2-دۇنيا ئۇرۇشى مەزگىلىدە ناتسىستلارنىڭ ناھايىتى مەخپىي بىر ئورگىنى بولغان بولۇپ، ئۇ ھېملىر باشچىلىقىدىكى ئېسئېسچىلارنىڭ ئادەم تۈر تەتقىقات مەركىزى ئىدى. گېرمانىيە ئۇرۇشتا مەغلۇب بولغاندىن كېيىنمۇ بۇ ئورگان توغرىسىدىكى مەخپىيەتلىك قاتتىق ساقلانغانىدى. ناتسىستلار بۇ ئورگاندىن پايدىلىنىپ مەخپىي تەجرىبە ۋە تەتقىقات ئېلىپ بارغان بولۇپ، كېيىنچە بۇ ئورگان مەخسۇس يەھۇدىيلارنى قىرغىن قىلىدىغان تەجرىبىخانغا ئايلاندى.

    ئېسئېسچىلار باشلىقى دوختۇر ھېگمىڭ ئىلگىرى ھىتلېرنىڭ كاناي ئوپېراتسىيىسىنى قىلغان بولۇپ، كېيىن ئۇ مەھبۇسلارنى ئوكسىگىنسىز بۆلۈمىدە ۋە نۆلدىن تۆۋەن 25 گىرادۇسلۇق مۇھىتتا تۈرلۈك تەجرىبىلەرنى قىلىشتا ئاساسلىق باشلامچىلىق قىلغان؛ ۋېيتسىن جازا لاگېرىنىڭ دوختۇرى يۈسۈف لاگىردىكى قوشكېزەكلەرنى مەخسۇس يىغىپ، ئۇلار ئۈستىدە ھەرخىل تەجرىبە ئىشلىگەن. ئۇ قوشكېزەكلەرگە ئوخشىمىغان ئوكۇللارنى ئۇرۇپ، بۇ ئوكۇلنىڭ ئادەم ئىچكى ئەزالىرىغا بولغان تەسىرىنى تەتقىق قىلغان؛ ئېسئېسچىلار ئەترىتىدىكى گېنېرال مايور گروبېكىر رەھىمسىز پاكىنەك بولۇپش تۇغۇت چەكلەش ئوپېراتسىيىسى ۋە ھەر خىل دورىلارنىڭ ئاياللار بەدىنىدىكى تەسىرى توغرىسىدا تەجرىبە قىلغان بولۇپ، ئىنتايىن قەبىھ ۋاسىتىلەرنى قوللانغان.

    ئۇنىڭدىن باشقا، ئۇلار «ئادەم تۈر تەتقىقاتى» تونىغا ئورىنىۋېلىپ، نۇرغۇنلىغان بىگۇناھ ئادەملەرنىڭ تېرىسىنى شىلىپ، تېرىدىن ھەرخىل نەپىس بۇيۇملارنى ئىشلىگەن. بۇ بۇيۇملار شۇ چاغدا ناتسىستلار ئارىسىدا مودىغا ئايلانغان، بۇ بۇيۇملار ئىچىدە ئادەم تېرىسىدىن ياسالغان چىراغ قېپى ئەڭ داڭلىق ئىكەن.