بىر ئانا بالىسى تۈپەيلىدىن قاتتىقئازاپلىنىپ ، پىسخىك مەسىلىلەر مۇتەخەسىسىسىنى ئىزدەپ بېرىپتۇ.
-بالىڭىز بىرىنچى قېتىم ئايىغىنىڭ يىپىنىچىگكەندە ئىككى چىگىپ قويدى، شۇنىڭدىن ئېتىبارەن سىز ئۇنىڭغا يىپلىق ئاياغ ئېلىپ بەرمىدىڭىز، شۇنداقمۇ؟- دەپ سوراپتۇ مۇتەخەسسىس.                  
ئايال بېشىنى لىڭشىتىپتۇ.                                                                        
    ــ بالىڭىز بىرىنچى قېتىم قاچا يۇغاندا بىرقاچىنى سۇندۇرۇپ قويدى، شۇنۇڭدىن ئېتىبارەن سىز ئۇنى قاچا يۇيۇش دېسىغا يېقىن يولاتمىدىڭىز ، شۇنداقمۇ؟-دەپ سوراپتۇ مۇتەخەسسىس يەنە.                    
ئايال« شۇنداق »، دەپ جاۋاب بېرىپتۇ.                                                              
-بالىڭىز ئۆزىنىڭ يوتقان-كۆرپىلىرىنى يىغقاندا توپتوغرا ئىككى سائەت ۋاقىت سەرىپ قىلدى، سىز ئۇنىڭ پالاكەتلىكىدىن ئاغرىندىڭىز، شۇنداقمۇ؟-دەپ سوراپتۇ مۇتەخەسسىس ئۇلاپلا.                        
      ئايال ھەيرانلىق بىلەن مۇتەخەسسىسكەقاراپ قويۇپتۇ.مۇتەخەسسسىس يەنە مۇنداق دەپتۇ؛            
-بالىڭىز ئالىي مەكتەپنى پۈتكۈزۈپ خىزمەت ئىزدىگەندە ، سىز يەنە ئۆزىڭىزنىڭ مۇناسىۋىتى ۋە ھوقۇقىڭىزدىن پايدىلنىپ ئۇنىڭغا باشقىلارنىڭ ھەۋىسى كەلگۈدەك بىر خىزمەت تېپىپ بەردىڭىز، شۇنداقمۇ؟
  ئايال تېخىمۇ ھەيران قېلىپ ئورنىدىنتۇتۇپ كېتىپتۇ ھەمدە مۇتەخەسسىسدىن:                        
سىز قانداق بىلدىڭىز؟-دەپ سوراپتۇ.                                                                           
  -  ئاشۇ ئاياغ يىپىدىن بىلدىم،- دەپتۇ.                                                      
-ئۇنداقتا، مەن ئەمدى قانداق قىلىشىم كېرەك؟- دەپ سوراپتۇ ئايال.                           
ئۇ ئاغرىپ قالغاندا، سىز ئەڭ ياخشىسى ئۇنى دوختۇرخانىغا ئاپىرىڭ؛ ئۇ توي قىلدىغان ۋاقىتتا، سىز ئەڭ ياخشىسى ئۇنىڭغا ئۆي تەييارلاپ بېرىڭ؛ ئۇنىڭ پۇلىقالمىغاندا، سىز ئەڭ ياخشىسى ئۇنۇڭغا پۇل ئاپىرىپ بېرىڭ . بۇ سىزنىڭ بۇنۇڭدىن كېيىنكى ئەڭ ياخشى تاللىشىڭىز، باشقىسىغا مېنىڭمۇ ئامالىم يوق،-دەپتۇ مۇتەخەسسىس
 

سىز جاۋابقا ئېرىشىپ بولدىڭىز

                                                                                                                        

