شىنجاڭدىكى بىرىنچى ناۋاي

ئوسمان مەمەت، باي ناھىيە قۇتاد شەھەرچىسى ئەل ھۇزۇر ناۋاي دۇكىننىڭ ئۇستىسى بۇلۇپ،ناۋايلىق ھۈنىردە شىنجاڭ بۇيچە بىرىنچى ئىكەن.

ئوسمان مەمەتنىڭ ئايلىق مۇئاشى 9000 يۈئەنگە يىتىدىكەن،ئۇندىن باشقا دەرس سۆزلەپمۇ كىرىم قىلدىكەن.قەشقەر،خوتەن،قۇمۇل قاتارلىق جايلاردىكى ناۋاي تەربىيلەش مەكتەپلىرى،ناۋايلىق دۇكانلىرى ئۇنىڭ نامىنى ئاڭلاپ،ئۇنى دەرس سۆزلەپ بىرىشكە،ناۋايلىق ھۈنىرىنى ئۈگىتىپ قۇيۇشقا تەكلىپ قىلدىكەن. ئۇنىڭ دەر سۆزلەشتىكى تەمىناتى ناھيىتى يۇقىرى بۇلۇپ،تەكلىپ قىلغاندا ئالدىن كىلىشىپ قۇيۇپ،مەخسۇس ماشىنا بىلەن ئاپىرىپ-ئەكىپ قۇيىدىكەن،بېرىپ كىلىشكە ئادەتتە بىر ھەپتە كىتىدىغان بۇلۇپ،دەرس سۆزلەش ھەققى 3000 يۈئەن ئىكەن.

ئوسمان مەمەتنىڭ 2012-يىلدىن باشلاپ رەسمى نامى چىقىشقا باشلاپتۇ،2012-يىلى 20-ماي ئىككىنچى نۆۋەتلىك جۇڭگۇ مۇسۇلمانچە ئېسىل يىمەكلىكلەر بايرىمى،يەنى ئۈرۈمچى ئالاھىدە يىمەك-ئىچمەك مەسھۇلاتلار كۆرگەزمىسىدە، ئوسمان مەمەت ياققان ‹‹قەدىر نانلىلىر››شىنجاڭ بۇيچە نان كۆرگەزمىسىنىڭ چىمپىيۇنلىققا ئىرىشىپتۇ.

ئوسمان مەمەت، تىگى-تەكتىدىن باي ناھىيىسىدىن بۇلۇپ، بۇيىل 54 ياش،ئاق كۆڭۈل،ساددا،كەمتەر ۋە خۇش پىئېل ئادەم. ئوسمان مەمەت 17 يېشىدىن باشلاپ ئۇستىسىغا ئەگشىپ ناۋايلىقنى ئۈگەنگەن ئىكەن. ئوسمان مەمەتنىڭ ئۇستىسى ئەينى ۋاقىتتا بايدىكى ئۇستا ناۋاي بۇلۇپ،1963-يىلى ماۋجۇشىغا سوۋغا قىلغان ناننى مۇشۇ ئادەم ياققان ئىكەن. ئۇسمان مەمەت  تىرىشچان،جاپادىن قورقمايدىغان بولغاچقا،ئۇستىسى ئۇنىڭغا ئامراق بۇلۇپ،ناۋايلىق ھۈنىرنىڭ بىرىنىمۇ قويماي ئوسمان مەمەتكە ئۈگۈتۈپ قۇيۇپتۇ. ئوسمان مەمەت ئوخشاش بولمىغان 23 خىل نان ياقالايدىكەن،قەدىر نانلىرى،خاسىڭ نان،كۈنجۈت نان،گازىر نان،ئاق نان،تۇخۇم سۈت نان،ئەل ھۇزۇر ئالاھىدە نانلىرى......، ئۇ ياققان نانلار شەكىل،رەڭ،خۇش پۇراق،تەم قاتارلىقلارنى بىردەك ئۆزىگە مۇجەسسەم قىلغان بۇلۇپ تەمى ئۆزگىچە، ئوسمام مەمەت ياققان ناننى يىسىڭىز بىرخىل بەخىت تۇيغۇسىغا چۆكمەي قالمايسىز.
(ناھىيىلىك تەشۋىقات مەركىزىدىن شېڭ ۋېنجىيۇ)

ياخشى   ناۋاي  ئۇستام

دىمىسىمۇ باينىڭ نانلىرى بەك تەملىك.

ئوسمان ئاكىمىزنىڭ قوللىرىغا بەركەت ياغسۇن. بۇ ئۇستام مېنىڭ قوشنام بولىدۇ.

مەن مۇشۇ باي ناھىيسىدە تۇغۇلۇپ چوڭ بولغان تۇرۇپمۇ بۇ داڭلىق ناۋاي ئاكىمىزنى بىلمەي يۈرىپتىمەن دىسە ؛  ئاشۇ ئېسىل نېنىنى بىر يەپ باقايچۇ ؛

سودىسىنىڭ تېخمۇ يۈرشىشىنى ئۈمۈد قىلمەن

ئوسمان مەمەت  ئېلگىرى باي ناھيە  1- ئوتۇرا مەكتەپتە ئوقۇغۇچىللارغا ئاشپەزلىك ۋە ناۋايلىق قىلغان ئوسمان مەمەتكە ھەجەپ ئوخشايدىكەن ، سىز شۇمۇ يا ئوسمىنىكوي  .

مەن سۈرەتتىكى بۇ ئۇستامنى ۋە ئاۋۇ ئادەم بويى  چوڭلۇقتىكى گۈل چىقىرىپ ، تۈجۈپلەپ پىشۇرۇلغان نانلارنى  كۆرۈپ، تۇيۇقسىز 80-يىلاردىكى تولۇق .ئوتتۇرا مەكتەپ ئوقۇغۇچىلىق ھاياتىمدا بىزگە دائىم ئاچچىق خېمىرتۇرۇچ تەمى بار، تاسمىدەك پېتىر نان يېقىپ بېرىپ ئاشقازىنىمىز ۋە ئىشتىھايىمىزنى ئاجايىپ سازلىۋەتكەن ئوسمان ناۋاينى ئەسكە ئالدىم. بۇ ئىككى ئادەمنىڭ چىرايى ۋە ئىسمى نېمە دېگەن  تونۇش ھە.
بەلكىم شان-شەرەپ، مۇۋاپىقىيەت دېگەن شۇنداق تەجرىبە ئەمىلىيىتىدىن كەلسە كېرەك. لېكىن نېمىلا بولمىسۇن مەنمۇ باشقا تورداشلارغا ئوخشاش ئوسمىنىكامنىڭ بۇ كاتتا مۇۋاپىقىيىتىگە ھەرقاچان چوڭقۇر ئىپتىخارلىق ئالقىشلىرىمنى ياڭرىتىمەن.

ئەلشىر يوللىغان ۋاقتى  2014-6-21 00:43
ئوسمان مەمەت  ئېلگىرى باي ناھيە  1- ئوتۇرا مەكتەپتە ئوقۇ ...

دەل ئۈزى شۇ