تۆنۈگۈن بېيجىڭ شەھىرىدىكى ئوتتۇرا باشلانغۇچ مەكتەپلەر ھاۋا ئېغىر بۇلغانغانلىق سەۋەبلىك چىقىرىلغان قىزىل رەڭلىك ئاگاھلاندۇرۇش سىگنالى بىلەن، يەنە بىر قېتىم دەرس توختاتتى. بىراق ئالدىنقى قېتىملىق دەرس توختىتىشقا ئوخشىمايدىغىنى، بۇ قېتىم ئوقۇغۇچىلار «دەرس توختاتسىمۇ ئۆگىنىشنى توختاتمىدى»، ئۆگىنىش شەكلى تېخىمۇ مول بولدى. توردا بىۋاستە دەرس ئۆتۈش، ئۈندىداردا دەرس سۆزلەش، ئايمۇك (imooc.com) تورى، رەقەملىك مەكتەپ قاتارلىق نۇرغۇن ئۆزگىچە دەرس ئۆتۈش ئەندىزىلىرى ئارقىلىق ئوقۇتۇش نورمال ئېلىپ بېرىلدى، خەلق ئۇنىۋېرسىتېتى قارىمىقىدىكى ئوتتۇرا مەكتەپ، جىڭشەن مەكتىپى قاتارلىقلار ھەتتا دەرس سېتكىسىنىمۇ تەڭشىمەي، نورمال دەرس ئۆتۈشنى داۋاملاشتۇرۇپ، ئوقۇتۇش ئۈنۈمىنى تۆۋەنلەتمىدى. بۇنىڭدىن باشقا، 12-ئاينىڭ 21-كۈنى كەچ سائەت سەككىزگىچە، بېيجىڭ رەقەملىك مەكتىپىنى زىيارەت قىلىش سانىدا يېڭى رېكورت يارىتىلدى. بىرىنچى قېتىم مانان سەۋەبلىك دەرس توختىتىلغاندىن بۇيانقى ئومۇمىي زىيارەت سانى 10مىليون قېتىمدىن ئېشىپ كەتتى، گېخۇا يېتەكچى سىن قانىلىنىڭ قىسمەن دەرسلىرىنىڭ كۆرۈلۈش نىسبىتىمۇ بىرىنچى قاتاردىكى سۈنئىي ھەمراھ تېلېۋىزىيەلىرىنىڭكىدىن ئېشىپ كەتتى