مەرىپەت بېغىدىكى ھارماس باغۋەن

قۇربان

	مەرىپەت بېغىدىكى ھارماس باغۋەن                             توختى گايىت خىزمەت ئۈستىدە         بارلىقىنى مائارىپ تەرەقىياتىغا بېغىشلاپ، كەلگۈسى ئەۋلاتلىرىنى تەربىيەلەشتىن ئىبارەت ئۇلۇغۋار نىشان بىلەن بىر ئۆمۈر يېزا مائارىپىدا ئۈن-تۈنسىز تۆھپە قۇشۇۋاتقان ئوت يۈرەك باغۋەنلىرىمىز ئاز ئەمەس. ئۇلارنىڭ جاپاغا چىداش روھى، بوشاشماس ئىرادىسى ۋە ئۆزىنى بېغىشلاشتىن ئىبارەت يۈكسەك پەزىلىتىنى تەرىپىلىمەي تۇرالمايمىز.  باي ناھىيە سايرام بازارلىق ئوتتۇرا مەكتىپىنىڭ پېشقەدەم ئوقۇتقۇچىسى توختى گايىت ئەنە شۇنداق ئوقۇتىۇچىلارنىڭ بىرى. ئۇ خىزمەتكە قاتناشقان 30 يىلدىن بۇيان بارلىقىنى يېزا مائارىپىغا بېغىشلاپ، ئاددىي خىزمەت ئورنىدا تۆھپە ياراتقان مۇنەۋۋەر باغۋەن .      توختى گايت 1982-يىلى ئۆزى تولۇقسىز ۋە تۇلۇق ئۇتتۇردا ئوقۇغان بۇ ئانا مەكتىپىگە ئوقۇتقۇچى بولۇپ، خىزمەتكە قاتناشقاندىن بۇيان ئۆز كەسپىنى قىزغىن سۆيۈپ، ئۆزىگە قاتتىق تەلەپ قويۇپ، ئوقۇتۇشنىڭ ئالدىنقى سېپىدە جاپالىق ئىشلەپ، پىشقان كەسىپ ئەھلىگە، كۆپكە ماھىر مائارىپچىغا ئايلىنىپ، ئوقۇتقۇچى-ئوقۇغۇچىلار ۋە جەمىيەتتىكى ھەر ساھە كىشلىرىنىڭ چەكسىز ھۆرمىتىگە سازاۋەر بولدى.       ئۇ ئوقۇتقۇچىلىق بىلەن شۇغۇلانغان 30 يىل جەريانىدا ئۇدا 25 يىل سىنىپ مۇدىرى بولۇپ ئىشلەپ، 1500 نەپەردىن كۆپرەك ئوقۇغۇچىنى ئۆز سىنىپىدا تەربىيەلىدى، يەنە تەخمىنەن 5000 دىن كۆپرەك ئوقۇغۇچىغا تىل-ئەدەبىيات ۋە باشقا پەنلەردىن دەرس ئۆتتى.   مەكتەپنى ئۆز ئائىلەم، ئوقۇغۇچىلارنى ئۆز پەرزەنتىم دەپ بىلىپ، يېزىدىكى دېھقان پەرزەنتلىرىنىڭ سەبىي قەلبىنى بىلىم بۇلىقىدا سۇغاردى، ئۇلارنى ۋەتەن، خەلق ئۈچۈن تۆھپە قۇشالايدىغان ياراملىق كىشىلەردىن قىلىپ يەربىيەلەش يولىدا توختىماي تەر ئاققۇزدى.        ئۇ ئۆزى ئوقۇ-ئوقۇتۇش، ئىجادىيەت پائالىيەتلىرى بىلەن شۇغۇلىنىپ، بەلگۈلىك نەتىجىلەرنى قولغا كەلتۈرگەندىن باشقا، مەكتەپتە 2-دەرسخانا پائىلىيىتىنى قانات يايدۇرۇپ، ئوقۇغۇچىلارنىڭ ئەتراپلىق تەرەققىي قىلىشى ئۈچۈن ياخشى مۇھىت يارىتىپ بەردى. بولۇپمۇ 2004-يىلدىن ھازىرغىچە بولغان توققۇز يىلدا مەكتەپتە ھەر مەۋسۈمدە بىر قېتىم ئەدەبىيات-سەنئەت كېچىلىكى، سەنئەت پائالىيىتى تەشكىللەپ، مەھمۇت قەشقىرى، موللامۇسا سايرامى، نىمشىھىت ئەرمىيائېلى سايرامىلار توغۇلغانلىقىنىڭ   خاتىرە كۈنى ۋە ئانا مەكتىپىنىڭ 50 يىللىق تويى قاتارلىق خاتىرە كۈن پائالىيتىنى ئېلىپ بېرىشقا بىۋاستە يېتەكچىلىك قىلدى ۋە 2002-يىلدىن باشلاپ مەكتەپ ئىچىدە «سايرام بۇلاقلىرى» ژورنىلىنى تەسىس قىلىپ، ژورنال چىقىرىپ، ئوقۇغۇچىلارنىڭ ئىجاتچانلىقىنى قوزغىدى. 2009-يىلى مەكتەپ، ناھىيە، يېزا رەھبەرلىرىگە تەكلىپ بىرىپ ھەم ئۇلارنىڭ قوللىشىنى قولغا كەلتۈرۈپ، موللا مۇسا سايرامى ۋە نىمشىھت ئەرمىيائېلى سايرامىنىڭ ھەيكىلىنى مەكتەپ قوروسى ئىچىگە قاتۇرۇلىشىدەك بۈيۈك ئىشنىڭ ۋۇجۇتقا چىقىشىغا تۈركە بولدى. ئۇ يوقارقىدەك نەتىجىلىرىگە ئاساسەن،كۆپ قېتىم مەكتەپ، يېزا، ناھىيە بويىچە «مۇنەۋۋەر ئوقۇتقۇچى»، «مۇنەۋۋەر سىنىپ مەسئۇلى»، «تىل-ئەدەبىيات ئوقۇتۇش ماھىرى»،‹‹ئىلغار خىزمەتچى››... بولۇپ تەقدىرلەندى.

