بايلىق ئەدىبلەرنىڭ ئەسەرلىرى بىرلەشمە توپلامدا

ئەرچىن

	بايلىق ئەدىبلەرنىڭ ئەسەرلىرى بىرلەشمە توپلامدا «ئاقسۇ ئەدەبىياتى» ژۇرنىلى نەشر قىلىنغانلىقىنىڭ 30 يىللىقىنى خاتىرىلەش مۇناسىۋىتى بىلەن تۈزۈلگەن ئىككى مەخسۇس ئەدەبىي توپلام شىنجاڭ خەلق نەشرىياتى تەرىپىدىن  نەشر قىلىنىپ، يېقىندا تارقىتىلدى. بۇ توپلامنى ئاقسۇ ۋىلايەتلىك ئەدەبىيات-سەنئەتچىلەر بىرلەشمىسى نەشرگە تەييارلىغان بولۇپ، ھېكايە-نەسرلەر توپلامى «تارىمدىكى ئاي» نامىدا، شېئىرلار توپلامى «تەكلىماكان چېچەكلىرى»  نامىدا بولۇپ، ئاقسۇ ئەدەبىياتىدا ئەسەر ئېلان قىلىدىغان ئاپتورلارنى ئاساس قىلىپ تۈزۈلگەن. ھېكايە-نەسرلەر توپلامى «تارىمدىكى ئاي» غا  باي ناھىيەمىزدىكى ئاپتورلاردىن:  قۇربان ئەلى، پەرھات كېرەم، يۈسۈپجان ئەرشىدىن، ھۈسەنجان قۇربان قاتارلىق 4 كىشىنىڭ ئەسەرلىرى كىرگۈزۈلگەن. شېئىرلار توپلامى «تەكلىماكان چېچەكلىرى» گە روزى ھاپىز، ئۆمەر سابىت،  روزى ھەمەر، زوردۇن ئىمىر، شىرئەلى مۇھەممەت ھەغدائىى، بۇۋىھەجەر ئەرمىيا ئېلى، تۇرسۇن زۇمۇدۇن، تۇردى نىياز كۇۋا، ئىلھام ئۆمەر، قۇربان مولنىياز، قەھرىمان روزى ئەرچىن، روشەنگۈل تۇنىياز، ئەنۋەر مۇھەممەت ئەرتۇغ، تۇنىياز ھېيت سەرئالىپ،  ئېلى نىياز دەرمانى، تۇرسۇنگۈل مۇھەممەت، توختى تۇرسۇن مۇزارت، يۈسۈپجان ئەرشىدىن، ئايشەمگۈل زارى قاتارلىق 19 كىشىنىڭ شېئىرلىرى كىرگۈزۈلگەن. توپلامغا 2008-، 2009-يىلى ئەسەر توپلانغان بولۇپ، باي ناھىيەسىدىكى ئەسەر يىغقۇچى كىشىگە ئىشىنىپ، ئاكتىپلىق بىلەن ئەسەر بەرگەنلەرنىڭ ئەسەرلىرى تولۇق كىرگۈزۈلگەن.[/size]

ئەتىرگۈل

	ناھىيىمىز دىكى قەلەمكەشلەرنىڭ ئىشلرىغا ئۇتۇق تىلەيمەن

ئالىيە

	ھەقىقەتەن ياخشى ئىش بوپتۇ.بولسا ناھىيىمىزدىكى ئەدىپلىرمىزنىڭ ئەسەرلىرى پۈتۈن شىنجاڭغا تۇنۇلغۇسى..... ھۆرمەتكە سازاۋەر بۇ ئەدىپلىرمىزنىڭ قەلمىگە بەركەت تىلەيمەن....

نەزەر

	مۇبارەك بولسۇن ! خەۋەرسىز قالمىغان بولسام مەنمۇ ئەسەر بېرەتتىمكەن . . .

