مۇخبىرنىڭ 29–چېسلا بېيجىڭ شەھىرى شەھەر مەمۇرىيىتى، شەھەر قىياپىتى باشقۇرۇش كومىتېتىدىن ئىگىلىشىچە، 29– چېسلا سائەت 8 دىن باشلاپ، بېيجىڭنىڭ  تەبىئىي گاز بىلەن ئىسسىقلىق تەمىنلەشنى «چەكلىك مىقداردا كاپالەتلىك تەمىنلەش» جىددىي تەدبىرى بىكار قىلىنىپ، جامائەت قۇرۇلۇشى ۋە سانائەت كارخانىلىرىنى تەبىئىي گاز بىلەن ئىسسقلىق تەمىنلەش نورمال  ھالەتكە  كەلتۈرىلىدىكەن.      ئىگىلىنىشىچە، يىقىندىن مەزگىلدىن بۇيان جۇڭگو نېفىتىنىڭ يۇقىرى ئېقىنىدىكى تەبىئىي گاز بىلەن تەمىنلەش جىددىي بولۇشىنىڭ تەسىرىگە ئۇچرىغانلىقتىن، شىمالىي جۇڭگو رايونىدا تەبىئىي گاز بىلەن تەمىنلەش ۋاقىتلىق جىددىي بولۇش ئەھۋالى كۆرۈلگەن. ئاھالىلەرنى پار بىلەن ئاساسىي جەھەتتىن  مۇقىم تەمىنلەشكە كاپالەتلىك قىلىش ئۈچۈن، بېيجىڭدا 12–ئاينىڭ 26–كۈنىدىن باشلاپ، «بېيجىڭ  شەھىرى پار بىلەن تەمىنلەش تاسادىپىي ۋەقەلىرىگە جىددىي تاقابىل تۇرۇش لايىھىسى» ۋە «بېيجىڭ شەھىرى تەبىئىي گاز تاسادىپىي ۋەقەلىرىگە جىددىي تاقابىل تۇرۇش لايىھىسى» قوزغىتىلغان، تەبىئىي گاز بىلەن ئىسسىقلىق تەمىنلەشنى «چەكلىك مىقداردا كاپالەتلىك تەمىنلەش» تەدبىرىنى قوللىنىش ئارقىلىق  جامائەت قۇرۇلۇشى ئىچىدىكى پارنىڭ ئېففېكتى قاتتىق كونترول قىلىنىپ، ھەرقايسى  سانائەت كارخانىلىرىنىڭ ئىشلەپچىقىرىشقا ئىشلىتىلىدىغان تەبىئىي گاز بىلەن تەمىنلەش توختىتىلغان.  

   جىددىي تاقابىل تۇرۇش لايىھىسى قوزغىتىلغان مەزگىلدە، بېيجىڭ شەھەر رايونىدىكى ھەر دەرىجىلىك ئورگانلار، كارخانا–كەسپىي ئورۇنلار، سودا ساراي – تاللا بازارلىرى، ئىشخانا بىناسى، مەدەنىيەت–تەنتەربىيە، كۆڭۈل ئېچىش سورۇنلىرى قاتارلىق جامائەت سورۇنلىرى ئارقىمۇ-ئارقا پارقازان ئۈسكۈنىلىرىنىڭ يۈرۈش ھالىتىنى تەڭشەپ، ئىسسىقلىق بىلەن تەمىنلەش بىسىمىنى يېنىكلىتىپ، ئاھالىلەرنى پار بىلەن تەمىنلەشنى تەسىرىگە ئۇچرىتىشتىن ساقىلىدى ۋە تەسىرىنى ئازايتتى.