‹‹بالا ››كەشپىياتچىنىڭ ھىكايىسى

k.sahra

	‹‹بالا ››كەشپىياتچىنىڭ ھىكايىسى    (زىيارەت خاتىرسى) قۇربان مولنىياز ‹‹زېمىن زىننىتى -دەرەخ،دەرەخ زىننىتى-يۇپۇرماق ››دىگەندەك،پۈتكۈل تەبئەت  يېشىللىققا پۈركىنىپ تەبىئەت تېخڭمۇ گۈزەل تۈسكە كىرگەن  ،مىۋىلىك باغلارنىڭ خۇشبۇي ھىدى دىماققا ئۇرۇلۇپ كىشلەرگە ھوزۇر بەخىش ئىتىۋاتقان  ئىيۇن   ئېيىنىڭ ئاخىرلىرى  باي ناھىيەلىك مائارىپ ئىدارىسدىكى دوستۇم  ئەزىز جۈمەدىن ،يېقىندا  باي ناھىيەلىك 1-ئوتتۇرا مەكتەپ 2-يىللق3-سىنىپ ئۇقۇغۇچىسى ،  ئىتپاق ئەزاسى  ئەمەر مەمتىلنىڭ كوپ ئىقتىدارلىق ماگنىتلىق ئۇنۋېرسال ئۆچۈرگۈچ كەشىپ قىلىپ دۆلەتلىك پاتېنىت ھۆقۇقى ئىدارىسى تەرپىدىن ‹‹ئەمەلىي ئىشلىتىشچان يېڭى كەشپىيات ››پاتېنىت ھوقۇقى گۇۋانامىسگە ئېرىشكەنلىك خەۋىرنى ئاڭلاپ قالدىم.كۆڭلۈمدە بۇ ‹‹بالا ››كەشپىياتچىنى زىيارەت قىلىش ئىستىكى تۇغۇلدى. دەم ئېلىش كۈنۈمدىن  پايدىللنىپ ئۇنى ئىزدەپ باردىم.ئەمەر مەمتىل ئوتتۇرا بوي،سەل ئۇرۇق كەلگەن،كۆزلىردىن ئۈمۈت نۈرى چاقناپ تۇردىغان ،بۇغداي ئوڭلۈك ،قارا قاش ‹‹بالا ››ئىدى.مەن ئۇنىڭ خىجىللق كەيپىياتىنى ئوڭشاش ئۈچۈن دەرھال كېلىش مەخسىتىمنى ئېيىتىپ،ئۇنىڭ ئىجادىيەت مىۋىسنى تەبرىكلەيدىغانلىغىمنى بىلدۈردۈم.ئۇ سەل تارتىنىپراق قول سومكىسدىن بىر ئۈچۈرگۈچنى چىقىرىپ ماڭا سۇندى .مەن بۇ ئۈچۈرگۈچنى تېما قىلىپ تۇرۇپ ئۇنىڭ بىلەن سۆھبەتلىشىش ئارقىلىق تۆۋەندىكىلەرگە ئىگە بولدۇم. ئەمەر مەمتىل باي ناھيە توقسۇن يېزا جىسەك قايغۇ كەنتىدىن بۇلۇپ،ئۇنىڭ بالىلق  ۋاقتى  دادىسى مەمتىل كىرەم  ئېلىپ بەرگەن  ئويۇنچۇقلارنى ئويناش،ئۇيۇنچۇقلارنى چۇگۇپ قۇراشتۇرۇش،ھەر خىل مۇھىتتا سىناپ بېقىش بىلەن ئۆتۈپتۇ .كېيىنچە ئۇ مەكتەپكە كىرىپ مەدەنيەت دەرىسلىرنى تىرشىپ ئۈگۈنۈش بىلەن بىرگە ئۈزى كىچىك ۋاختىدا ئوينىغان ئۇيۇنچۇقلىرنى تەقلىت قىلىپ ياساپ بېقىش نىيتىگە كېلىپ  ياغاچ قاتارلىق نەرسىلەردىن ھەرخىل ئۇيۇنچۇقلارنى ياساپتۇ ،بۇ جەرياندا قوللىرنى نەچچە قېتىم پىچاق كىسۋەتسىمۇ ۋاز كەچمەپتۇ، ئۇنىڭ دەسلەپتە ياسىغان بىرقانچە خىل ئۇيۇنچۇق مودىللىرى مەكتەپ بۇيچە ئوتكۈزۈلگەن مۇسابىقىلەردە ياخشى نەتىجىگە ئېرىشىپ ئۇنىڭغا تېخىمۇ مەدەت بېرىپتۇ. ئۇ تۇقسىز ،تۇلۇق ئوتتۇرا مەكتەپتە ئۇقۇۋاتقان مەزگىلدە تەبىئەت،فىزىكا،خىمىيە قاتارلىق دەرىسلەرگە ئالاھىدە قىزقىپ ،كۆپ ۋاقتىنى مەكتەپ تەجىربىخانىسدا ئۆتكۈزۈپ، نۇرغۇن تەقلىدىي تەجىربىلەرنى ئىشلەپتۇ .بۇ جەرياندا جەميىتىمىزدە نۇرغۇن كەشپىياتلارنىڭ كەمچىل ئىكەنلىگىنى  ھېس قىلىپ ،ئۈزى تەتقىق قىلىپ ،كەشپىيات يارتىش ئىرادىسگە كېلىپتۇ،جەمىيەتنى ،تەبىئەتنى كۈزۈتۈپ ،كەشپىيات يارتىش ئۈستىدە ئىزدىنىپتۇ.بۇ جەرياندا ئۇ كۆپ قېتىم ئوڭۇشسىزلىققا ئۇچراپتۇ،ئىقتىسادىي جەھەتتىنمۇ زىيان تارتىپتۇ ،ئاتا-ئانىسى ،ساۋاغداشلىرمۇ ئۇنى ئانچە قوللاپ كەتمەپتۇ.بۇ چاغدا ئۇ نىيوتۇن،ئېينىشتىندەك ئالىملارنىڭ كەشپىيات يارتىش جەريانىنى ئەسلەپ ،يەنە غەيرەتكە كېلىپ ،كەشپىيات يارتىش يۇلىدا توختاۋسىز ئىزدىنىپتۇ.تەجىربە قىلىش،تەجىربە ماتىرياللىرنى سېتۋېلىش ئۈچۈن تاماق پۇلىنى، كىرا پۇلىنى قىسىپ ئىقتىسات قىلىپتۇ.بىر كۈنى ئۇ دەرىس ئاڭلاۋېتىپ ،ئۇقۇتقۇچى –ئۇقۇغۇچىلارنىڭ بور تۇزانلىردا ھۆتۈلۈپ كىتىۋاتقانلىقىنى ،ئۈچۈرگۈچنىڭ يەرگە چۈشۈپ كېتىپ ئۇقۇتقۇچىغا قولايسىزلىق ئېلىپ كېلىپ،ۋاقىت ئىسراپ بۇلۇپ كىتىپ بارغانلىقىنى كۈرۈپ ،بىر كۆپ ئىقتىدارلىق ئۈچۈرگۈچ ياساش ئىستىگى تۇغۇلۇپ ،تەجىربە ئىشلەشكە باشلايدۇ.