رۇشەنگۈل سىنىپىمىزدىكىلا ئەمەس مەكتىپىمىزدىكى كۆزگە كۈرۈنگەن مودىكەش قىزلارنىڭ بىرى بۇلۇپ،ئۇنىڭ كىيىم-كىچەكلىرىنىڭ كۆپلىكىدىن بىزنىڭ ياتىقىمىز خۇددى كىيىم-كىچەكلەرنى توپ تارقىتىش بازىرىغىلا ئوخشايتتى.ئۇنىڭ كۈنلىرى توختىماي كىيىم ئالماشتۇرۇش،ئەينەك ئالدىدىن كەتمەي گىرىم قىلىش بىلەنلا ئۆتەتتى. ياتاقتىن ھەممىدىن بۇرۇن چىقىپ كەتسە ھەممىدىن كىيىن قايتىپ كىلەتتى.ئۇنىڭ دەم ئېلىش كۈنلىرى ۋە ئىختىيارى پائالىيەت ۋاقىتلىرى نىمە ئىشلار بىلەن مەشغۇل ئىكەنلىكىنى ھىچكىم بىلمەيتتى.گەرچە ئۇنىڭ بىلەن بىلەن بىر سىنىپتا ئۇقۇپ،بىر ياتاقتا يېتىپ كىلىۋاتقان بولساقمۇ بىراق ھېچقايسىمىز ئۇنىڭ ئائىلىسى توغرىلىق بىر نەرسىلەرنى بىلمەيتتۇق.ئۇمۇ ئەزەلدىن بىزگە ئائىلىسى توغرىلىق بىر نەرسىلەرنى دەپ باققان ئەمەس.بىراق بىز ئۇنىڭ كىيىم-كىچەكلىرى،يۈرۈش-تۇرۇشلىرى،ھەر ۋاقىت يانچۇقىدىن پۇل ئۈزۈلمەسلىكىگە قاراپ ئۇنى بىرەر چوڭ باشلىقنىڭ ھېچبولمىغاندا بىرەر باي ئائىلىنىڭ ئەتىۋارلىق مەلىكىسى بولسا كىرەك دەپ پەرەز قىلىشاتتۇق. بىر كۈنى بىز چۈشتىن بۇرۇنقى تەنتەربىيە دەرسىنى تاماملاپ،چۈشلۈك ئارامدا ياتاققا قايتىپ كىردۇق. ئارقىدىنلا ئىشىك غىچىرلاپ ئېچىلىپ چاچلىرى ئۇچتەك ئاقارغان،بەللىرى يادەك ئېگىلگەن،يۈزلىرىنى تال-تال قورۇقلار قاپلىغان،كىيىم-كىچەكلىرى تۇلىمۇ ئاددى-ساددا بىر ئانا ئالدىمىزدا خۇددى پەرىشتىدەكلا پەيدا بولدى.ئانىنىڭ قولىدا خالتا-خۇلتىلار تۇراتتى.لەۋلىرىدىن تەشنالىق،چىرايىدىن ھارغىنلىق چىقىپ تۇراتتى.بىراق ئۇ ئانىنى كۆرگەن رۇشەنگۈلنىڭ چىرايى تامدەك تاتىرىپ،پۇت-قۇلىدا جان قالمىدى،ئۇ نىمە قىلارىنى بىلمەي قالغان ئىدى.ئۇ ئارلىقتا ھېلىقى ئانا ئۇسسۇزلۇقتىن چاڭقاپ كەتكەن لەۋلىرىنى ئاران مىدىرلىتىپ:«قىزىم سالامەتمۇ سەن؟كۆزلىرىمدىن ئۇچۇپلا كەتتىڭغۇ؟ئاغرىپ قالمىغانسەن؟جۈدەپ قاپسەن،ھاۋا شۇنچە سوغوق تورسا نىمانداق يېلىڭ كىيىنىۋالدىڭ؟جېنىم بالام،سېنى شۇنداق سېغىندىم،سېنى يىسۇن دەپ ئۆز قۇلۇم بىلەن نان يېقىپ كەلدىم،ئۆينىڭ نېنىنى سېغىنىپ قالغانسەن؟.......» دەپ ئاغزى-ئاغزىغا تەگمەي سۆزلەپ كەتتى. ئەي ساۋاقدىشىم،كۆرۈپ تۇرۇپتىمىز ئۇ سېنىڭ ياق ھەممىمىزنىڭ مېھرىبان،جاپاكەش،كۈيۈمچان،پەرىشتە سۈپەت ئانىمىز ئىدى.شۇ تاپتا مىنىڭ يۈگۈرۈپ بېرىپ ئۇنى قۇچاقلىغۇم،چاچلىرىنى ھىدلىغۇم،قولللىرىغا سۆيگۈم كەلدى.ئانا تېخىچە ئۆرە تۇراتتى.