ئاسماندىكى يۇلتۇزنى شوتا قويماي ئۈزۈۋالىدىغان بىر ئالىقانات ئوغرىنىڭ ماھىرلىقى شۇ دەرىجىگە يەتكەنكى، ئۇ قورقىماستىن پادىشاھنىڭ خەزىنىسىنى ئوغرىلاشنى كۆڭلىگە پۈكۈپتۇ،خەزىنىگە كىرىش يوللىرىنى،ساقچىلارنىڭ قوغداش تەرتىپ-نىزاملىرىنى ئوبدان تەكشۈرۈپ،ئاندىن ئىشقا كىرىشىپتۇ،تەييارلىق تولۇق پۈتكەندىن كېيىن،بىر كۈنى كىچىسى ئۇ،پادىشاھنىڭ خەزىنىسىنى ئوغرىلاشقا ھازىرلىق قىپتۇ.ھەممە ئىش ئوغرىنىڭ كۆڭلىدىكىدەك ئۆز يولىدا پۈتۈپتۇ.ئۇ ئۆزى كولىغا لەخمە بىلەن خەزىنىگە ئامان-ئېسەن كىرىۋاپتۇ.خەزىنىدە تۈرۈك-تۈمەن رەڭدە تاۋلىنىپ تۇرغان دۇررى،گۆھەر،زۇمرەت،زەبەرجەت،ئالتۇن-كۈمۈش،لەئل-جاۋاھىرلار ئوغرىنىڭ كۆزىنى قاماشتۇرۇۋېتىپتۇ.بۇ بايلىقىنىڭ بىر زەررىسىنى ئېلىپ كەتسە،ئۇنىڭ ئۆزىلا ئەمەس،ھەتتا يەتتە پۇشتىمۇ راھەت-پاراغەت ۋە باياشاتلىقتا ياشاشقا يېتىپ ئاشىدىغانلىقىنى ھېس قىپتۇ.
ى ئىز تورى ئىز تورى ئىز تورى ئىز تورى
ئوغرى بۇ قىممەتلىك بايلىقىلارنىڭ كۆتۈرەلىگىنچە ئېلىپ خەزىنىدىن چىقىپ كېتىۋاتقاندا،ئۇشتۇمتۇت ئۇنىڭ كۆزى ئىشىك يېنىدا تۇرغان ناھايىتى چوڭ بىر نەرسىگە چۈشۈپتۇ.ئوغرى ئۇ نەرسىنى كۆرۈپ باقماقچى بولۇپ،ھەر قانچە كۈچەپمۇ،ئۇنى مىدىرلىتالماپتۇ.(بۇ نېمىدۇ؟!)دەپ ئوغرىنىڭ بېشى قېتىپتۇ.چۈنكى،پارقىراپ تۇرغان بۇ نەرسە يا ئالتۇن ياكى كۈمۈشكە ئوخشاشمايدىغان،ئۇ زادى نېمە ئىكەنلىكىنى ىبلىپ باقماقچى بولغان ئوغرى ئىختىيارسىز ئېڭىشىپ تىلىنى ئۇنىڭىغا تەگكۈزۈپ يالاپ بېقىپتۇ-دە،خۇددى چاقماق سوققاندەك نېرىغا قاڭقىپ كېتىپتۇ.
بۇ مەزمۇن ئىز تورىدىن كۆچۈرۈلگەن
بۇ تاسادىپىي ئىشتىن ئوغرىنىڭ ئەقلى لال بولۇپ داڭ قېتىپ تۇرۇپ قاپتۇ.كىين ئوغرىلىغان بارلىق نەرسىسىنى شۇ جايدا قويۇپ،كەلگەن يولى بىلەن خەزىنە بېگى خەزىنىنىڭ ئىشكىنى ئېچىپ كىرىپتۇ-دە،ھاڭ-تاڭ بولۇپ تۇرۇپ قاپتۇ.چۈنكى،خەزىنىدىكى قىممەتلىك بايلىقلار ئۆز ئورنىدىن يۆتكىلىپ،دۇررى-گۆھەرلەرگە تولغان ئىككى خورجۇن ئىشىك ئالدىدا تۇرغان ئىكەن،ئۇ،خەزىنىگە كىرىش ئۈچۈن كولانغان لەخمىنى كۆرۈپ،شۇنچە كۆپ جاپا چېكىپ لەخمە كولاپ،لېكىن يىڭنە چاغلىق نەرسە ئالماي چىقىپ كەتكەن ئوغرىنىڭ مەردلىكىگە ھەيران قاپتۇ.
بۇ ۋەقەدىن خەۋەر تاپقان پادىشاھنىڭمۇ ئوغرى خەزىنىگە كىرىگەن پەيتتە قانداقراق تاسادىپىي ۋەقە يۈز بەرگەنلىكىگە ئەقلى يەتمەپتۇ.شاھنىڭ سارىيىدىكى ئالىم ۋە دانىشمەنلەرمۇ بۇ سىرنى يېشەلمەي،كېڭىشىپ،شەھەرگە جاپارچى چىقىرىپ،بولۇپ ئۆتكەن ۋەقەدىن ئەل-ئۇلۇسنى خەۋەردار قىلشنى لازىم تېپىپتۇ.جاكارچىلار بازار-رەستە ئارىلاپ يۈرۈپ شاھنىڭ ئەمىر-پەرمانىنى پۈتۈن خەلىققە يەتكۈزۈپتۇ ۋە ئېلاننىڭ ئاخىرىدا؛(ئەگەر خەزىنىگە كىرگەن ئوغرى ئۆز ئىختىيارى بىلەن شاھ سارىيىغا كېلىپ،خەزىنىدە يۈز بەرگەن ۋەقەنى سۆزلەپ بەرسە،ئۇ گۇناھىدىن پارىخ بولۇشتىن تاشقىرى،پادىشاھنىڭ كاتتا ئىنئامىغا ئىگە بولغاي...)دەپ ۋارقىراپ جاكار قىپتۇ.
