باي ناھىيەسىدىكى قەلەمكەشلەر نورۇزنى تەبرىكلىدى

sheyx

	باي ناھىيەسىدىكى قەلەمكەشلەر نورۇزنى تەبرىكلىدى         2012-يىل 3-ئاي (نورۇز ئېيى) نىڭ 21- كۈنى باي ناھىيەسىدىكى بىر قىسىم ياش قەلەمكەشلەر شائىر كامىل تۇنىياز تەشنايىنىڭ ساھىپخانلىقىدا، باي ناھىيە بازىرىدىكى «مەشرەپ رېستۇرانى» غا خوشال- خورام جەم بولۇپ، ئەنئەنىۋى بايرام-نورۇزنى قىزغىن تەبرىكلىدى. رېستۇران خوجايىنى ئەلى ھوشۇر ئەپەندى مېھمانلارغا نورۇز ئېشى بەردى. پائالىيەتتە ئالدى بىلەن باي ناھىيەلىك يازغۇچىلار جەمئىيىتىنىڭ رەئىسى، يازغۇچى قۇربان ئەلى نورۇزنى تەبرىكلەش پائالىيىتىنىڭ رېئال ئەھمىيىتىنى تونۇشتۇردى، ۋە ئاقسۇ ۋىلايەتلىك يازغۇچىلار جەمئىيىتىنىڭ 2- نۆۋەتلىك قۇرۇلتىيىنىڭ روھىنى يەتكۈزدى. باي ناھىيەلىك يازغۇچىلار جەمئىيىتىنىڭ مۇئاۋىن رەئىسى، باش كاتىپى قەھرىمان روزى ئەرچىن، ۋە باي ناھىيەلىك يازغۇچىلار جەمئىيىتىنىڭ مۇئاۋىن رەئىسى، يازغۇچى قۇربان مولنىياز تەبرىك پائالىيىتىگە قاتناشقان ئاپتورلارنىڭ ئومۇمىي ئىجادىيەت ئەھۋالىنى، ۋە يېقىنقى مەزگىلدىكى ئىجادىيەت ئەھۋالىنى تونۇشتۇردى. قەلەمكەشلەر ئەدەبىي ئەسەرلەر ۋە ئەدەبىي ئىجادىيەت جەھەتتتە كەڭ-كۇشادە پىكىرلەشتى. شۇنداقلا، نورۇزنامىلەرنى ئوقۇشۇپ، بۇ قۇتلۇق بايرامنى قىزغىن تەبرىكلىدى. رەسسام، خەتتات، نەزم ئاشىقى پولات ئىمىرنىياز نورۇزلۇق ھۆسنخېتىنى ئوقۇماقتا (ئوڭدىن سولغا)شائىرە روشەنگۈل تۇنىياز، شائىرە تۇرسۇنگۈل مۇھەممەت،  يازغۇچى ئازادەم تۇرسۇن، تۇرسۇنگۈل مۇھەممەت سەلكىن (ئوڭدىن سولغا) ئايال يازغۇچىلاردىن: ئازادەم تۇرسۇن،  تۇرسۇنگۈل مۇھەمەت سەلكىن، ئامانگۈل تۇنىياز، گۈلپىيە خېلىل (ئوڭدىن سولغا) ياش ئەدىبلەردىن: پولات ئىمىرنىياز ئاناتىل، ئېزىز نىياز،  توختى تۇرسۇن مۇزات، ئەنۋەرمۇھەممەت ئەرتۇغ (ئوڭدىن سولغا) ياش ئەدىبلەردىن: ئېلى نىياز دەرمانى، ئابلىز جاپپار، ئابدۇللا توخنىياز، مۇختار مۇھەمەتئىمىن نەزەر (ئوڭدىن سولغا) ياش ئەدىبلەردىن: مۇختار مۇھەمەتئىمىن نەزەر، كامىل تۇنىياز تەشنايى، ئابلا يۈسۈپ، قۇربان ئەلى، قۇربان مولنىياز، روشەنگۈل تۇنىياز، ئالدىنقى رەتتە: ئەركىن قەييۇم، سەنئەتكار تۇرسۇنجان (ئوڭدىن سولغا) ياش ئەدىبلەردىن: توختى تۇرسۇن مۇزات، ئەنۋەر مۇھەممەت ئەرتۇغ، ئەركىن قەييۇم ، ئېلى نىياز دەرمانى (ئوڭدىن سولغا) ياش ئەدىبلەردىن: ئېزىز نىياز، توختى تۇرسۇن، ئەنۋەر مۇھەممەت ئەرتۇغ پولات ئىمىرنىياز ئاناتىل نورۇزنامە ئوقۇماقتا (ئوڭدىن سولغا) ياش ئايال ئەدىبلەردىن:تۇرسۇنگۈل مۇھەممەت سەلكىن، ئامانگۈل تۇنىياز، گۈلپىيە خېلىل، نۇرگۈل سەپەر روشەنگۈل تۇنىياز نورۇزنامە ئوقۇماقتا مۇختار مۇھەممەتئىمىن نەزەر نورۇزامە ئوقۇماقتا

burankux-bay

	مەنمۇ بايدىن بۇلغاندىكىن مىنىمۇ چاقىرغان بۇلساڭلار بارار ئكەنمەن .كىلەر يىلى چاقىرارسىلەر بۇلىمىسا؟؟؟؟

k.sahra

	قەلەمكەشلەر سېپىمىزگە قۇشۇلۇشىڭىزنى قىزغىن قارشى ئالىمىز.كۆپلەپ ئەدەبىي ئەسەر ئىجات قىلىپ مەتبۇئاتلاردا ئېلان قىلىشىڭىزنى ئۈمۈت قىلمەن.

