ئۈرۈمچىدە مۇشۇ ھەپتىدە ھاۋارايى بىر قەدەر تۇراقلىق بولۇپ، ئەڭ يۇقىرى تېمپېراتۇرا ℃10 تىن يۇقىرى بولىدىكەن.

يېقىندا كۆرۈلگەن سوغۇق ھاۋا ئېقىمىنىڭ تەسىرىدە ئۈرۈمچىدە قار يېغىپ تېپمېراتۇرا كۆرۈنەرلىك تۆۋەنلىگەن بولسىمۇ، بىراق ئالدىنقى ھەپتىدىن باشلاپ ئۈرۈمچىنىڭ ھاۋاسى ئاستا-ئاستا ئىللىپ، يۇقىرى تېمپېراتۇرا ℃10 تىن يۇقىرى بولغان. 1-، 2-نويابىر كۈنلىرى، شەرقىي جەنۇب شامىلىنىڭ تەسىرىدە، ئۈرۈمچىدە تېمپېراتۇرا كۆرۈنەرلىك ئۆرلىگەن. مۇناسىۋەتلىك خادىمنىڭ تونۇشتۇرىشىچە، 8 - نويابىرىدىن بۇرۇن ھاۋا ئوچۇق بولۇپ، تېمپېراتۇرىدا بىر قەدەر تۇراقلىق بولىدىكەن، ئەڭ يۇقىرى تېمپېراتۇرا ℃10 ئەتراپىدا بولىدىكەن.

مۇشۇ ھەپتىدە شىنجاڭنىڭ كۆپ قىسىم جايلىرىدا ھاۋا ئوچۇق بولىدىكەن. ئاپتونوم رايونلۇق مېتېئورولوگىيە ئىستانسىسىنىڭ ھاۋا رايى ئالدىن مەلۇماتىغا ئاساسلانغاندا، بۈگۈن كۈندۈزدە شىنجاڭنىڭ جەنۇبىي ۋە شىمالىدىكى ئاساسلىق شەھەرلەر ئىچىدە، غۇلجىنىڭ ئەڭ يۇقىرى تېپمېراتۇرىسى ℃18 بولۇپ، پۈتۈن شىنجاڭ بويىچە تېمپېراتۇرىسى ئەڭ يۇقىرى بولىدىكەن. چۆچەك ۋە ئاتۇشنىڭ ئەڭ يۇقىرى تېمپېراتۇرىسى ℃15 بولىدىكەن. مۆلچەرلىنىشچە، 4 -، 5 - نويابىر كۈنلىرى، ئىلى دەريا ۋادىسى، تارباغاتاينىڭ شىمالىي، تەڭرىتېغىنىڭ تاغلىق رايونىنىڭ قىسمەن جايلىرىدا يامغۇر ياغىدىكەن، تاغلىق رايونلارنىڭ قىسمەن جايلىرىدا ئوتتۇراھال قار ياغىدىكەن.