مۇخبىرنىڭ يېقىندا ياخشى يۇرت تاللا بازىرىدىن ئىگىلىشىچە، بۇ تاللا بازىرىدا ئالاھىدە باھالىق مېۋە-چېۋە تاغدەك دۆۋىلىنىپ كەتكەن بولۇپ، بىر كىلوگرامى 10 يۈەن ئەتراپىدا بولغان مېۋىدىنلا 10 خىلى بار ئىكەن. ئەمەلىيەتتە، ياخشى يۇرت تاللا بازىرىدا نۆۋەتتە مېۋە-چېۋىلا ئەمەس، گۆش، تۇخۇم، سۈت، ھاراق، قەغەز، چاچ يۇيۇش سۇيۇقلۇقى قاتارلىقلارنىڭ ھەممىسى ئېتىبار باھادا سېتىلىۋېتىپتۇ. ئاز بولمىغان تاۋارلارنىڭ باھاسى %30 ~ %20 ئەتراپىدا، بەزىلىرىنىڭ باھاسى %50 ئەتراپىدا چۈشۈرۈلگەن.   مۇخبىرنىڭ سودا ئىشلىرى ئىدارىسىدىن ئىگىلىشىچە، نۆۋەتتە بازارغا سېلىنغان زاپاس گۆش، زاپاس كۆكتات باھانىڭ مۇقىم بولۇشىغا تۈرتكە بولغان. نۆۋەتتە ئۈرۈمچىدىكى ھەرقايسى چوڭ سودا-ساراي، تاللا بازارلىرىدا تەمىنلەش تولۇق بولۇپ، بايرامدا ئېتىبار بېرىش پائالىيەتلىرى كۆپ بولغانلىقتىن ئاز بولمىغان تاۋارلارنىڭ باھاسى چۈشۈرۈلگەن. دۆلەتلىك ئىستاتىستىكا ئىدارىسى ئۈرۈمچى تەكشۈرۈش ئەترىتىنىڭ ئىستاتىستىكا قىلىشىچە، نويابىردا ئۈرۈمچى CPI سىنىڭ ئۆسۈش نىسبىتى %0.6 بولۇپ، بىر قانچە يىل بۇرۇنقىغا سېلىشتۇرغاندا نۆۋەتتە ئۈرۈمچى شەھىرى ئەرزان باھالىق دەۋرگە قەدەم قويغان.

     ئالاقىدار تارماقلارنىڭ ئىستاتىستىكا قىلىشىچە، 25-دېكابىرغىچە 30 تۈرلۈك كۆكتاتنىڭ ھەر كىلوگىرامىنىڭ ئوتتۇرىچە توپ سېتىلىش باھاسى 3.76 يۈەن بولغان.