چارۋىچى ئېرجان قاھار(سولدا) ئائىلىسىدىكىلەر قۇمۇل شەھىرى قويلۇق يېزىسىدىكى يېڭى كۆچكەن ئۆيىدە چاي ئىچكەچ پاراڭلاشماقتا (ماتېرىيال سۈرەت، 2012-يىلى 15-ئۆكتەبىر تارتىلغان)

يېقىنقى يىللاردىن بۇيان، قۇمۇل ۋىلايىتى ‹‹نامراتلارنى يۆلەشتە ئىدىيە جەھەتتىن يېتەكلەش، نامراتلىقنى تۈگىتىشتە تۈپ نېگىزىدىن يوقىتىش›› پىرىنسىپىدا چىڭ تۇرۇپ، نامراتلارنى يۆلەپ كۆچۈرۈشنى تاغلىق رايونلارنىڭ قىياپىتىنى ئۆزگەرتىپ، نامراتلىقتىن قۇتۇلۇپ بېيىشقا يېتەكلەشتىكى مۇھىم تەدبىر قىلىپ، ئىلگىرى-ئاخىر بولۇپ 710 مىليون يۈەن مەبلەغ سېلىپ، تاغلىق رايوندىكى 5080 دېھقان-چارۋىچى ئائىلىسىدىكى 16 مىڭ 565 ئادەمنى كۆچۈرۈپ، نامرات دېھقان-چارۋىچىلارنىڭ تۇرمۇش قىياپىىتىنى ئۆزگەرتتى.

يېڭى بىر نۆۋەتلىك نامراتلارنى يۆلەش، تەرەققىي قىلدۇرۇش خىزمىتى قانات يايدۇرۇلغاندىن بۇيان، قۇمۇل شەھىرى نامراتلارنى يۆلەشكە جەمئىي بىر مىليارد يۈەن ئاجرىتىپ، نامراتلارنى يۆلەش، تەرەققىي قىلدۇرۇش تۈرىدىن 211 نى يولغا قويغان ۋە ئونمىڭلىغان ئائىلىگە نەپ يەتكۈزگەن. 2013-يىلى، قۇمۇل شەھىرىدىكى دېھقان-چارۋىچىلارنىڭ كىشى بېشى ئوتتۇرىچە ساپ كىرىمى 10 مىڭ 852 يۈەنگە يېتىپ، تۇنجى قېتىم 10 مىڭ يۈەندىن ئاشقان.

قۇمۇل شەھىرى تاشۋېلىق يېزا خوتۇنتام كەنتىدىكى سۈبھىنۇر دۆلەت(ئالدىدا) شەھەرگە كۆچۈپ كىرىپ ئىشقا ئورۇنلىشىپ، سانائەت ئىشچىسىغا ئايلاندى(ماتېرىيال سۈرەت، 2013-يىلى 27-ئۆكتەبىر تارتىلغان)

16-ئۆكتەبىر، قۇمۇل شەھىرى ئاقتاش يېزىسىغا كۆچۈرۈلگەن كۆچمەن چارۋىچى ياسىن ياقۇپ پاختا تەرمەكتە

قۇمۇل شەھىرى قويلۇق يېزىسىغا سېلىنغان كۆچمەن چارۋىچىلار ئولتۇراق رايونى

قۇمۇل شەھىرىدىكى ئاللىقاچان پۈتۈپ ئىشقا كىرىشتۈرۈلگەن ‹‹شىنشېڭ›› كۆچمەن چارۋىچىلار ئولتۇراق رايونىدىن كۆرۈنۈش(16-ئۆكتەبىر سۈرەتكە تارتىلغان)

16-ئۆكتەبىر، قۇمۇل شەھىرى غەربىي تاش يېزىسىغا كۆچۈرۈلگەن كۆچمەن چارۋىچى ئايال پەمىدۇر مايسىسى ئۆستۈرمەكتە

كىچىك دوستلار قۇمۇل شەھىرىدىكى ‹‹شىنشېڭ›› كۆچمەن چارۋىچىلار ئولتۇراق رايونىدا ئوينىماقتا(ماتېرىيال سۈرەت، 2013-يىلى 26-ئۆكتەبىر تارتىلغان)