ئەتتىرگۈل

	مەن پەقەت بۇلارنىڭ ئىچىدە بىرنەچچەيلەننىلا تونۇيالىدىم .يۇرت ئاپتۇرلىرىنىڭ بۇ قېتىملىق نورۇز يىغىلىشىنىڭ بىر ئەھمىيەتلىك يىغىلىش بولۇپلا قالماي،بۇندىن كېيىنكى پائالىيەتلىرنىڭ شانلىق قەدىمىنىڭ ئۇتۇغلۇق باشلىنىشى دېيىشكە تامامەن ھەقلىقمىز  .مۇشۇ مۇناسىۋەت بىلەن  ناھىيەمىزدىكى بارلىق قەلەمكەشلەرنىڭ بۇ قۇتلۇق نورۇزدىن باشلانغان ھەر بىر قەدەم ۋە قەلەملىرىگە بەرىكەت تىلەيمەن.

sheyx

	ئەتىرگۈل خانىمنىڭ تېمىغا دىققەت قىلغانلىقىغا رەھمەت! بۇ پائالىيەت تۇنجى باشلىنىش ئەمەس، بىز بۇ پائالىيەتنى داۋاملاشتۇرىۋاتقىلى بىرنەچچە يىل بولدى. سىزمۇ ياخشى يازالايدىغان، ۋە يازىدىغان  قەلەم ئىگىسى. ئەگەرئۈرۈمچىدە بولماي، بۇ يەردە بولغان بولسسىڭىز سىزمۇ بىللە تەبرىكلەيتتىڭىز. سىزنىڭمۇ نورۇز بايرىمىزغا مۇبارەك بولسۇن!

ئەلى

	ھەقىقەتەن ئەھمىيەتلىك يىغىلىش بولۇپتۇ، ھەقىقەتەن خۇش بولدۇم، بولسا مۇشۇنداق ئەھمىيەتلىك، مەزمۇنلۇق يىغىلش بولسا، يەپ-ئىچىپ، بۇزۇپ-چېچىشتىن باشقىنى بىلمەيدىغان يىغىلىشلاردىن كۆرە، ئەھمىيەتلىك، مەزمۇنلۇق بولسا نېمە دېگەن ياخشى-ھە،

تۇرسۇن نىياز

	ناھىيىمىزدىكى قەلەمكەشلەرنىڭ قوللىرىدىن  بەركەتلەر كەتمىسۇن، قەلەمكەشلەر سېپىنىڭ تېخىمۇ زورۇيۇپ زور ئېقىن ھاسىل قىلىشىنى ئۈمۈت قىلىمەن، يىتىشىۋاتقان  يازغۇچىللىرىمىزنىڭ ئالتۇن قۇللىرىدا  ناھىيىمىزنىڭ مۇقۇملۇق خىزمەتلىرى ئىلگىرى سۈرۈلۈپ ،ئىقتىسادىي تەرەققىياتى تېخىمۇ نۇرلانغۇسى...

ئەتتىرگۈل

	sheyx يوللىغان ۋاقتى  2012-3-22 18:54 ئەتىرگۈل خانىمنىڭ تېمىغا دىققەت قىلغانلىقىغا رەھمەت! ... ئەسسالامۇ ئەلەيكۇم (ئەرچىن ) ئەپەندى ، ئىنكاسىمدا يېڭىلىشىپتىمەن.خىجالەتمەن.مەن ھەرقايسىڭلاردىن قەلەمدە كۆپ يىراقتا،ئەمما سىلەرنىڭ ئورتاق خۇشاللىغىڭلارغا تەڭ كۈلۈشۈپ چاۋاك چېلىشىپ بېرىشكە ھەر ھالدا يارايمەن .ھەممەڭلارنىڭ ئامان-ئېسەن سالامەت بولۇشۇڭلارنى تىلەيمەن .

ئەتىرگۈل

	ناھىيىمىزدىكى قەلەمكەشلەرنىڭ ئىجادىيەتلىرىگە ئۇتۇق تىلەيمەن

جەسسۇر2

	ئەرچىن ئەپەندىمنىڭ بۇ يىغىلىشتىن بىزنى ۋاقىپلاندۇرغىنىغا كۆپ رەھمەت،ھەقىقەتەن ئەھمىيەتلىك يىغىلىش بوپتۇ،سىلەرنىڭ بولسىمۇ بۇ بايرامنى داۋاملاشتۇرىۋاتقىنىڭىلارنى بىلىپ ئىچ-ئىچىمدىن خوشال بولدۇم،رەھمەتلىك ھاجى ئىمىن تۇرسۇن ئاتىمىزمۇ بۇ بايرام ئۈچۈن كۆپ كۈچ چىقىرىپتىكەن،ئەپسۇس.......    ناھىيىمىزمۇ بۇ بايرامنى  ئۈزۈلدۈرمەي ئۆتكۈزۈپ بەرگەن بولسا نەقەدەر ئوبدان بولاتتى-ھە!