ئىسمائىل ھاجى غەزەللىرى
ئىسمائىل ھاجى غەزەللىرىدىن
تەييارلىغۇچى: ئابدۇقادىر سادىر
1
ياخشى خۇيلارنى كۆرۈپ فۇرخەندەلىكدە بۇ كۆڭۈل،
يۈز تەئەسسۇفلەر قىلىپ شەرمەندەلىكدە بۇ كۆڭۈل.
ئادەتى خۇشدۇر ئەجەپ خۇرشىد ئارا تەلئەتى،
ئېنتىزار ئولدى تولا دەرماندىلىكدە بۇ كۆڭۈل.
بەس ئۇلۇغ ئالى گۆھەر سۈبھى سەئادەت ئەختەرى،
مۇنتەزىر كەۋكەب كەبى تا بەندەلىكدە بۇ كۆڭۈل.
ئەي مۇھەممەدلىك نىياز ئولسۇن نەۋازىڭ سەرفەراز،
نازۇ- نېئمەتلەر سارى گۇيەندەلىكدە بۇ كۆڭۈل.
لۇتف ئاسارىڭ تولا قىلدىڭ مەكارىملىق بەلىغ،
بارىكاللا يۈز تۈمەن خانەندەلىكدە بۇ كۆڭۈل.
مەن نېچۈك مەدھىڭ قىلاي ۋەسفىڭ مەلائىك زىيۋەرى،
ھۆكمىران بول تائەبەد سازەندەلىكدە بۇ كۆڭۈل.
مەملىكەت خاقانى رۇم بولسۇن مۇسەخخەر ھەم مۇتېئ،
يۈزلەرىڭگە تەلمۈرۈپ بىنەندەلىكدە بۇ كۆڭۈل.
ھەمنىشىنلىق ئەيلەشىپ سۇلتانى ئەئزەم قاشىغە،
دائىم ئولتۇرماق ئۈچۈن خاھەندەلىكدە بۇ كۆڭۈل.
كىم تەجەللى دىلبەرىڭ ئەردى مۇقىم ھويلۇڭ بىلە،
كەئىس گىر بوستانىدە جۇيەندەلىكدە بۇ كۆڭۈل.
قۇتبى ئالەم سەييىدى ئەۋلادى ئالى مۇستەفا،
ئولتۇرۇر تەسنىمىدەك ئارماندەلىكدە بۇ كۆڭۈل.
كۆپ خېجىل پەيىكلەر پەيك قىلغان نەۋازىش فەزلىدىن،
نەفس ئىسمائىل كەبى پەيۋەندەلىكدە بۇ كۆڭۈل.
2
كۆرۈپ ئېنئام ئېھسانىڭ كۆڭۈل مىڭ شادلىق ئەيلەر،
ھۆكۈم ئىكرامىدىن كۆرگەچ مۈلك ئابادلىق ئەيلەر.
فەرىشتە خۇي ئەۋسافىڭ فەلەكنىڭ سەفھەسىن تۇتمىش،
سېنىڭ تەرزى سىياقىڭدىن ئىرەم بۇنيادلىق ئەيلەر.
رەئايە خۇررەمۇ خۇرسەند سېنىڭ دەۋران چەرخىڭدىن،
ھەدائىق گۈلۈستانلىقدە بەھى شەمشادلىق ئەيلەر.
تەئەلىللاھ ئەجەب بەرنا سېنىڭ تەقۋىم ئىدراكىڭ،
دىلۇ جان مەركەزى ئىچرە رەۋان بىھزادلىق ئەيلەر.
نىياز ئېردىڭ مۇھەممەدلىك مۇھەببەت بوستانىغە،
تەرەبدىن رۇھى رەيھانلار ھەزىن فەريادلىق ئەيلەر.
خېجىل لۇتفى كەرامىڭدىن كۆزى نەززارە ئىسمائىل،
سۆزى فەيزى تەجەللىدۇر ئۇمەم مۇنقادلىق ئەيلەر.
3
ئەي سەفھە رۇخسارىڭ ئېرۇر دەھر ئىچرە مېھىر ئافتاب،
سالمىش خىجالەت سارىدىن ھەر كېچە باشىغە نىقاب.
نەززارەئى خۇرشىدغە باقماققە يوقدۇر تاقەتى،
رۇھى رەۋاندەك تىتىرەشۇر بۇرجى مەدارىج ماھىتاب.
رەئىيىڭ سەۋاب ئولسۇن قەۋم تەبلىغ رەئبى مۇستەقىم،
خۇلقىڭ بەسى زىيبا ئەزىم تەلئەت قەمەر ھۆسنۇ سەۋاب.
كەۋكەب رەفېئ ئەفزۇن تەرەب شايەستە بول فەۋقەششەرەف،
مۇكرەم زەۋى ئىززەت تەرەف ۋەللاھۇ ئەئلەم بىسەۋاب.
سەييارىلەر بولسۇن فەراھ سابىت سەبىھ قارى سەراھ،
تا بولغۇچە ھەيھەل سەلاھ پەيكى ئەمىن ئەمنۇ كىتاب.
بولسام كەرەك نەزرەت ۋۇجۇھ نەززارەغە ئەينى سۇجۇھ،
ئۇل ۋەقتىدە خۇررەم بولۇپ دېسەم بۇدۇر فەرخۇندە باب.
ئەبۋاب لۇتف ئامىزمەن ئەرباب قۇدۇس ئارىزمەن،
ئەھباب خۇش مەھمىزمەن تىيرى كەمان فەلكۇلھىجاب.
ئىسمائىل ئۇل كۈندىن كۆرۈپ ئېردى نىگىن رەنگى ۋۇجۇھ،
سالدى بۇ كۈن بەرگى سەمەن ئۈزرە سەنەۋبەردىن نىقاب.