ئەزىزى

	توختى گا يىت مۇئەللىم ھەقىقەتەن مۇنەۋۋەر ئوقۇتقۇچى بۇلۇشقا لايىق...

زەردار

	مللىتمىزنىڭ پەخىرى

چىۋەر

	مۇئەللىم،سىزگە سالامەتلىك ۋە ئۇتۇق تىلەيمەن

سايرامى

	توختى مۇئەللىم مىنىڭ خىزمەتدىشىم،شۇنداقلا  ئۇستازىم. 30 يىلدىن  بېرى توختى مۇئەللىم ھەققىي ئوقۇتقۇچىغا خاس سالاپەت،پەزىلەت،يۈكسەك مەسئۇلىيەتچانلىق بىلەن ئۈن-تىنسىز ھالدا  ئۆز يۇرتى بولغان سايرام ئوتتورا مەكتەپتكى ئاددى خىزمەت ئورنىدا  سانسىزلىغان قەلىبلەرگە ئىلىم-مەرپەت ئوتىنى يېقىپ ، تالاي شاگىرىتلارنى تەربىيلەپ يىتىشتۈردى، بۇ شۇنداق مۇئەللىم ئىدىكى، ئۇنىڭدا ئۆز مىللىتىگە ،يۇرتىغا نىسبەتەن ئاجايىپ كۈچلۈك بىر مۇھاببەت بار ئىدى. ئۇ قانداقتۇر كۆپلىگەن كىشلەردەك ئەپلەپ-سەپلەپ كۈن ئۆتكۈزۈشنى ،ئازغىنا مائاشنىڭ قۇلى بۇلۇپ قېلىشنى خالىمايتى. ئۇ ياش ئەۋلادلارنى غۇرۇرلۇق، غايىلىك،ئەخلاقلىق، ئۆز ئەجداتىلىرىغايۈزكىلەلەيدىغان، ياراملىق قىلىپ تەربىيلەشنى ئۆزىنىڭ ھايات نىشان قىلدى،ۋە 30يىللىق خىزمەت ئەملىيتىدە بۇ نىشانىنى يارقىن نامايەن قىلدى. ئۇنىڭ يۈرىكى ۋەتەن- مىللەت،يۇرىت دەپ سۇقاتتى ، ئۇ سايرامدا ياشىغانلىقى، سايراملىق بولغىندىن پەخىرلىندىغان ،  مەكتەپتە ئورنىتىلغان موللامۇسا سايرامى، نىمشېھىتلارنىڭ ھەيكىلىنىڭ ئالدىدىن ئۆتكەندە ئۆتكەندەئەجداتلار روھى ئۆزىنى ياش ئەۋلادلار ئۈچۈن مەڭگۈ ئۆچمەس مەشئەل بۇلۇپ يېنىشقا ئۈندەۋاتقاندەك قەلبدە بىر خىل جاۋابكارلىق ،بۇرىچ تۇيغۇسى ھىس قىلدىغان بىر مەسئۇلىيەتچان ئۇستاز ئىدى. ئۇ   ئۆز يۇرتىغا بولغان چەكسىز مۇھاببىتى،  كەسپىگە بولغان ئوتتەك ئىشتىياقى بىلەن تىل-ئەدەبىيات دەرسىنى ۋايىغا يەتكۈزۈپ ئۆتۈپ كەسىپداشلىرىغائۈلگە بۇلۇش بىلەن بىللە ئاكتىپلىك بىلەن  تۈرلۈك 2-دەرىسخانا ، ئەدەبىي-سەنئەت پائالىيەتلىرى، مىللىتمىزنىڭ جۈملىدىن پەخىرلىك يۇرىت سايرامنىڭ  پۈتكۈل ئۇيغۇر ئەھلىگە تۇنۇشلۇق مەرىپەت گىگانىتلىرنى خاتىرلەش پائالىيەتلىرىنى ئۇيۇشتۇرۇپ، ئوقۇغۇچىلار قەلبىگە ئۆزلۈك ۋە ئانا يۇرىتتىن پەخىرلىنىش تۇيغۇسى سىڭدۇرۇپ  ۋەئۇلارنىڭ  ئاتىلار ئىزىغا ۋارسلىق قىلىش ئىرادىسىنى كۈچەيتىپ  سايرامنى،جۈملىدىن مەكتىۋمىزنى ئەتراپقا تۇنۇتۇشتا كۆۋرۈكلۈك رول ئوينىدى، قانچىلغان كېچىلەرنى ئەۋلادلار،يۇرىت ئىشقىدا تاڭ ئۆتكۈزۋەتكەنلىكنى بىر ئۆزىلا بىلشى مۇمكىن. ئەلۋەتتە، توختى مۇئەللىم ئەجىرىگە لايىق كۆپلىگەن شان-شەرەپلەرگىمۇ ئېرىشتى. بۇ شۇنداق مۇئەللىم ئىدىكى : قىلغان خالىس  ئەمگەكلىرى ئۈچۈن ئەزەلدىن  باشقىلاردىن شان-شەرەپ ،ئەمەل-مەنسەپ،بىرەر تەغدىرنامە -مۇكاپات تەمە قىلمىدى.بەلكى،ھازىرغىچە  كەمتەر،سەممىي بۇلۇپ كىبىر تەمەننادىن خالى، ئاددى-ساددا  ھالتىنى ساقلاپ كەلدى. ئۇ ھازىرغىچە مەن گېزىت-ژورناللار،تېلۋۇزۇرلاردىن  كۈرۈپ ئەمەس،بەلكى، بىۋاستە ئۇچۇرشۇپ، بىللە خىزمەت قىلىش پۇرسىتىگە ئېرىشكەن ، قەلبىمدە ئەڭ ھۆرمەتلەيدىغان،ئۇستازلىق شەرپىگە ھەققىي نائىل بۇلۇشقا تىگىشلىك   مۇنەۋۋەر باغۋەن بۇلۇپ ھېساپلىندۇ.....

