىيە ۋە دۆلەت رەھبەرلىرى ئۇلارغا شەرەپ گۇۋاھنامىسى تارقىتىپ بەردى.

شى جىنپىڭ مۇنۇلارنى بىلدۈردى: دۆلىتىمىزدىكى ئىشچىلار سىنىپى ۋە كەڭ ئەمگەكچى ئاممىسى تېخىمۇ بەك ‫‫‫‏پارتىيە مەركىزىي كومىتېتى نىڭ ئەتراپىغا زىچ ئۇيۇشۇپ، تېرىشىپ ئەمگەك قىلىشى، ئەستايىدىل خىزمەت قىلىشى، دادىللىق بىلەن يېڭىلىق يارتىشى،« ئىككى يۈز يىللىق » كۈرەش نىشانى سەپەر ئۈستىدە يېڭىلىق يارىتىپ، ئەمگەك ئارقىلىق جۇڭگو ئارزۇسىنى ئەمەلگە ئاشۇرۇش ئۈچۈن تىرىشىپ كۈرەش قىلىشى لازىم.