قايتا –قايتا تەجىربە قىلىش ئارقىلىق 6ئاي ۋاقىت سەرىپ قىلىپ ،ئاخىرى كۆپ ئىقتىدارلىق ماگنىتلق ئۇنۋېرسال ئۈچۈرگۈچنى ياساپ چىقىپ ،دۆلەتلىك پاتېنىت ھوقۇقى ئىدارىسغا پاتېنىت ئىلتىماسى سۇنۇپتۇ .ئۇنىڭ بۇ كەشپىياتى يېقىندا دۆلەتلىك پاتېنىت ھوقۇقى ئىدارىسى تەرپىدىن ‹‹ئەمەلىي ئىشلىتىشچان يېڭى كەشپىيات  ››پاتېنتىغا ئېرىشىپ ، ZL201020192405.7نۇمۇرلۇق پاتېنىت گۇۋانامىسگە ئېرىشىپتۇ.ئەمەر مەمتىل كەشىپ قىلغان كوپ ئىقتىدارلىق ماگىنىتلق ئۇنۋېرسال ئۈچۈرگۈچ دوسكىنىڭ خالىغان يېرىدە توختىتىپ قولاي ئىشلەتكىلى بۇلۇش،ۋاقىت تېجەش،مۇھىت ئاسراش ،تەننەرقى تۆۋەن بۇلۇشتەك ئالاھىدىلىككە ئىگە ئىكەن. ئەمەر مەمتىلنىڭ ئىلگىركى ۋە ھازىرقى  سىنىپ مەسئۇلى ۋە دەرىس ئۇقۇتقۇچىلىردىن ئىگىلىشىمچە ئەمەر مەمتىل ئۈگۈنۈش،ئەخلاق،تەشكىلى تۈزۈمگە رايە قىلىش،ئىتپاقلىق جەھەتتە سىنپىدىكى ئۇقۇغۇچىلارنىڭ ئۈلگىسى بۇلۇپ، مەكتەپكە كىرگەندىن بۇيان كۆپ قېتىم ‹‹ئىلغار سىنىپ كادىرى››،‹‹ئۈچتە ياخشى ئۇقۇغۇچى››،‹‹ئىككىنچى دەرىسخانا پائالىيىتىدىكى ئۈلگۈلۈك ئۇقۇغۇچى››،‹‹مۇنەۋەر ئىتپاق ئەزاسى››قاتارلق ناملار بىلەن كۆپ قېتىم تەغدىرلىنىپتۇ. باي ناھىيەلىك مائارىپ ئىدارىسى ئۇقۇغۇچى قۇبۇل قىلىش بۈلۈمىنىڭ مۇدىرى ئىسكەندەر مۇنداق دېدى:ئەمەر مەمتىل بىر تۈردە كەشپىيات يارتىپ ،ئۇقۇتقۇچى ئۇقۇغۇچىلارغا ئۈلگە تىكلەپ بەردى.ئەمەر مەمتىل كەشىپ قىلغان كوپ ئىقتىدارلىق ماگنىتلىق ئۇنۋېرسال ئۆچۈرگۈچ نۆۋەتتە  ناھيىمىزدىكى 100دىن ئارتۇق ئوتتۇرا باشلانغۇچ مەكتەپتە سىناق تەرەققىسدە  ئىشلىتىلىپ، ئۇقۇتقۇچى،ئۇقۇغۇچىلارنىڭ ياخشى باھاسىغا ئېرىشتى. مەن ئەمەر مەمتىلنىڭ بۇنىڭدىن كېيىنكى ئۈگۈنۈش پىلانى ۋە قانداق كەشپىياتلارنى يارتىش ئوي خىيالىنىڭ بارلىقىنى سورىغىنىمدا  ئۇ مۇنداق دېدى:مەدەنيەت پەنلىرنى تىرشىپ ئۈگۈنۈپ ئالىي بىلىم يۇرتىغا بېرىپ بىلىم سەۋيەمنى يۇقۇرى كۆتۈرۈپ ،تېخىمۇ كۆپ كەشپىياتلارنى يارتىپ جەميەت ئۈچۈن بىر كىشلىك  ھەسسە قۇشۇمەن. ئەمەر مەمتىلنىڭ بۇ سۆزىدىن،ئۇنىڭ ئىلىم پەننى سۈيۈش،يېڭىلىققا ئىنتىلىپ ،كەشپىيات يارتىش،جەميەت ئۈچۈن تۆھپە قۇشۇش ئىرادىسنىڭ نەقەدەر چوڭقۇرلۇقىنى كۈرۈۋالغاندەك بولدۇم.ئۇنىڭ يەنە ‹‹ئۇقۇغۇچىلار يېنىدىكى چەكلەنگەن بۇيۇملارنى تەكشۈرۈش ئۈسكىنىسى››،‹‹ئېلىكتىرونلۇق كىچىك ئەتىركە››،‹‹مۇھىت ئاسراش تىپىدىكى ،قۇياش ئېنىرگىيىلىك دىزىنفېكسىيەلەش ئىقتىدارىغا ئىگە ئەخلەت ساندۇقى ››،‹‹كۆپ ئىقتىدارلىق قەلەم››،‹‹ئاپتۇماتىك بايراق چىقىرىش،چۈشۈرۈش ئۈسكۈنىسى ››قاتارلىق كەشپىياتلار ئۈستىدە ئىزدىنىپ ،پاتېنىت ھوقۇقى ئىلتىماسى قىلىش ئالدىدا تۇرغانلىقىنى،‹‹كۆپ ئىقتىدارلىق قەلەم قاپچۇقى››نىڭ كەشپىيات پاتېنىت ئىلتىماسىنى مۇناسىۋەتلىك ئۇرۇنلارغا سۇنغانلىقىنى  ئۇقۇپ بۇ ‹‹بالا››كەشپىياتچىغا بولغان ھۆرمۈتۈم تېخىمۇ كۈچەيدى.ئىچىمدە قايسىدۇر بىر شائىرنىڭ  تۆۋەندىكى رۇبائىيسىنى ئەسكە ئالدىم. قىزىلگۈل بولسىمۇ ھەرقانچە ئېسىل، تۇزۇيدۇ ئاخىرى يەتكەندە پەسىل. مەڭگۈلۈك ياشاشنى ئارمان ئەيلىسەڭ، قالدۇرغىن كەشپىيات-ئىجادتىن نەسىل. سۈرەتتە :ئەمەر مەمتىل تەجىربە ئۈستىدە باي ناھىيەلىك مالىيە ئىدارىسدىن قۇربان مولنىياز تېلفۇن:13779743107

