چەتئەل ئاخبارات ۋاستىسى-<بۈگۈنكى ئامېرىكا> نىڭ خەۋىرىگە قارىغاندا، ئالما شىركىتى كېلەر ئايدا يېڭى نۇسخىدىكى تۆت دىيۇملۇق ئايفون يانفونىنى ئېلان قىلىدىغان بولۇپ،ئالما شىركىتى مۇشۇ يانفون ئارقىلىق ئالما مەھسۇلاتلىرىنىڭ سېتىلىش مىقدارىنى يۇقىرى كۆتۈرۈشنى ئۈمىد قىلىدىكەن. خەۋەرگە قارىغاندا، ئالما شىركىتى 3-ئاينىڭ 15-كۈنى تۆت دىيۇملۇق يېڭى ئايفون يانفونىنى ئېلان قىلىدىغان بولۇپ، شۇنىڭ بىلەن بىر ۋاقىتتا يەنە يېڭى نۇسخىدىكى iPad تاختا كومپىيوتېرى ۋە يېڭى نۇسخىدىكى Apple Watch ئەقلىي ئىقتىدارلىق سائىتىنى ئېلان قىلىدىكەن.

      ئالما شىركىتىگە نىسبەتەن ئېلىپ ئېيتقاندا، 3-ئايدا يېڭى مەھسۇلات ئېلان قىلىش ھەيران قالارلىق ئىش بولۇپ ھېساپلانمايدۇ، يەنە ئالما شىركىتى ئۆتكەن يىلى 3-ئايدا Apple Watch ئەقلىي ئىقتىدارلىق سائىتىنى ئېلان قىلغان بولۇپ، لېكىن بۇنىڭدىن بۇرۇن ئالما شىركىتى 3-ئايدا كۆپىنچە iPad يۈرۈشلۈك تاختا كومپىيوتېر مەھسۇلاتلىرىنى ئېلان قىلىپ كەلگەنىدى. بۇ يىل يېڭىدىن ئېلان قىلىنىدىغان ئايفون يانفونىغا iPhone 5se دەپ نام بېرىلىدىغان بولۇپ، بۇ يانفونغا تۆت دىيۇملۇق چەكمە ئېكران سەپلىنىلىدىكەن. ئالما شىركىتى ئۆتكەن يىلى ئېلان قىلغان iPhone 6s يانفونى بىلەن 6s Plus يانفونلىرىغا ئايرىم-ئايرىم ھالدا 4.7 دىيۇملۇق ۋە 5.5 دىيۇملۇق ئېكران سەپلەنگەنىدى. يېڭىدىن ئېلان قىلىنىش ئالدىدا تۇرغان iPhone 5se يانفونىغا A9 تىپلىق بىر تەرەپ قىلغۇچ سەپلىنىلىدىغان بولۇپ،بۇ يانفون يەنە 6s يانفونىغا قوللىنىلغان Live Photos قاتارلىق ئىقتىدارلارغا ئىگە قىلىنىدىكەن.

         تۆت دىيۇملۇق iPhone 5se يانفونىنىڭ ئۇقۇم لايىھىسى

  ئالما شىركىتىگە نىسبەتەن ئېلىپ ئېيتقاندا، بۇ قېتىمقى يېڭى مەھسۇلات ئېلان قىلىش يىغىنىنىڭ ئەھمىيىتى ناھايىتى زور. ئۆتكەن پەسىلدىن باشلاپ، ئالما شىركىتى iPhone يانفونلىرىنىڭ سېتىلىش مىقدارى ئىزچىل ھالدا ئاشماي ئۆز ئىزىدا توختاپ قالغان، ھەتتا بۇ پەسىلدە iPhone يانفونلىرىنىڭ سېتىلىش مىقدارىدا تۆۋەنلەپ كېتىش يۈزلىنىشى كۆرۈلۈشى مۇمكىن ئىكەن. ئالما iPhone يانفونلىرىنىڭ 2-پەسىلدىكى سېتىلىش مىقدارىمۇ ۋال سىترىت كوچىسىنىڭ پەرىزىدىكىدىن تۆۋەن چىققان.

 iPhone 7يانفونىغا قارىتا پەرەزلەر