قەلبىمدە بىر ھېكمەت كۆيەر قوقاستا…
ئىككى شېئىر
مۇھەممەد كامال خۇشخۇي
ھايات
تىغ ئۈستىگە تارتىلغان قىلنىڭ،
ئۈزۈلمىكى ئاران بىر تىنىق.
تەلەي كەلسە نەچچە ئون يىلنىڭ،
تاناۋىنى تارىتمىقى ئىنىق.
يېشىل ئارال،يېشىل دېڭىزدا،
يېشىل رەڭگە كۆمۈلدى بىر جان،
تاشقىن ياساپ چاناقلار ئۇدا،
قىيىق يىغلار ياش ئورنىغا قان.
قۇشلار چىشلەپ كىملىكنى ئۈنسىز،
ئۆي-ئۆيلەرگە تاشلايدۇ سۇئال.
بىراق جىمى دېرىزە گۆنسىز،
تىترەر گويا باھاردا غال-غال…
2013-يىلى 17- دىكابىر(سەيشەنبە)،شەھىرى سەنيا.
قولۇمنى قولىدا تونۇيدۇ ناۋاي
1
ئايازنىڭ ياپ-يېشىل بەرگىلىرىدە،
ئېچىلدى كۆڭلۈمنىڭ گۈللىرى ئەلھال.
بۇلبۇللار ناۋاسى دىللارغا تۇتقۇن،
شەبنەملەر تاشلايدۇ تىنىمسىز سۇئال.
چايكىلار قولىدا خىيالىم غېرىپ،
قىرغاقنى شورايدۇ دېڭىز دولقۇنى.
كاتىرنىڭ قەلبى لەش سىم-سىم يامغۇردا،
يامغۇرنىڭ غەرقتۇر دېڭىزدا ئۈنى.
يۈرىيمەن يوللارنىڭ چۈشىدە غۇۋا،
قولۇمنى قولىدا تونۇيدۇ ناۋاي.
نان ئەمەس ئاي دېدىم ئۇنىڭ ساتقىنى،
ئەقىدەم نۇرلاندى قۇياشتەك ئاي-ھاي!
2
بوشلۇقتا لەپەڭشىپ قالىدۇ قولۇم،
كىراكەش ئالدىمدىن قاچقاندا ئوقتەك.
دوپپامدىن ھۈركىگەن شوپۇرنىڭ ئويى،
يوللارنى يالمايدۇ ئوزۇقى يوقتەك.
ھەيرانلىق كۆزلىرى كۆزۈمدە مېھمان،
قاسناقتا سەپ تۈزگەن دەرەخنىڭ بۇدەم.
ئىڭرايدۇ تەر بېسىپ كوچا چىرىقى،
تەشۋىشىم تەشۋىشكە تۇتقۇن ياكى يەم.
3
سىلايدۇ يۈزۈمنى سەھەر شامىلى،
ئانامنىڭ قولىدا ئاۋايلاپ ئاستا.
چېھرىمدە پارلايدۇ قۇياشنىڭ رەڭگى،
قەلبىمدە بىر ھېكمەت كۆيەر قوقاستا…
ئىككىنچى قەۋەتتىن چۈشىمەن مەغرۇر،
ئون ئالتە پەشتاقنى قويۇپ پىراقتا.
غىدىقلار روھىمنى ئوتلۇق ھەۋەستە،
بىر ئۇيغۇر ساتقان نان يىراق-يىراقتا…
2013-يىلى 21-دىكابىر(شەنبە)،شەھىرى سەنيا.
.jpg.html)
.jpg.html)
يېڭى يازمىلار
2015/03/25
دۇنياغا داڭلىق بالا تەربىيەلەش ئۇسۇللىرى
1. بالىلارغا يېتەرلىك ئوينايدىغان ۋاقىت بېرىش، تۇرمۇشىنى بەك زىچ ئورۇنلاشتۇرۇۋەتمەسلىك
ئامېرىكا بالىلا...
2015/03/14
بىر ياش يازغۇچىغا
دېنىلو كىس (سىربىيە، 1935-1989)
مەردان ئەھەتئېلى تەرجىمىسى
ئۆزۈڭدە ئاساسىي ئېقىمغا ۋە ھۆكۈمرانلارغا بولغان گۇمان يېتىشتۈر.
ھۆ...
2015/03/11
ئىجارە ئۆي
مۇھەممەد كامال خۇشخۇي
پەشتاقلىرى ئون تۆت بۆلۈنمە،
ھەر بۆلۈنمە يىغلايدۇ ئۆكسۈپ.
خوجايىنغا رەڭسىز كۆرۈنمە،
كۆرۈندىڭمۇ؟سەن ئاڭا مەنسۈپ...
2015/03/11
كىتاب ئوقۇشنىڭ ئادەم بەدىنىگە يەتتە تۈرلۈك پايدىسى بار
ئۇزۇندىن بېرى كىتاب ئوقۇپ باقمىدىڭىز شۇنداقمۇ؟ كومپيۇتېر ۋە تېلفۇندا مىكرو بىلوگ يېڭىلاپ،...
2015/03/09
كىتاب ئوقۇمايدىغان مىللەتتە ئۈمىد يوق!
مەزكۇر يازما2014 -يىلى2-ئاينىڭ17-كۈنى يېزىلىپ تور ۋە سالونلارغا تورداشلار تەرىپىدىن يوللانغان
...
تەۋسىيە (1)
ئىنكاسلار
ئىستاتىستىكا
- يازما سانى: 530 پارچە
- باھا سانى: 90 پارچە
- تۈر سانى: 6 پارچە
- خەتكۈش سانى: 24 پارچە
- قۇرۇلغان ۋاقىت:
- تور بېكەت ئېچىلغىلى 16526 كۈن بولدى
- يېڭىلانغان ۋاقتى: 2015-03-25
خەتكۈشلەر
دوستانە ئۇلىنىشلار
تەۋسىيە (2)
بىلوگنىڭ يىڭى ئۇسلۇبى بەك پىچەت چىقىپتۇ ، نەچچىگە لايىھەلەپ بەردى .