تەيۋەننىڭ شىنبېيى شەھىرىدە ئولتۇرۇشلۇق جۇ فامىلىلىك يېقىندا چىيۇ فامىللىكتىن پۇلىنى سۈيلەپ ئالالماي، ئۇنىڭ ئاتىسىنىڭ جەسەت كۈلىنى ئوغرىلاپ، چىيۇ فامىللىكنىڭ ئانىسىغا تەھدىت سېلىپ، قەرزنى سورىغان. سوت مەھكىمىسى جۇ فامىللىككە تەھدىت سېلىش، ئوغرىلىق جىنايىتى ئۈچۈن سەككىز ئايلىق قاماق جازاسى بەرگەن.

      ئىگىلىنىشىچە، جۇ فامىللىك تاكسى شوپۇرى بولۇپ، چىيۇ فامىللىك بىلەن  يېقىن دوستلاردىن ئىكەن، ئۇ چىيۇ فامىللىكنىڭ سودا قىلىشى ئۈچۈن 5 مىليون يۈەن بېرىپ تۇرغان، لېكىن چىيۇ فامىللىك سودىدا زىيان تارتىپ،جۇ فامىللىك بىلەن ئالاقىلاشماس بولىۋالغان. جۇ فامىللىك ئامالسىز بۇلتۇر ئىيۇلدا قەبرىستانلىققا بېرىپ، چىيۇ فامىللىكنىڭ ئاتىسىنىڭ جەسەت كۈلىنى ئوغرىلاپ ئۆيىگە يوشۇرۇپ قويغان ھەمدە بۇلتۇر ئاۋغۇستتا جۇ فامىللىكنىڭ 80 ياشقا كىرىپ قالغان ئانىسىغا تېلېفون بېرىپ، ئوغلى پۇلىنى قايتۇرۇپ بەرمىسە ئېرىنىڭ جەسەت كۈلىنى تاشلىۋېتىدىغانلىقىنى ھەمدە ئوغۇلنى ئۆلتۈرۈۋېتىدىغانلىقىنى ئېيتقان.

ساقچىلار جۇ فامىللىكنى تۇتقاندىن كېيىن ئۆيىدىن جەسەت كۈلىنى تاپقان.