جاھان ئاگېنتلىقى 19-مارت خەۋىرى؛ لەگلەك تورى تەرجىمىسى: سۇرىيە مۇسۇلمان قېرىنداشلار رەھبىرى ۋەلىد، سەئۇدى ئەرەبىستاننىڭ يېڭى پادىشاھى سەلمان دەۋرىدە، مۇسۇلمان قېرىنداشلارغا قارىتا پوزىتسىيەسىدە بىرەر ئۆزگىرىش سىگنالى كۆرمىگەنلىكىنى ئەمما بۇنىڭ ئۆزگىرىشىنى ئۈمىد قىلىدىغانلىقىنى بىلدۈردى.
سۇرىيە مۇسۇلمان قېرىنداشلار رەھبىرى مۇھەممەد ھىكمەت ۋەلىد، «ئەل قۇدۇس ئەل ئەرەبىي» گېزىتى مۇخبىرىغا سۆز قىلىپ ، مۇسۇلمان قېرىنداشلار تەشكىلاتىنىڭ سەئۇدى ئەرەبىستان بىلەن بولغان مۇناسىۋىتى ھەققىدە توختالدى. ۋەلىد، سەئۇدى ئەرەبىستاننىڭ سۇرىيە مۇسۇلمان قېرىنداشلار تەشكىلاتىغا ئالاقىدار پوزىتسىيەسىدە ئۆزگىرىش سىگنالى كۆرمىگەنلىكىنى تىلغا ئېلىپ، كەلگۈسىدە سەئۇدى ئەرەبىستاندىن بىر ئېچىلىش ئۈمىدى كۆرۈشنى خالايدىغانلىقىنى بىلدۈردى.
ۋەلىد، سەئۇدى ئەرەبىستاندا پادىشاھ سەلماننىڭ ۋەزىپىگە ئولتۇرۇشىدىن كېيىن مۇسۇلمان قېرىنداشلار تەشكىلاتى بىلەن رىياد ئارىسىدىكى مۇناسىۋەتلەردە بىرەر ياخشىلىنىش بولۇپ-بولمىغانلىقى ھەققىدىكى سۇئالغا مۇنداق جاۋاب بەردى: «سۇرىيە بىلەن سەئۇدى ئەرەبسىتان ئارىسىدا ئورتاق مەنپەئەت بار دەپ ئويلايمىز. سەئۇدى ئەرەبىستاننىڭ مۇسۇلمان قېرىنداشلار تەشكىلاتىنى تېرور تەشكىلاتى تىزىملىكىگە كىرگۈزگەنلىكىنىمۇ بىلىمىز. بۇ قارارنى يەنە بىر قېتىم كۆزدىن كەچۈرۈشىنى تەلەپ قىلىمىز. چۈنكى بىر تېرور تەشكىلات ئەمەس. سەئۇدى ئەرەبىستاننىڭ مەيدانىدا ئاشكارا بىر ئۆزگىرىش سىگنالى كۆرمىدۇق. ئەمما بىز كەلگۈسى مەزگىلدە سەئۇدى ئەرەبىستان ئۈچۈن پەقەت مۇسۇلمان قېرىنداشلارلا ئەمەس، بەلكى بارلىق گۇرۇپپىلارغا قارىتا ئېچىلىش دەۋرى بولىدىغانلىقىنى ئۈمىد قىلىۋاتىمىز» .
ۋەلىد، سۇرىيەدىكى رادىكال گۇرۇپپىلارنىڭ يۈكسىلىشىگە ئالاقىدار،« بۇنىڭ ھازىرقى زۇلۇم سەۋەبلىك ۋاقىتلىق بىر قارشىلىق ئىكەنلىكىنى ئېيتىپ، بۇ ئېقىمنىڭ ئۇزۇن داۋاملاشمايدىغانلىقىنى، «ئىلىملىك گۇرۇپ» نىڭ سۇرىيەنىڭ كەلگۈسىدە ھاكىم بولىدىغانلىقىغا جەزم قىلىدىغانلىقىنى» تەكىتلىدى.
سەئۇدى ئەرەبىستان تاشقى ئىشلار مىنىستىرى فەيسەل 12-فېۋرالدا، سەئۇدى ئەرەبىستاننىڭ مۇسۇلمان قېرىنداشلار تەشكىلاتىنىڭ تامامىغا ئەمەس، بەلكى تەشكىلات ئىچىدىكى كىچىك بىر گۇرۇپپىغا قارشى ئىكەنلىكىنى ئېيتقان ئىدى.
سەئۇد فەيسەل، سەئۇدى ئەرەبىستاندا ئېلان قىلىنىدىغان جەزىرە گېزىتىنىڭ مۇخبىرى سەمرا مۇقرىن بىلەن ئۆتكۈزگەن سۆھبىتىدە، «بىزنىڭ مۇسۇلمان قېرىنداشلار بىلەن ھېچقانداق مەسىلىمىز يوق، بىزنىڭ مەسىلىمىز بۇ جامائەتكە تەۋە كىچىك بىر گۇرۇپپا بىلەن، بۇ گۇرۇپپا مۇسۇلمان قېرىنداشلار باش كاتىبىغا قاراشلىق» دىگەن.
مىسىردىكى 2013-يىلىدىكى 3-ئىيۇل ھەربىي ئۆزگرىشىگە تولۇق ياردەم بەرگەن رىياد ھۆكۈمىتى، مۇسۇلمان قېرىنداشلار تەشكىلاتىنى «تېرور تەشكىلاتى» دەپ ئېلان قىلغان ئىدى.