جۇڭگو ئاخبارات تورى، 26 - ئاۋغۇست تېلېگراممىسى: ئامېرىكا ئاخبارات ۋاستىلىرىنىڭ خەۋىرىدىن قارىغاندا، ئەنگىلىيە نېفىت شىركىتىنىڭ ئىنژېنېرلىرى بۇ شىركەتنىڭ مېكسىكا قولتۇقىدىكى بۇزۇلغان نېفىت قۇدۇقىنىڭ بىر كونا بۇرغا تۇرۇبىسىنى چۇۋۇۋاتقاندا چاتاق چىقىپ ، ئاخىرقى ھىم ئېتىش خىزمىتىنىڭ ۋاقتى كەينىگە سۈرۈلگەن .
ئامېرىكا فېدېراتسىيە ھۆكۈمىتىنىڭ نېفىت ئېقىپ كېتىش ھادىسىسىنى بىر تەرەپ قىلىشقا مەسئۇل خادىمى، ھەربىي قىسىمدىن چېكىنگەن دېڭىز ئارمىيە گېنېرالى ئاللېن 25 - ئاۋغۇست مۇخبىرغا مۇنداق دېدى: كېرەكسىز تۇرۇبا ئىچىدىكى ماي ئارىلاشما ماددىلىرى كۆرۈنۈش دەرىجىسىگە توسقۇنلۇق قىلغاچقا، بۇ خىزمەت بىر يېرىم كۈندەك كېچىكتۈرۈلدى .
ئاللېن يەنە مۇنداق دېدى : بۇ بۇرغا تۇرۇبىسى چۇۋۇۋېتىلىشى كېرەك ، شۇنداق قىلغاندا ھازىرقى ئېتىلىپ چىقىشنى توسىدىغان ئۈسكۈنىنى ئالماشتۇرۇشقا تەييارلىق قىلغىلى بولىدۇ . ئېتىلىپ چىقىشنى توسىدىغان بۇ ئۈسكۈنە نېفىت قۇدۇقىنىڭ چوققىسىغا ئورنىتىلغان چوڭ تىپتىكى كلاپان بولۇپ، مۇشۇ جۈمە كۈنى ئالماشتۇرۇلۇشى مۇمكىن ئىكەن .