ئەييامى ئۆمرۇڭ شاد بول بىغەم سەلىم ئاباد بول،
ئىسلام ئەرا ئاماد بول فەتھۇ زەفەر نۇسرەت شىھاب.
4
ئەي قاراغىڭ ئايەتى رۇخسارىڭ ئىلە خۇش سىياق،
ئۆرگەتۇر مۈھسىن كەرەم رەئيات ئېھسان ئىتتىفاق.
مەشق ئېتەردە قامەتىڭ تەقۋىيمىنى مۈشكىن رەقەم،
ئەھسەنى سەفھەلجەمىل تەرزىلە تەرتىب ئىشتىياق.
شەۋقىڭ ئانداغكىم بۇراق سەيياھلەرى رەفرەف كەبى،
ئەنجۈمى تارەم سىپەھر سەيرىغە ئەيلەب ھەم سەباق.
تۇردى سىنائ قۇشلەرى فەرۋاز ئېتەرگە تەلپۈنۇر،
تۇرغەلى دارىلقەرار ئىسلام ئېلىلە بىر تەباق.
مۇرغى زەررىن ئەندەلىبى بۇلبۇل بىلە مېھىرلىك،
قۇللەئى دىۋان خىتامى زور زەردىن ياخشىراق.
ياغدۇرۇر فەيزىڭ رەۋاھى لۇتىفلىغ بارانىدىن،
مىڭ سەلام فەزلى بەھاران سارى يۈزنىڭ شەۋقراق.
بول سەلامەت ئەسىر بىرلە دەھر تا بولسە بەھىج،
ئۆمرۈڭ ئۆتسۇن ئەھلى بەيتىڭ سۆزلەرىدەك كۆز قۇلاق.
دۇررى مەكنۇن تىب مەۋزۇن سەندىن ئىستەرىم سەبىھ،
بەھرى مەمنۇن كۈنلەرىدە كېچە يەڭلىغ بولسە ساق.
شۈكرى لىللاھ ھەق تابارەك قويدى مۇئمىن مۇستەقىر،
ئەھلى سۈننەت فىرقە ناجى مىللەت ئەفۋاجى رەۋاق.
ئەھدى «تاھا›› مەھدى «ياسىن›› خزىر ئىلياس پەيكەرىڭ،
سۆھبەت ئانداغ فەيزىلىغ فەزلىڭ فەراۋان خور بولاق.
ناز تەلئەتلىك نەۋازىڭ ئەتمىش ئەفلاكنى تەراز،
رەسمىڭ ئېھسانلىغ كەرەم جۇدىنى ئەيلەرسەن بۇراق.
تۇردى ئىسمائىل يولۇڭدە مۇنتەزىر نەززارەلىغ،
مەجىد تەلئەتلىك مۈجەللى لۇتفىدىن سۆزلەر ۋەراق.
huxhuy:
پىقىر مۇھەممەد كامال خۇشخۇي ساقال مەيدىگە چۈشكەندە بلوگگىرلىققا ھەۋەس قىلىپ قالغان بوۋايمەن.تور خاتىرەمدىكى بىرەر تېما سىزگە ياقسا ئەجرىمدىن سۆيۈنىمەن.ئەمما ئىككى كەلىمە باھا يېزىپ قويسىڭىز ئالەم مېنىڭ بولىدۇ.
يېڭى يازمىلار
دۇنياغا داڭلىق بالا تەربىيەلەش ئۇسۇللىرى
1. بالىلارغا يېتەرلىك ئوينايدىغان ۋاقىت بېرىش، تۇرمۇشىنى بەك زىچ ئورۇنلاشتۇرۇۋەتمەسلىك
ئامېرىكا بالىلا...
بىر ياش يازغۇچىغا
دېنىلو كىس (سىربىيە، 1935-1989)
مەردان ئەھەتئېلى تەرجىمىسى
ئۆزۈڭدە ئاساسىي ئېقىمغا ۋە ھۆكۈمرانلارغا بولغان گۇمان يېتىشتۈر.
ھۆ...
ئىجارە ئۆي
مۇھەممەد كامال خۇشخۇي
پەشتاقلىرى ئون تۆت بۆلۈنمە،
ھەر بۆلۈنمە يىغلايدۇ ئۆكسۈپ.
خوجايىنغا رەڭسىز كۆرۈنمە،
كۆرۈندىڭمۇ؟سەن ئاڭا مەنسۈپ...
كىتاب ئوقۇشنىڭ ئادەم بەدىنىگە يەتتە تۈرلۈك پايدىسى بار
ئۇزۇندىن بېرى كىتاب ئوقۇپ باقمىدىڭىز شۇنداقمۇ؟ كومپيۇتېر ۋە تېلفۇندا مىكرو بىلوگ يېڭىلاپ،...
كىتاب ئوقۇمايدىغان مىللەتتە ئۈمىد يوق!
مەزكۇر يازما2014 -يىلى2-ئاينىڭ17-كۈنى يېزىلىپ تور ۋە سالونلارغا تورداشلار تەرىپىدىن يوللانغان
...
تەۋسىيە (1)
ئىنكاسلار
ئىستاتىستىكا
- يازما سانى: 530 پارچە
- باھا سانى: 90 پارچە
- تۈر سانى: 6 پارچە
- خەتكۈش سانى: 24 پارچە
- قۇرۇلغان ۋاقىت:
- تور بېكەت ئېچىلغىلى 16526 كۈن بولدى
- يېڭىلانغان ۋاقتى: 2015-03-25
خەتكۈشلەر
تەۋسىيە (2)