10-ئاۋغۇست ، ئىراقنىڭ سىنجار تاغلىق رايونىدا ، ‹‹ يازىدى ›› دىنىي مەزھىپىدىكى ئىراقلىقلار مال-چارۋىلىرىنى ئېلىپ سۇرىيە چېگرىسىغا قاراپ ماڭدى . ئىراقلىق بىر ئەمەلدارنىڭ 10-ئاۋغۇست ئېيتىشىچە ، نۆۋەتتە ، ئاز دېگەندە 20 مىڭ ئىراقلىق مۇساپىر ئىراقنىڭ شىمالىدىكى سىنجار تاغلىق رايونىدىن ئوڭۇشلۇق قېچىپ ، سۇرىيە ئارقىلىق ئۇرۇش ئوتى تېخى تۇتاشمىغان كۇرد ئاپتونوم رايونىغا بېرىۋالغان ، يەنە نەچچە مىڭ مۇساپىر سىنجار تاغلىق رايونىغا قاپسىلىپ قالغان . ئۇلارنىڭ كۆپىنچىسى يازىدىلار (‹‹يازىدى ›› دىنىي مەزھىپىدىن ) بولۇپ ، 2-ئاۋغۇست ‹‹ئىراق ۋە لىۋانت ئىسلام جۇمھۇرىيىتى ›› رادېكال تەشكىلاتىنىڭ ھۇجۇمىدىن قېچىپ بۇ تاغقا چىقىۋالغان ھەم ئىچىملىك سۇ ، يېمەكلىك قىس بولۇشتەك قىيىنچىلىقلارغا دۇچ كەلگەن ، ئامېرىكىنىڭ ھەربىي ئايروپىلانلىرى تۆت قېتىم ھاۋادىن ئۇلارغا سۇ ۋە يېمەكلىك تاشلاپ بەرگەن .

ئىگىلىنىشىچە ، ئىراقتىكى نۇرغۇن يازىدىلار ‹‹ئىراق ۋە لىۋانت ئىسلام جۇمھۇرىيىتى ›› نىڭ تەھدىتى ئاستىدا سەرگەردان بولۇشقا مەجبۇر بولغان ، ب د ت نىڭ ئىستاتىستىكىسىغا قارىغاندا ، ئىراقتىكى تەخمىنەن 200 مىڭ ئاۋام پۇقرا يۇرت-ماكانلىرىنى تاشلاپ كەتكەن ، 50 مىڭغا يېقىن ئامما قېچىپ تاغقا چىقىۋالغان . بىراق ، ئۇلار بۇ يەردە تۇرىۋەرسە ئاچلىق ۋە ئۇسسۇزلۇقنىڭ ، قېچىپ كەتسە ئۆلۈمنىڭ تەھدىتىگە ئۇچرايدىكەن .