    بىر ئانا ئولتۇرسا-قوپسا بالىسىنىڭ بىرياراملىق ئادەم بولۇشىنى ئۆمۈد قىلدىكەن. بىر كۈنى ئۇ بەش ياشلىق بالىسىنى ئېلىپ،بىر داڭلىق خىميە ئالىمىدىن تەلىم ئالغىلى بېرىپتۇ. ئۇ بۇ كاتتا شەخىسنىڭ قانداق قىلىپ مۇۋاپپەقىيەت قازانغانلىقىنى بىلمەكچى ئىكەن. ئايالنىڭ كېلىش مەخسىتىنى بىلگەن خىميە ئالىمى ئۇنىڭغا ئۆزىنىڭ ئۆسۈپ يېتىلىش، كۈرەش قىلىش تارىخىنى بىرمۇبىر سۆزلەپ ئولتۇرماپتۇ، بەلكى ئۇنى ئۆزى بىلەن تەجرىبىخانىغا كىرىشكە تەكلىپ قىلىپتۇ. تەجرىبىخانىغا كىرگەندىن كېيىن، ئالىم بىر بوتۇلكا سېرىق رەڭلىك ئېرىتمىنى بالىنىڭ ئالدىغا قويۇپتۇ.
بالا بۇ سېرىق رەڭلىك بوتۇلكىغا ھەم قىزىقىپتۇ، ھەم نېمە قىلىشىنى بىلمەي قاپتۇ، بىر دەمدىن كېيىن، سىناپ باقماقچى بولغاندەك قولىنى سوزۇپتۇ. دەل شۇ چاغدا ئۇنىڭ كەينىدىن بىرىنىڭ جىددىي ھالداقاتتىق ۋاقىرىغان ئاۋازى ئاڭلىنىپتۇ، بالىنىڭ ئانىسى دەرھال بالىنىڭ يېنىغا كەپتۇ،قورقۇپ كەتكەن بالا دەرھال قولىنى تارتىۋاپتۇ.
ئالىم قاقاھلاپ كۈلۈپ كېتىپتۇ، بالىنىڭ ئانىسىغا:
مەن سىزنىڭ سوئالىڭىزغا جاۋاب بېرىپ بولدۇم،-دەپتۇ.ئايال بۇنى چۈشەنمەي ئالىمغا قاراپلا قاپتۇ.ئالىم پەرۋاسىز ھالداقولىنى ئېرىتمىگە چىلاپ، كۈلۈپ تۇرۇپ؛
-بۇ پەقەت رەڭلەنگەن سۇ ، خالاس، سىزنىڭ بىر ۋارقىرىشىڭىز بىر تالانت ئىگىسىنى يوق قىلىدۇ،-دەپتۇ.

‹‹ئاتا-ئانىلار بىلىشكە تېگىشلىك 101ھېكىمەت›› دېگەن كىتابتىن ئېلىندى

 

يوشۇرۇن ئىقتىدارىنىڭ تۆۋەنلەش قائىدىسى

     بالىلارنىڭ يوشۇرۇن ئىقتىدارىنىڭ تۆۋەنلەش قائىدىسى بولىدۇ. تۇغۇلىشىدا 100% يوشۇرۇن ئىقتىدار ھازىرلىغان بالىنى باشتىلا كۆڭۈلدىكىدەك تەربىيلىسە 100% ئىقىتىدار ھازىرلىغان بالا بولىدۇ. ئەگەربەش ياشقا كىرگەندە تەربىيلەشكە باشلىسا، قالتىس تەربىيلسە پەقەت 80% لىك ئىقتىدارھازىرلىغان ئادەم بولىدۇ. ئەگەر،10 ياشقا كىرگەندىن باشلاپ تەربىيلىسە قانچە ياخشى تەربىيلىگەن بىلەنمۇ پەقەت 60% لىك ئىقتىدارنى ھازىرلىغان ئادەم بولىدۇ. بۇتەربىيە قانچە كېيىن باشلانسا بالىنىڭ ئىقتىدارىنى ئىشقا ئاشۇرۇش شۇنچە ئازبولىدۇ دېگەنلىك بولىدۇ، مانا بۇ بالىلارنىڭ يوشۇرۇن ئىقتىدارىنىڭ تۆۋەنلەش قائىدىسدۇر.