شاھنىڭ پەرمانىدىن خەۋەر تاپقان ئوغرى ئويلا-ئويلا،ئاخىرى شاھنىڭ سارىيىغا بېرىپ ئۆزىنى مەلۇق قىپتۇ. ئوغرىنىڭ سارايغا ئۆز ئايىغى بىلەن كەلگەنلىكىدىن خەۋەر تاپقان بارلىق ئەئيانلار ئۇنى كۆرۈشكە ئالدىرىشىپتۇ،شاھنىڭ خاس خانىسى ئادەم بىلەن لىق تولۇپ كېتىپتۇ. بۇ مەزمۇن ئىز تورىدىن كۆچۈرۈلگەن
-ئەي مەرد ئوغرى،-دەپ گەپ باشلاپ شاھ-،بىز ئۆز سۆزىمىزگە ئەمەل قىلىپ سېنىڭ گۇناھىڭىدىن ئۆتتۇق،بىراق،سېنىڭ ئىنساپىڭ ھەققىدىكى سىرنى يېشەلمەي،ھەممىمىزنىڭ كۆڭلى بىر قانچە ۋاقىتتىن بىرى بىئارام بولدى،قېنى ئېيتىقىنا،ئوغرىلىق پەيتىدە خەزىنىدە نېمە ۋەقە سادىر بولۇپ،شۇنچە جاپا تارتىپ لەخمە كولىغان تۇرۇقلۇق،ھېچ نەرسىنى ئالماي،قانداق كىرگەن بولساڭ،شۇ پېتى چىقىپ كەتتىڭ؟
ئىز تورى بەك ياخشى
ئوغرى تەزىم قىلىپ تۇرۇپ خەزىنىدە بولۇپ ئۆتكەن ۋەقەنى پادىشاھقا سىپايىلىق بىلەن بايان قىپتۇ .ئاخىرىدا؛
-ئىشىكتىن چىقىشتا مەن قىزىقىتىپ يالاپ ئۆرگەن ئاشۇ پارقىراق نەرسە تۇز ئىكەن،ئەمدى مەن سىزنىڭ خەزىنىڭىزدىن بىر تال يېڭە چاغلىق نەرسىنى ئوغرىلاپ كېتىشكە ھەققىم يوق ئىدى شاھىم.تۇز تېتىغان يەرگە خىيانەت قىلشتىنمۇ قەبىھ گۇناھ بولماس دۇنيادا!-ئوغرى بولۇپ ئۆتكەن بايان ئەيلەپ قولىنى كۆكسىگە قويۇپ،شاھقا تەزىم بەجا كەلتۈرۈپتۇ. ئىز تورىدا ئىزلىرىمىز قالسۇن!
شاھ ۋە سارايدىكى پۈتۈن ئەئيانلا ئوغرىنىڭ سۆزىدىن قاتتىق تەسىرلىنىپتۇ.تەقدىرنىڭ تەتۈرلۈكى بىلەن ئوغرى بولۇپ قالغان بۇ ئادەمنىڭ ئەسلىدە ناھايىتى ئەقىللىق،دىيانەتلىك،ئىنساپلىق بىر ئىنسان ئىكەنلىكىگە ۋە پۈتۈن ۋۇجۇدىدا ھالاللىق تولۇپ تۇرغىنغا ئىشەنچ قىپتۇ.
بۇ مەزمۇن ئىز تورىدىن كۆچۈرۈلگەن
-سەندەك ئىنساپلىق ئادەملەرگە بەكمۇ مۇختاجمەن،ساڭا مەنسەپ بېرەي،سارىيىمدا خىزمەت قىلىغىن،ساداقەت بىلەن خىزمەت قىلىساڭ،ئەمەل-مەرتىۋەڭ يەنىمۇ ئۆستۈرۈلىدۇ.مەردلىك ۋە ئىنساپلىڭ دائىم ساڭا ھەمرا بولسۇن،-دەپتۇ پادىشاھ ئوغرىغا.
-تاكى قولىقىغىچىلىك گۇناھقا پاتقان بىر ئوغرىنى خەيرلىك ئىشلارغا بەند قىلىپ،ساۋاب تەرەپكە باشلىسىڭىز ئۆمرىڭىز ۋە دۆلىتىڭىز تېخىمۇ زىيادە بولسۇن،ھالال خىزمەت قىلىپ ئاسىي بەندىلىك بەتنامدىن پارىخ بولسام،دىلىمدا ئارمىنىم قالماس ئىدى،-دەپتۇ ئوغرى سارايدا قېلىپ پادىشاھنىڭ خىزمىتىنى قىلىشقا رازىلىق بىلىدۈرۈپ.
بۇ مەزمۇن ئىز تورىدىن كۆچۈرۈلگەن
