يەرشارى تورى ئۇنۋېرسال قانىلى خەۋىرى لەگلەك تورى تەرجىمسى، ئەنگىليە‹‹كۈنددىلىك پوچتا گېزىتى››نىڭ خەۋەر قىلشىغا ئاسالانغاندا، جىنىس رىكورتىغا تىزمىلىتىلغان دۇنيادىكى ئەڭ سىمىز ئەر مىكسىكىلىق مانيىل ئۇرىيب 26-چېسلا مىكسىكىدىكى بىر دوختۇرخانىدا 48 يېشىدا  ۋاپات بولغان. ئۇرىيبنىڭ بەدەن ئېغىرلىقى 1230 قاداق (تەخمىنەن 553 كىلوگىرام)غا يەتكەن بۇلۇپ، شۇ تۈپەيلى 2006-يىلى دۇنيا جىنىس رىكورتىغا تىزىملىتىلغان ، كىيىن ئۇ  ئۇرۇقلاپ بەدەن ئېغىرلىقنى 867 قاداق(تەخمىنەن 390كىلوگىرام) قا چۈشۈرگەن.

ئىگەللىنشىچە، ئۇرىيىب ياش -ئۆسمۈر ۋاقتىدىمۇ سىمىز  بۇلۇپ، بەدەن ئېغىرلىقى 250قاداقتىن (تەخمىنەن 112كىلوگىرام)ئاشقان ئىكەن. 1992-يىلدىن باشلاپ ئۇنىڭ بەدەن ئېغىرلىقى تىز سۈرەتتە ئاشقان. ئۇرىيبنىڭ ئېيتىشىچە:‹‹مەن ھەركۈنى ئادەتتىكى مىكسىكا كىشىلىرىگە ئوخشاش تاماق يەيمەن: پۇرچاق،قوناق،ئۇن تامىقى ، ھامبۇرىگ بولكىسى دىگەندەك.  مەن ئىلگىرى تېخنىكا خادىمى ئىدىم ، دائىم خەت ئۇرۇش ماشنىسى ۋە كومپىيوتىرلارنى رىمونىت قىلدىغنىم ئۈچۈن ئۇزاق ۋاقىت ئورۇندۇقتىن تۇرماي  ئىشلەيتتىم››. 2002-يىلى يازدىن كىيىن ئۇرىيىب كارۋاتتىن قوپالماي ئاپىسى ۋە دوستلىرىنىڭ ئۆزنىڭ ھالىدىن خەۋەر ئېلشىغا مۇھتاج بولغان.

ئۇرىيىب ئايالى سولىس بىلەن 2008-يىلى توي قىلغان، ئۇ ئىلگىرى قىزىل گىلەمدە ئايالى بىلەن بىرگە مېڭىش ئۈچۈن يىمەكلىك ، بەدەن چېنىقتۇرۇش، تىببى داۋالاش قاتارلىق ئۇسۇللار ئارقىلىق ئۇرۇقلىماقچى بولغان، گەرچە توي قىلغان ۋاقىتتا ئۇنىڭ بەدەن ئېغىرلىقى ھەقىقەتەنمۇ كۆپ چۈشكەن بولسىمۇ بىراق يەنىلا يول مېڭىشقا يار بەرمىگەن. شۇنىڭ بىلەن ئۇ يۈك ماشنىسغا ياتقۇزۇلۇپ توي مۇراسىمى مەيدانىغا ئېلىپ بېرىلغان. پۈتۈن توي مۇراسىمى تۈگىگىچە ئۇ ئالاھىدە ياسالغان كارۋاتتىن قوپماي ياتقان ئىكەن. 38ياشلىق سولىس توي مۇرسىمدا قاتتىق ھاياجانلىنىپ كۆز يېشى قىلغان، ئەمما توي قىلغاندىن كىيىن ئۇرىيىب يەنە سەمرىشكە باشلىغان ، بۇ سولىسنى بەكمۇ پەرىشان قىلىپ ئاجرىشىش ئوينى پەيدا قىلغان. نۆۋەتتە ئۇرىيىبنىڭ ئۆلۈپ كىتىش سەۋەبى تېخى دەللىلەنمىگەن، بىراق ئاڭلاشلارغا قارىغاندا ئۇ بۇرۇندىن جىگەر كىسلىنىڭ ئازابىنى تارتىپ كەلگەن ئىكەن.