ياتۇردا ل. مۇتەللىپ تەۋەللۇتىنىڭ 90يىللىقىنى خاتىرەلەش...

ئەرچىن

	باي ناھىيەلىك ياتۇر يېزا ئوتتۇرا مەكتەپنىڭ‹‹ۋەتەنپەرۋەر ئوت يۈرەك شائىر لۇتپۇللا مۇتەللىپ تەۋەللۇتىنىڭ 90يىللىقىنى خاتىرلەش ئەدەبىيات-سەنئەت پائالىيىتى ››ئۆتكۈزۈلدى    2012-يىل 11-ئاينىڭ 16-كۈنى باي ناھىيە ياتۇر يېزىلىق ئوتتۇرا مەكتەپ  ۋەتەنپەرۋەر ئوت يۈرەك شائىر لۇتپۇللا مۇتەللىپ تەۋەللۇتىنىڭ 90يىللىقىنى خاتىرلەش ئەدەبىيات-سەنئەت پائالىيىتى ئۆتكۈزدى.پائالىيەت يېرىم كۈن داۋاملاشتى. تىل-ئەدەبىيات ۋە سەنئەت ئوقۇتۇش گۇرۇپپىسىدىكى ئوقۇتقۇچىلار ، تىل-ئەدەبىيات ۋە سەنئەت كۇرژىكىدىكى ئوقۇغۇچىلار پۇختا تەييارلىق قىلىش ئارقىلىق بۇ قېتىمقى پائالىيەتنىڭ ئەھمىيەتلىك، ياخشى ئېلىپ بېرىلىشنى ئىشقا ئاشۇردى. پائالىيەت لۇتپۇللا مۇتەللىپنىڭ ھاياتى ۋە ئىجادىي پائالىيىتىنى تونۇشتۇرۇش، لۇتپۇللا مۇتەللىپكە بېغىشلانغان خورئېيتىش، نۇتۇق سۆزلەش، نەسىر ، شىئېر دىكلىماتسىيە قىلىش، لۇتپۇللا مۇتەللىپنىڭ شىئېرلىرىنى دېكلىماتسىيە قىلىش، لۇتپۇللا مۇتەللىپنىڭ ھاياتى ۋە ئىجادىي پائالىيىتىگە دائىر بىلىملەردىن زېھىن سىناش ئېلىپ بېرىش ، تەشۋىقات دوسكىسى ئىشلەپ ھۆسنىخەت ، گۈزەل سەنئەت ئەسەرلىرىنى كۆرگەزمە قىلىش قاتارلىق شەكىللەر ئارقىلىق داغدۇغىلىق ھالدا قىزغىن، جۇشقۇن كەيپىيات ئىچىدە ئېلىپ بېرىلدى. ئوقۇتقۇچى ،ئوقۇغۇچىلار لۇتپۇللا مۇتەللىپ تەۋەللۇتىنىڭ 90يىللىقنى خاتىرلەپ   8 پارچە شىئېر،   5 پارچە نەسىر،   10پارچە  ھۆسنىخەت ئەسىرى ،    15پارچە  گۈزەل سەنئەت ئەسىرى ،   8  پارچە ماقالە   ئىجاد قىلدى. بۇ قېتىمقى پائالىيەت تىل-ئەدەبىيات ، سەنئەت دەرس بايلىقىنى ئېچىش ، ئوقۇغۇچىلارغا ۋەتەنپەرۋەرلىك تەربىيەسى بېرىش جەھەتتە كۆزلىگەن ئۆنۈمگە ئېرىشتى. ئوقۇتقۇچى پولات ئىمىرنىياز ئانا تىل پائالىيەتكە رىياسەتچىلىك قىلماقتا. تىل-ئەدەبىيات ئوقۇتۇش گۇرۇپپىسىدىكى ئوقۇتقۇچىلار لۇتپۇللا مۇتەللىپنىڭ ‹‹ياشلىق ئۆگەن ››دېگەن شىئېرىنى دېكلىماتسىيە قىلماقتا. مەكتەپ مۇدىرى ئەمەت دانىش ئەپەندى لۇتپۇللا مۇتەللىپنىڭ ‹‹يىللارغا جاۋاب››، ‹‹جۇڭگو››دېگەن شىئېرلىرىنى دېكلىماتسىيە قىلماقتا. ئوقۇتقۇچى پولات ئىمىرنىياز ئانا تىلنىڭ ھۆسنىخەت ئەسەرلىرى كۆرگەزمە قىلىندى. سەنئەت كۇرژىكىدىكى ئوقۇغۇچىلارنىڭ لۇتپۇللا مۇتەللىپنى سېغىنىپ ئىجاد قىلغان ھۆسنىخەت ،گۈزەل سەنئەت ئەسەرلىرى كۆرگەزمە قىلىندى. مەكتەپ سەنئەت كۇرژىكىدىكى ئوقۇغۇچىلار ۋەتەنپەرۋەر شائىر لۇتپۇللا مۇتەللىپنى سېغىنىپ خور ئېيتماقتا. ئوقۇتقۇچى ئابلا يۈسۈپ نۇرلان <<يۈرەكلەردە قەبرەڭ شائىرىم >>دېگەن تېمىدا نۇتۇق سۆزلىمەكتە. مەكتەپنىڭ كۈندىلىك دائىمىي ئىشلارغا مەسئۇل مۇئاۋىن مەكتەپ مۇدىرى ، يازغۇچى پەرھات كېرىم ئەپەندى لۇتپۇللا مۇتەللىپنىڭ ھاياتى ۋە ئىجادىي پائالىيىتىگە ئائىت ئەڭ يېڭى تەتقىقات ئۇچۇرلىرىنى يەتكۈزمەكتە. ئوقۇتقۇچى نۇرگۈل سەپەر لۇتپۇللا مۇتەللىپنىڭ ‹‹شائىر ھەققىدە مۇۋەششەھ››ناملىق  شىئېرنى دېكلىماتسىيە قىلماقتا. ئوقۇتقۇچى پولات ئىمىرنىياز ئانا تىل ‹‹ شائىر قەبرىسىنى قۇچاقلاپ ››ناملىق نەسىرىنى دېكلىماتسىيە قىلماقتا.     