ئەرچىن

	نەزەر قاتارلىق ئاپتورلارغا چۈشەنچە: 2008- يىلى بايدا خانتەڭرى ئەدەبىيات مۇكاپاتى  يىغىنى  ئېچىلغان ۋاقىتتا شۇ يىغىندا بار ھەممە ئاپتورلارغا خەۋەر قىلىنغان، ۋە بىر-بىرىنى خەۋەرلەندۈرۈپ قويۇش ئۇقتۇرۇلغان بولسىمۇ، خېلى جىق كىشىلەر خەۋەرسىز قېلىش، ۋە خەۋەر تاپسىمۇ مەنسىتمەسلىك، ۋاكالىتەن ئەسەر يىغقۇچىغا ئىشەنمەسلىك، ياكى توپلام چىقىپ بولغاندا  ھەق يىغىلىپ قېلىشتىن ئۆزىنى قاچۇرۇش...قاتارلىق ئوبيكتىپ سەۋەبلەر تۈپەيلىدىن، بۇ توپلامدىن ئايرىلىپ قالدى. بولمىسا ئەدىبلەر ھەر ئايدا يىغىلىش قىلىدىغان ۋاقىتلاردىمۇ بۇ ھەقتىكى ئۇچۇرلار ھەر بىر قېتىمدا  يەتكۈزۈلگەن. بۇ توپلاملا ئەمەس، بۇ قېتىم ناھىيەمىزدە «ۋەنباڭ شىركىتى» مەبلەغ سېلىپ نەشر قىلىنغان خەنزۇچە نەسرلەر توپلامىغىمۇم مەدەنىيەت تەزكىرىسىگىمۇ  ئەسەر، ۋە تەرجىمىسال  بەرمەي قويدى.(مەدەنىيەت تەزكىرىسىگە قەھرىمان روزى ئەرچىن خېلى جىق ئاپتورلارنىڭ تەرجىمىھالىنى كېچىلىرىنى ئۇيقۇسىنى قويۇپ ئۆزى بىلگەن دائىرىدە تەرجىمىھال تەييارلاپ بەردى)  شۇنىڭ بىلەن ئاز بىر قىسىم ئۇيغۇر ئاپتورلارنىڭلا ئەسەرلىرى كىرگۈزۈلگەن.  بۇ توپلام پات ئارىدا باسمىدىن چىقىپ تارقىتىلىدۇ. يەنە شۇ شىركەت مەبلەغ سېلىپ چىقارماقچى بولغان شېئىرلار توپلامىغا ئەسەر يىغىلىۋاتقان بولسىمۇ، ئەسەر بەرگەن كىشىلەر يوقنىڭ ھېسابىدا. يەنە بۇ قېتىم «جىجياڭ لوڭقىسى» ئەسەرلەر مۇسابىقىسىگە ئەسەر قاتناشتۇرۇش ئېلىپ بېرىلىۋاتقان بولسىمۇ،  بۇ ئىشقىمۇ سۇسلۇق قىلىۋاتىمىز. مۇشۇنداق بىرەر پايدىلىق پۇرسەتنى ئۆتكۈزىۋەتمەيلى دوستلار!

ئەرچىن

	خەنزۇچە شېئىرلار توپلامىغا، ۋە «جىجياڭ لوڭقىسى» ئەسەرلەر مۇسابىقىسىگە ئەسەر قاتناشتۇرۇش ئويىدا بولغانلار قۇربان مولنىياز بىلەن ئالاقە قىلغاي! تېلېفون نومۇرى:13779743107

ئەرتۇغ

	ئىسمىمنىڭ دىيارىمىزدىكى قەلەمكەشلەر قاتارىدا«تەكلىماكان چېچەكلىرى»ناملىق توپلامدىن ئورۇن ئالالىغانلىقىدىن قەۋەت خوش بولدۇم. ئەرچىن ئەپەندىنىڭ خالىس ياردىمىگە رەھمەت! بۇ توپلام بىلەن پاتراق يۈز كۆرۈشۈش ئۈچۈن كىم بىلەن ئالاقىلاشساق بولار، ئۇچۇر بېرەلەرسىزمۇ؟

چوغلان

	ۋاھ  بۇ بىر  ئالاھدە خوش -خەۋەركەن ،  بولسا  ناھىيمىزدە مۇشۇنداق يازغۇچىلار كۆپلەپ چىقسا ،  ناھيىمىزگە شەرەپ كەلتۈرگەن  ،يازغۇچىلىرمىزغا  كۆپ تەششەككۈر ، قوللۇرۇڭلارغا  دەت كەلمىسۇن ، ئاللا ئىشلىرىڭلارنى  ئۇڭۇشلۇق قىلسۇن ،

چوغلان

	ۋاھ  بۇ بىر  ئالاھدە خوش -خەۋەركەن ،  بولسا  ناھىيمىزدە مۇشۇنداق يازغۇچىلار كۆپلەپ چىقسا ،  ناھيىمىزگە شەرەپ كەلتۈرگەن  ،يازغۇچىلىرمىزغا  كۆپ تەششەككۈر ، قوللۇرۇڭلارغا  دەت كەلمىسۇن ، ئاللا ئىشلىرىڭلارنى  ئۇڭۇشلۇق قىلسۇن ،

ئاتامان

	بۇ ئىككى توپلامنى ئوقۇشقا ئالدىراۋاتىمەن. بۇرۇن بايلىق ئەدىپلەرنىڭ ئەسەرلىرى كىرگۈزۈلگەن‹‹غايىپ بولغان قەھىرمان››ناملىق بىر كىتابىنى ئوقۇغان ئىدىم