سەن شۇنچە يىراقتىن ھېرىپ-چاڭقاپ سېنى دەپ كەلگەن ئاناڭنىڭ قوللىرىدىن تۇتۇپ:«جېنىم ئاپا شۇنچە يىراقتىن ھېرىپ-چارچاپ مىنى دەپ كەپسەن،كەل كارۋىتىمغا كىلىپ بىردەم ئولتۇرۋال،ئۇسساپ كەتكەنسەن،مەن ساڭا چاي قۇيۇپ بىرەي» دىيىشنىڭ ئورنىغا زەھەرخەندىلىك بىلەن ئۇنىڭ ساڭا ئۇزىتىلغان قوللىرىنى سىلكڭپ تاشلىدىڭ-دە ،ئۇنى تارتىپ تېز-تېز مېڭىپ ياتاقتىن چىقىپ كەتتىڭ.چىقىپ كەتتىڭيۇ،قانداق تېز چىقىپ كەتكەن بولساڭ شۇنداق تېز قايتىپ كىردىڭ.قايتىپ كىرىپلا بىزگە:«خاتا چۈشىنىپ قالماڭلار،ئۇ مىنىڭ ئاپام ئەمەس،بىر يۇرتلىقىمىز ئىدى،كىچىكىمدىن مىنى ئۆز قىزىدەك كۆرەتتى،شۇڭا قىزىم دەپ تۇرىۋالىدۇ،بۇ يەردىن ئۆتكەچ مىنى يوقلاپ كەپتىكەن .......»دەپ چۈشەندۈرۈپلا كەتتىڭ.سەن ئېنىقلا ئاناڭدىن نۇمۇس قىلىۋاتاتتىڭ.سەن ئاشۇ سېنى 9ئاي 9كۈن قورسىقىدا كۆتۈرۈپ ،ئاچچىق تولغاق ئازابىدا مىڭ ئۈلۈپ،مىڭ تىرىلىپ ئاران دىگەندە سېنى تۇغۇپ،ئاق سۈت بىرىپ چوڭ قىلىپ،يىمەي يىگۈزۈپ،كىيمەي كىيگۈزۈپ،باشلانغۇچتىن ئالىي مەكتەپكىچە ئوقۇتقان،ئۆزى جاپا تارتسىمۇ سېنى باشقىلار ئالدىدا يەرگە قارىتىپ قويماي،ئۆزى يىمىسىمۇ،ئۆزى كىيمىسىمۇ،تاپقان-تەرگىنىنى ساڭا ئەۋەتىپ سىنى ساۋاقداشلىرىڭ ئالدىدا خۇددى باشلىقنىڭ قىزىدەك،بايۋەتچىلەرنىڭ مەلىكىسىدەك قىلىپ كۆرسەتكەن،يانچۇقۇڭدىن پۇلنى ئۈزۈلدۈرمىگەن ئاشۇ كۈيۈمچان جاپاكەش مېھرىبان،پەرىشتە سۈپەت ئاناڭدىن نۇمۇس قىلىۋاتاتتىڭ.قۇندۇزدەك چاچلىرىنى كۆزىنىڭ نۇرىنى،بىر ئادەم ئۈچۈن ھاياتىدا ئەڭ قىممەتلىك بولغان ياشلىق باھارىنى خازان قىلىپ سەن ئۈچۈن پەقەت سەن ئۈچۈنلا ياشاۋاتقان شۇ ئاناڭدىن نۇمۇس قىلدىڭ.ئۆز ئابرويۇڭ ئۈچۈن ئۇسسۇزلۇقتىن چاڭقاپ كەتكەن شۇ ئانىغا بىر تامچە ئۇسسۇزلۇقمۇ بەرمەستىن قوغلاپ چىقاردىڭ.ساڭا تەشنالىق بىلەن سۇزۇلغان قوللىرىنى رەھىمسىزلىك بىلەن سىلكىپ تاشلىدىڭ،شۇ ئانا قانچىلىك ئازاپلانغاندۇ-ھە؟«ئۇ مىنىڭ ئاپام ئەمەس» دىگەن گەپ قانداقمۇ ئېغىزىڭدىن چىققاندۇ؟سېنىڭ شۇنداق قىلىشقا ھەققىڭ بارمۇ؟سەن ئۆز ئابرويۇڭنى ئويلاپ شۇنداق قىلدىڭ،ئەپسۇس، مىڭ ئەپسۇس، سەن ئاللىقاچان بىزنىڭ نەزىرىمىزدىن غۇلاپ چۈشتۈڭ!ھەرگىزمۇ شۇنداق بىر سەھرالىق ئانىنىڭ قىزى بولغانلىقىڭ ئۈچۈن ئەمەس،ئەكسىچە شۇنداق پەرىشتە سۈپەت بىر ئانىنى ئېتىراپ قىلالمىغىنىڭ ئۈچۈن!ئەي ئابرويپەرەس ساۋاقدىشىم،مۇشۇمۇ بىر ئالىي بىلىم يۇرتىدا بىلىم ئېلىۋاتقان سىتۇدېنتنىڭ قىلىدىغان ئىشىمۇ؟ئەجىبا سەن ئانا بولماسسەنمۇ؟بۈگۈن ئاناڭنىڭ بېشىغا كەلگەن بۇ كۈن يىراق بولمىغان كەلگۈسىدە سېنىڭ بېشىڭغا كەلمەسمۇ ؟؟؟ تور دۇنياسىدىكى چاقنىغان يۇلتۇز - ئىز تورى!
مەنبە؛چىمبۇلاق مۇنبىرىدىكى (تۇمارىس)نىڭ يازمىسى
خەتكۈچلەر:
