كادىر–ساقچىلار دۆلەت ۋە مىللەتنىڭ ئازادلىقى ئۈچۈن قۇربان بولغان ئىنقىلابىي قۇربانلارنىڭ ئىش–ئىزلىرىنى سۆزلەپ بەرمەكتە
ئىختىيارىي مۇخبىرىمىز نۇرمۇھەممەد ئايۇپ خەۋىرى ، فوتوسى: 1–ئاپرېل ، ئۇيغۇر ، خەنزۇ ئوقۇغۇچىلار ئارىلىشىپ ئوقۇيدىغان يەكەن ناھىيەلىك 5–باشلانغۇچ مەكتەپ يېتىپ كېلىش ئالدىدا تۇرغان چوكانتال بايرىمى مۇناسىۋىتى بىلەن چوڭ ئەترەت پائالىيىتى ئۆتكۈزۈپ ، ئىنقىلابىي قۇربانلارنى ياد ئەتتى.
پائالىيەتتە ئوقۇغۇچىلار ئالدى بىلەن ئىنقىلابىي قۇربانلارغا ئاتاپ تەييارلىغان گۈلچەمبىرەكلەرنى مەيدانغا ئېلىپ كىرىپ ، دۆلەت بايرىقى سۇپىسىغا قويۇپ ، ئۈچ مىنۇت تەزىيە بىلدۈردى . ئارقىدىن ، ناھىيەلىك جامائەت خەۋپسىزلىك ئىدارىسىدىن تەكلىپ قىلىنغان كادىر–ساقچىلار دۆلەت ۋە مىللەتنىڭ ئازادلىقى ئۈچۈن قۇربان بولغان ئىنقىلابىي قۇربانلارنىڭ ئىش–ئىزلىرىنى سۆزلەپ ، ئوقۇغۇچىلارنى چوڭقۇر تەربىيەگە ئىگە قىلدى . ئاخىرىدا ، مەكتەپتىكى پىئونېرلار ناخشا ئېيتىش ، ئۇسسۇل ئويناش ، شېئىر دېكلاماتسىيە قىلىش ئارقىلىق پائالىيەتنى يۇقىرى دولقۇنغا كۆتۈردى.
ئوقۇغۇچىلار ئىنقىلابىي قۇربانلارنى ياد ئېتىپ شېئىر دېكلاماتسىيە قىلماقتا
ئوقۇغۇچىلار چوكانتال بايرىمىنى مەدھىيەلەپ سەنئەت نومۇرى ئورۇنلىماقتا
