جۇڭگو جىياڭشى تورى خەۋىرى، «ئىمتىھان نومۇرى 80 گە يەتمىگەن بالىلارنىڭ بەدىنىنىڭ كۆپ قىسىم جايلىرى ئۇرۇپ كۆكەرتىۋېتىلگەن.» 1-ئاينىڭ 6- كۈنى، پىڭشىياڭدىكى بىر ئائىلە باشلىقى جۇڭگو جىياڭشى تورىغا، بالىسىنىڭ گۇاڭفېڭ باشلانغۇچ مەكتەپ قارمىقىدىكى بالىلار باغچىسىدا ئوقۇيدىغانلىقى، ئوقۇتقۇچىسىنىڭ بالىنى ئۇرۇپ  بەدەنلىرىنى كۆكەرتىۋەتكەنلىكى توغرىسىدا ئىنكاس ئەرز يوللىغان. شۇ كۈنى مەكتەپ رەھبەرلەرلىكى: ئەھۋالنىڭ راست ئىكەنلىكىنى، مائارىپ تارماقلىرىنىڭ تەكشۈرۈپ مۇناسىۋەتلىك ئوقۇتقۇچىنى ئىشتىن بوشىتىدىغانلىقىنى بىلدۈرگەن.

 ئىنكاس: بالىلار باغچىسىدىكى بالىلار ئۇرۇپ يارىلاندۇرۇلغان

 «مېنىڭ بالام پىڭشىياڭ تەرەققىيات رايونى گۇاڭفېڭ باشلانغۇچ مەكتەپ قارمىقىدىكى بالىلار باغچىسىدا ئۇقۇيدۇ، تۈنۈگۈن مەكتەپتىن كەلگەندىن كېيىن، ئۇنىڭ پاقالچىقىنىڭ ۋە بىلىكىنىڭ كۆكىرىپ قالغانلىقىنى بايقىدىم.» ياڭ خانىمنىڭ تونۇشتۇرۇشىچە، ئىش يۈز بەرگەندىن كېيىن ئوقۇتقۇچى مەسىلىنى ۋاقتىدا بىر تەرەپ قىلمايلا قالماستىن، يەنە بالىلارغا، بۇ ئىشنى ئاتا-ئانىسىغا ئېيتماسلىقنى تاپىلىغان.

 ياڭ خانىمنىڭ تەمىنلىگەن سۈرەتلىرىدىن، بالىنىڭ پاقالچاق ۋە بىلەك قىسمىدا كۆكىرىپ قالغان جايلارنىڭ بارلىقىنى كۆرىۋالغىلى بولىدىكەن. ياڭ خانىم، ئوقۇتقۇچىنىڭ بالىلارنى ئۇرغانلىقى توغرىسىدىكى ئىشلارنى پەقەت دوستلار چەمبىرىكىدىلا كۆرگەنلىكىنى، بۇ ئىشنىڭ ئۆزىنىڭ بېشىغا كېلىشىنى ئويلاپمۇ باقمىغان بولۇپ، قىشتا شۇنچە قېلىن كىيىم ئۈستىدىن ئۇرۇپ مۇشۇنداق قىلىپ قويۇشقا قانچىلىك كۈچ كېتىدىغانلىقىنى تەسۋىرلەپ بېرەلمەيدىغانلىقىنى ئېيتقان.

 ئەھۋالدىن خەۋەردار بىر كىشى تونۇشتۇرۇپ، گۇاڭفېڭ باشلانغۇچ مەكتىپى باشقۇرۇش تۈزۈمىنىڭ ئىنتايىن قاتتىق باشلانغۇچ مەكتەپ بولۇپ، بەزى جەھەتلەردە پۈتۈن شەھەردىكى باشقا مەكتەپلەرنىڭ ئېكىسكۇرسىيە قىلىش ۋە ئۆگىنىش ئوبيېكتى ئىكەنلىكىنى ئېيتقان.

 جاۋاب: مۇناسىۋەتلىك ئوقۇتقۇچى ئىشتىن بوشىتىلدى

 1-ئاينىڭ 6-كۈنى سائەت 10 ئەتراپىدا، گۇاڭفېڭ باشلانغۇچ مەكتەپتىكى جوڭ فامىلىلىك خىزمەتچى خادىمنىڭ ئېيتىشىچە، مۇناسىۋەتلىك ئىنكاس ئەرزىنى تاپشۇرىۋالغان بولۇپ، خىزمەتچى خادىملارنى تەشكىللەپ جىددىي تەكشۈرىۋاتقانلىقىنى ئېيتقان.

 چۈشتىن كېيىن سائەت 15:00 دە، مۇخبىر گۇاڭفېڭ باشلانغۇچ مەكتەپ مەسئۇلىنىڭ جاۋابىغا ئېرىشكەن، مەسئۇل كىشى، بۇ مەكتەپنىڭ قارمىقىدىكى بالىلار باغچىسىدا راستىنىلا بىر ئوقۇتقۇچىنىڭ، 1-ئاينىڭ 5-كۈنى چۈشتىن كېيىن ئۆزىنى كونترول قىلالماي، 5-4 نەپەر بالىنى ئۇرۇپ قويغانلىقىنى، نېمىشقا بۇنداق قىلدى؟ بۇنى ئاشكارىلىمايدىغانلىقىنى، پەقەت بۇ ئوقۇتقۇچىنىڭ تەجىربىسنىڭ كەملىكىدىن، ئۆزىنى كونترول قىلالمىغانلىقىنى ئېيتقان.

    بۇ مەسئۇل كىشىنىڭ بىلدۈرۈشىچە، «مائارىپ تارماقلىرى تەكشۈرۈپ، ئالاقىدار ئوقۇتقۇچىنى ئىشتىن بوشاتقان.»، تەكشۈرۈشكە قارىغاندا، بالىنىڭ بەدىنىدە چوڭ چاتاق يوق بولۇپ، دوختۇر يېنىك دەرىجىدىكى تاشقىي تېرە يارىسى دەپ دىياگنوز قويغان. ئۇنىڭدىن سىرت، بۇ مەكتەپ نوپۇزلۇق پىسخىك مۇتەخەسسىسلىرىنى تەكلىپ قىلىپ، ئۇرۇپ يارىلاندۇرۇلغان بالىلارغا پىسخىكىلىق تەربىيە ئېلىپ بارغان بولۇپ، بۇ ئارقىلىق بالىلارنىڭ پىسخىكىسىدە شەكىللەنگەن قارا كۆلەڭگىنى ئەڭ چوڭ دەرىجىدە ئازايتىشنى ئۈمىد قىلغان.