ئوقۇغۇچى  گۈلنەزەر لۇتپۇللا مۇتەللىپنىڭ‹‹بۇ مېنىڭ ياش غۇنچە گۈلۈم ئېچىلاتتى››ناملىق شىئېرنى دېكلىماتسىيە قىلماقتا.                            ئوقۇغۇچى مونىرە شائىرغا بېغىشلاپ يازغان شىئېرىنى ئوقۇماقتا.    ئوقۇغۇچى نۇربىيە ‹‹ل.مۇتەللىپكە مەدھىيە ››ناملىق شىئېرىنى ئوقۇماقتا. ئوقۇغۇچى گۈلمېرە شىئېر دېكلىماتسىيە قىلماقتا. ئوقۇغۇچىلار زېھىن سىناش سۇئاللىرىغا جاۋاب بەرمەكتە. بۇ قېتىمقى پائالىيەتتە نەتىجىسى گەۋدىلىك بولغان 53نەپەر ئوقۇغۇچى 1-،2-،3-دەرىجە بويىچە مۇكاپاتلاندى. بۇ قېتىمقى پائالىيەتتە ئاكتىپ كۈچ چىقارغان 8نەپەر ئوقۇتقۇچى ئۈچ دەرىجە بويىچە مۇكاپاتلاندى. پائالىيەت ئاخىرىدا ئوقۇتقۇچى، ئوقۇغۇچىلارنى ۋەتەنپەرۋەر ئوت يۈرەك شائىرنىڭ ئىنقىلابىي كۈرەشچانلىق روھى، مەنىۋىي بايلىق يارىتىپ ۋە كۆپ تىللىق بولۇپ ، كۆپ خىل ئىقتىدار يېتىلدۈرۈپ ئىجاد ، مېھنەت ئارقىلىق ئەبەدىيلىك مەنىۋىي ھەيكەل تىكلىگەنلىكىدەك ئىقتىدار ۋە پەزىلىتىنى ئۆرنەك قىلىپ ، يۇرتىمىزنىڭ ھالقىما تەرەققىياتىنى ئىشقا ئاشۇرۇش ۋە ئەبەدىي ئەمىنلىكىنى ساقلاشقا ئىلھاملاندۇرۇلدى. پائالىيەت ئاخىرىدا بۇ مەۋسۈم ئىچىدە ئوقۇتقۇچى ، ئوقۇغۇچىلار لۇتپۇللا مۇتەللىپكە ئائىت ئەسەرلەرنى ئوقۇش يەنى : يازغۇچى ئابدۇللا تالىپنىڭ ‹‹قاينام ئۆركىشى››رومانى يازغۇچى ئەيسا يۈسۈپنىڭ‹‹ئاقسۇدا 1945-يىل›› مومىن مۇھەممىدىنىڭ‹‹شاۋقۇن›› رومانى لۇتپۇللاشۇناش، تەتقىقاتچى تۇرسۇن ئەرشىدىن ئەپەندىنىڭ ‹‹لۇتۇن››، ‹‹لۇتپۇللا مۇتەللىپ››، ‹‹لۇتپۇللا مۇتەللىپ ۋە ئۇنىڭ كەچۈرمىشلىرى›› ، ‹‹ل.مۇتەللىپ ››دىگەن ئەسەرلىرىنى ئوقۇش. لۇتپۇللا مۇتەللىپنىڭ نەشىرگە تەييالانغان ئەسەرلىرىدىن ‹‹يىىللارغا جاۋاب››، ‹‹ل.مۇتەللىپ ئەسەرلىرى››، ‹‹لۇتپۇللا مۇتەللىپ ئەسەرلىرى››  ناملىق كىتابلىرىنى ئوقۇش ھەمدە ‹‹ياشلىق ئۆگەن ›› ، ‹‹يىللارغا جاۋاب›› ناملىق شىئېرلىرىنى يادلاش ئورۇنلاشتۇرۇلدى. سۈرەت ۋە ئۇچۇرلارنى تەمەنلىگۈچى: باي ناھىيە ياتۇر يېزىلىق ئوتتۇرا مەكتەپتىن ئابلا يۈسۈپ نۇرلان 2012-يىل 11-ئاينىڭ 16-كۈنى تورغا شۇ پېتى يوللىغۇچى: قەھرىمان روزى ئەرچىن (ئىملاسىدا چاتاق بار بولسىمۇ، ئۆز پېتى يوللاندى،  يوللىغۇچى قەھرىمان روزى ئەرچىن  تېما ئىگىسى ئابلا مۇئەللىمنىڭ بۇنىڭدىن كېيىن ئىملاغا دىققەت قىلىشنى تەۋسىيە قىلىدۇ.)

