بېيجىڭ ۋاقتى 1-ئاينىڭ 12-كۈنى سەھەر سائەت 1:30 ئۆتكەندە، 2015-يىللىق خەلقئارا پۇتبول بىرلەشمىسى مۇكاپات تارقىتىش مۇراسىمى سيۇرىخدا ئۆتكۈزۈلدى. بارسىلونانىڭ داڭدار توپچىسى مىسسى كىرىستىيانو رونالدو بىلەن نېيمارنى بېسىپ چۈشۈپ، 2015-يىللىق «ئالتۇن توپ مۇكاپاتى» غا ئېرىشتى. بۇ قېتىملىق ئېرىشكەن «ئالتۇن توپ مۇكاپاتى» مىسسىنىڭ 5-قېتىم ئېرىشكەن «ئالتۇن توپ مۇكاپاتى» بولۇپ، بۇ يىل 28 ياشقا كىرگەن مىسسى تارىخ ياراتتى.

    خەلقئارا پۇتبول بىرلەشمىسى ئەڭ مۇنەۋۋەر پۇتبولچى مۇكاپاتى ۋە ئالتۇن توپ مۇكاپاتى بىرلەشكىنىگە 6 يىل بولدى، بۇ يىل مىسسى، رونالدو ۋە نېيمارلار ئاخىرقى ئۈچ نامزاتلىققا كۆرسىتىلگەن. بۇ قېتىملىق ئالتۇن توپ مۇكاپاتى 3 نامزاتىغا كۆرسىتىلگەن كىرىستىيانو رونالدونىڭ بۇ 8-قېتىملىق 3 نامزاتلىققا كۆرسىتىلىشى.

     بۇ قېتىملىق خەلقئارا پۇتبول بىرلەشمىسى مۇكاپات تارقىتىش مۇراسىمىغا داڭلىق پۇتبولچى، مىسسى ۋە رونالدودىن بۇرۇنقى ئەڭ ئاخىرقى «ئالتۇن توپ مۇكاپاتى» غا ئېرىشكۈچى كاكا مېھمان سۈپىتىدە قاتنىشىپ، مىسسىغا «ئالتۇن توپ مۇكاپاتى» نى تارقىتىپ بەردى.