خەنجەر731

	بىزنىڭ يۇرتتىنمۇ كەشپىياتىچىلار چىقىپتۇ مانا.داۋاملىق ئالغا...

ئاتامان

	ئەمەرجان ئىنىمىزنىڭ ئىشلىرىغا ئۇتۇق تېلەيمەن.مېنىڭمۇ ئۇنىڭ كەشپىياتىنى كۆرگۈم كېلىۋاتىدۇ. تېخىمۇ تىرىشىڭ ئىنىم.

قىساس

	مانا كارامەت

شەبنەم

	بۇ ئىنىمىزدىن پەخىرلىنىمەن.

man_musapir

	يارايسە يىگىت يەنە داۋاملىق تىرىش سىنىڭ مۇۋاپقىيەت قازنىشىڭنى تىلەيمەن

man_musapir

	يارايسە يىگىت يەنە داۋاملىق تىرىش سىنىڭ مۇۋاپقىيەت قازنىشىڭنى تىلەيمەن

ئەلى

	ئەقلىڭىزگە بارىكاللا ئىنىم، يەنىمۇ تىرىشىڭ، ئىشىنىمەنكى كەلگۈسىدە چوقۇم چوڭ ئىشلارنى ۋۇجۇدقا چىقىرالايسىز،

چوغلان

	يارايسەن يىگىت ،  يەنىمۇ تىرىشقىن