تۇر

	ياخشى خەۋەر بوپتۇ، ياتۇر يېزا مائارىپ سېستىمىسىنىڭ ئۇچۇرلىرىنى كۆپرەك يوللىشىڭلارنى ئۈمۈت قىلىمەن.

ئابلا

	ياخشى تېما يوللاپسىز، بۇندىن كىيىنمۇ  مائارىپ سېستىمىسىنڭ خەۋەرلىرى كۆپرەك يوللىشىڭىزنى ئۈمۈت قىلىمەن،ھارمىغايسىز.

نەئىمە

	ئەينى چاغدا باشلانغۇچتا ئوقۇغان مەزگىلىمدىمۇ ل.مۇتەللىپ تۇغۇلغانلىقىنىڭ 80 يىللىق خاتىرە پائالىيتى ئۆتكۈزۈلگەن ئىدى،،،،،،رىياسەتچىلىكنى ئوخشاشلا پولات مۇئەللىم قىلغانمەنمۇ شۇ چاغدا تۇنجى ئەسىرىمنى يېزىشقا مۇۋەپپەق بولغان ئىدىم،،،،مۇشۇ خىل پائالىيەتلەر كۆپرەك ئۆتكۈزۈلۈپ تۇرسىكەن دەيمەن.

ئەرچىن

	نۇرگۈل سەپەر قىزىل چەينەك مۇكاپات ئاپتۇ.

تۇر

	بۇ خەۋەرنى ئاقسۇ مائارىپ ئنسىتوتىدا كۆرۈپ ناھايىتى خوشال بولدۇم. ئابلاجان مۇئەللىم ياخشى ئۇچۇرلارنى كۆپرەك يوللاپ، ياتۇر يېزا مائارىپ سېستىمىسىنىڭ خەۋەرلىرىنى كەڭ تورداشلارغا سۇنىشىڭىزنى ئۈمۈت قىلىمەن.

تۇر

	پۇلات مۇئەللىمگە بىرىلگەن مۇكاپات ئاز بوپقاپتىمۇ نېمە؟ ئاران بىر چەينەك،