جاھان ئاگېنتلىقى 24-ئاپرېل خەۋىرى؛ لەگلەك تورى تەرجىمىسى: ئىسرائىلىيە ئۇرۇش ئايرۇپىلانلىرى غەززەنىڭ شىمالىدىكى بەيت خانۇن رايۇنىغا ئىككى قېتىم ھاۋادىن ھۇجۇم قىلدى. ئىسرائىلىيە ئارمىيسى غەززەدىن ئېتىلغان راكىتالارغا قارشى ئىنكاس قايتۇرغانلىقىنى ئېيتتى. ئىسرائ‍ىلىيە ئۇرۇش ئايرۇپىلانلىرى ئاتقان 2 راكىتا بەيت خانۇندىكى قۇرۇق يەرلەرگە چۈشتى، راكىتا چۈشكەن يەردىكى زىرائەتلەر زىيانغا ئۇچرىدى.
ئىسرائىلىيە ئارمىيسىنىڭ تور بېتىدە ئېلان قىلىنغان باياناتتا، ئىسرائىلىيە ھاۋا ئارمىيسى ئ‍سرائىلىيەگە ئېتىلغان راكىتالارغا قارشى ئىنكاس قايتۇرۇپ غەززەنىڭ شىمالدىكى خاماسقا ئائىت ھەربىي نىشانلارغا زەربە بەرگەن دېيىلدى.
ئىسرائىلىيەنىڭ مائارىۋ گېزىتىدە ھەربىي تەرەپتىن ئىگەللىگەن خەۋەردە ئېيتىلىشىچە، ئىسرائىلىيە ئارمىيسى غەززەلىكلەرنىڭ ئەقسا مەسچىتىدە بۈگۈن ئوقۇلىدىغان جۈمە نامىزىغا بېرىشىنى چەكلەش قارارى چىقارغانلىقىنى بىلدۈردى.
ئىسرائىلىيە بىر قانچە يىللار مابەينىدە قامال ئاستىدا تۇتىۋاتقان غەززەگە، 2014-يىلى 7-ئىيۇلدا قوزغىغان 51 داۋاملاشقان ھاۋا ۋە قۇرۇقلۇق ھۇجۇملىرىدا 2 مىڭدىن كۆپ پەلەستىنلىك ھاياتىدىن ئايرىلغان، مىڭلىغان بىنا ۋەيران بولغان.

لەگلەك تورى ئۈندىدار سالونىنى قۇشۇۋېلىڭ! ئىزدەش نامى: LEGLEK