رىسالەت ئابدۇرىشىت

  ھازىر، ئوتتۇرا – باشلانغۇچ مەكتەپ ئوقۇغۇچىلىرىنىڭ بېسىمىنى يېنىكلەتكىلى بولماسلىقتا ئاتا – ئانىلارنىڭ مەسئۇلىيىتى ئېغىر. بەزىدە ئاتا – ئانىلار چۈشۈرگەن پىسخىكا بېسىمى بالىلارنىڭ ھەر قانداق بېسىمىدىن ئېشىپ چۈشىدۇ، شۇڭا بالىلار ئاتا – ئانىلىرىنىڭ تەلىپىنى قاندۇرۇش ئۈچۈنلا ئوقۇيدۇ. گەرچە، مائارىپ تارماقلىرى مەكتەپلەرگە بېسىم يېنىكلىتىش بۇيرۇقى چۈشۈرگەن بىلەن ئاتا – ئانىلار بالىلىرىغا يەنە ئوخشاشلا بېسىم چۈشۈرۈۋېرىدۇ.

   ئامېرىكىلىق پىسخولوگلارنىڭ بايقىشىچە، بىر ئادەمنىڭ مۇۋەپپەقىيەت قازىنىشىدا كېيىنكى تىرىشچانلىق مۇھىم ئورۇندا تۇرۇپلا قالماستىن، ئاتا – ئانىلارنىڭ تەربىيەسىمۇ مۇھىم ئورۇندا تۇرىدىكەن. ئۇنداقتا، ئاتا – ئانىلار بالىلىرىنىڭ بېسىمىنى يېنىكلىتىشىگە قانداق ياردەم بېرىشى كېرەك؟

   ئاتا – ئانىلار بالىلىرىغا نورمال پوزىتسىيە تۇتىشى كېرەك. نورمال پوزىتسىيە تۇتۇش ئالغا ئىلگىرىلەشنى تەلەپ قىلماسلىق دېگەنلىك ئەمەس، بەلكى باشقىلارنىڭ قولغا كەلتۈرگەن نەتىجىسى ۋە ئىلغارلىقلىرىغا ھەۋەس قىلماي، ئۆزىنىڭ ئالاھىدىلىكى ۋە كەمچىللىكلىرىنى سۇبيېكتىپ جەھەتتىن تەھلىل قىلىش، ئەمەلىيەتكە ماس كەلمەيدىغان، ھەددىدىن ئارتۇق ئارزۇ – ئۈمىدنى، شۇنداقلا ئۆزىنى كەمسىتىشنى چۆرۈپ تاشلاپ، شۇ ئارقىلىق مۇۋەپپەقىيەت قازىنىش نىسبىتىنى ئاشۇرۇش دېگەنلىك. قىسمەن ئاتا – ئانا بالىلىرىنىڭ مۇۋەپپەقىيىتىنى ئۆزىنىڭ مۇۋەپپەقىيىتى ئورنىدا كۆرىدۇ، ئوتتۇرا مەكتەپكە ۋە ئالىي مەكتەپكە ئۆرلەش ئىمتىھانىنى بالىلىرىنىڭ كەلگۈسى بىلەن چەمبەرچاس باغلىۋالىدۇ، شۇڭا ئۇلار بالىلىرىنىڭ باشلىنىش نۇقتىسىدىلا ئۇتتۇرۇپ قويۇشىدىن تولىمۇ ئەنسىرەيدۇ، بۇ بىزگە ئاتا – ئانىلارنىڭ باشقىلار بىلەن بەسلىشىدىغان پىسخىكىسى ۋە شۆھرەتپەرەسلىكىنى ئەكس ئەتتۈرۈپ بېرىدۇ.

   ئاتا – ئانىلار بالىلىرىنىڭ تۇرمۇش تەجرىبىسىنى موللاشتۇرۇشى كېرەك. بالىلىرىنى دەرسخانا ۋە سىنىپتىن ئېلىپ چىقىپ، كۇتۇپخانا، مۇزېي، ئۆسۈملۈكلەر باغچىسى، ھايۋاناتلار باغچىسى ۋە تەبىئەتكە ئېلىپ بېرىشى، بۇ ئارقىلىق ئۇلاردا تەبىئەتنى سۆيىدىغان، تەبىئەت بىلەن ئىناق ئۆتىدىغان ئىدىيەنى شەكىللەندۈرۈشى؛ بالىلىرىغا چامىسى يېتىدىغان ئائىلە ئىشلىرىنى قىلغۇزۇشى، ئۇلارغا ئەمگەكنى بىلىمگە ئايلاندۇرۇشقا يېتەكلىشى كېرەك، چۈنكى بالىلار ئەمگەك جەريانىدا خۇشاللىق ھېس قىلىدۇ، مۇۋەپپەقىيەتنىڭ تەمىنى تېتىيدۇ، ئۇلار بۇ خۇشاللىقلارنى ھەم مۇۋەپپەقىيەتنى ئاغزاكى تىل بىلەن ئىپادىلەپ بەرسە ياكى ماقالە قىلىپ يېزىپ چىقسا بۇمۇ بىرخىل ئۆگىنىش ئۇسۇلىغا كىرىدۇ.

(تەھرىر : admin)

• بالىلاردىكى بەتخەجلىكنىڭ سەۋەبچىسى كىم
• بالىلارنىڭ بېسىمىنىڭ ئېغىر بولۇشىدا ئا
• كىتاپ ئالغاندا بالىنىڭ قىزىقىشىنى ئويل
• بالىلارنىڭ ‹‹شەخسىيەتچى›› لىكىگە قان
• ياشانغانلاردىكى ئۇنۇتقاقلىقنى داۋالاي
• 10مىنۇتلۇق ھايات
• قانداق قىلغاندا ياخشى ئائىلە باشلىقى بو
• پەرزەنتىلەرنى تەربىيلەشنىڭ 10ياخشى پۇرس
• ئىناق ئائىلە كەيپىىياتىنى ساقلاش.
• قىز بالىنى بېقىشقا...
• ئاتا تەربىيەسى-ھايات ئوزۇقلۇقى.
• ئويلىغانلىرىمىزنى بالىلىرىمىزغا زورلا
• ئاتا مىراس نەسىھەتلەر
• بالىلار بىلەن ئوچۇق يورۇق مۇناسىۋەتتە ب
• ئىللىق ئائىلە شارائىتى ھازىرىلاش
• ئاتا ئانىلار تەربىيە پوزىتىسىيىسى ۋە ئۇ