رۇستەم

	ئۆمرىڭىز ئوزۇن بولسۇن مۇئەللىم. مۇشۇ باھا سۈزى مۇناسىۋىتى بىلەن رەسمىڭىز بىلەن دىدارلاشقانلىقىمغا كۆپتىن-كۆپ رەخمەت ئېيتىمەن.ھەم سىزدىن سالام سورىۋالاي.‹‹ئەسسالام ئوستاز..!سالامەت تۇردىڭىزمۇ؟››

سايران

	توختى گايىت مۇئەللىم ھەقىقى بىر خەلىق ئوقۇتقۇچىسغا  خاس مۇئەللىم .ئۇ كۆپ  يىللاردىن بۇيان تۈرلۈك خىزمەتلەرنى ياخشى ئىشلەپلا قالماستىن ،يەنە ياش ئوقۇتقۇچىلارنى تەربىيلەشكە ئىزچىل ئەھمىيەت بېرىپ كەلدى .توختى مۇئەللىمنڭ ئوزۇن ئۆمۈر كۈرۈشگە تىلەكداشمىز .

داۋان

	ئەزىز تەنلىرى ئامان بولسۇن. ئاللاھ خالسا تۇمەن مىڭ ياشغايلا.

قوزام

	ئۆمۈرىڭىز ئۇزۇن بۇلسۇن مۇئەللىم ، بۇنىدىن كېينكى خىزمەت مۇساپىڭىزگە تېخمۇ بەركەتلەر تىلەيمەن ! سىزنىڭ تۇلۇق ئوتتۇردىكى تۇنجى ئەدەبيات دەرس سائىتىدە ئۇتۈپ بەرگەن « بىلىم ئىشقدا » دېگەن دەرسىڭىز قەتئى ئېمسدىن چىقمايدۇ . سىز ئۇ دەرسىنى دۇتتار بىلەن ناخشا شەكىلدە ئۆتۈپ بەرگەن ئىدىڭىز ئەمەسمۇ ؟؟؟؟ ئەزىز تېنىڭز سالامەت بولسۇن !!!

مەرگەن2

	ئەسسالام ئۇستاز  يۇقارقى خەۋەرنى كۆرۈپ بەك خوش بولدۇم..ئەزىز تەنلىرى ئامان بولغاي