ئىسمايىل مۇھەممەد

   نۇرغۇن ئاتا – ئانا بالىلىرىنىڭ شەخسىيەتچىلىكىدىن ئەنسىرەپ، ئامالنىڭ بارىچە بالىلىرىدىن باشقىلار بىلەن تەڭ بەھرىلىنىشنى تەلەپ قىلىدۇ ۋە بۇنداق قىلسا بالىلىرىنىڭ ئىجتىمائىي تەرەققىياتىغا پايدىلىق دەپ قارايدۇ. تەڭ بەھرىمان قىلغۇزۇشنىڭ بالىلارنىڭ ھەمراھلار چەمبىرىكى ھاسىل قىلىشىغا پايدىسى بولامدۇ؟

   تەتقىقاتلاردا بايقىلىشىچە، يېشى چوڭ بالىلار نىسبەتەن سېخىيراق بولىدىكەن. يېشى كىچىك بالىلارنىڭ ‹‹شەخسىيەتچىلىك›› ئېڭى كۈچلۈك بولىدىكەن، شۇنداقلا بەھرىلىنىش ھەرىكەتلىرىمۇ ئاز بولىدىكەن. دۆلىتىمىزدىكى بەزى ئالىملارتەجرىبە ئارقىلىق ئىككى ياشلىق بالىنىڭ ‹‹شەخسىيەتچىلىك›› ھەرىكەتلىرىنى ئىپادىلىيەلمەيدىغانلىقىنى، ئۈچ ياشلىق بالىنىڭ ئۆز مەنپەئەتىنى كۆزلەشنىڭ روشەن بولىدىغانلىقىنى دەلىللىگەن. سەۋەبى ئۈچ ياشتىن كىچىك بالىلارنىڭ پىسخىك تەرەققىياتى بالىنىڭ ھەرىكەتلىرىگە تەسىر كۆرسىتىپ، ھەرىكەتلىرىنى بەلگىلەيدىكەن. بۇ مەزگىلدىكى بالىلار ھەممە نەرسە مېنىڭ دەپ قاراپ، باشقىلارنىڭ چېقىلىشىغا يول قويمايدىكەن. شۇڭا بالىلاردا ماددىي نەرسىلەرنى ئىگىلەش ئېڭى پەيدا بولغاندىن كېيىن، ئاندىن ئاستا – ئاستا باشقىلارنىڭمۇ ماددىي نەرسىلەرگە ھوقۇقى بارلىقىنى چۈشىنىدىكەن.

   تەڭ بەھرىمان بولۇش ئىنسانلاردىكى بىر خىل يېقىنچىلىق ھەرىكىتى بولۇپ، كىشىلەرنىڭ ئۆزى خالاپ باشقىلار بىلەن ئورتاق بەھرىلىنىشىنى ھەم ئۇنىڭدىن خۇشاللىق ۋە قانائەتكە ئېرىشىشنى كۆرسىتىدۇ. بۇ ياخشى كىشىلىك مۇناسىۋەت چەمبىرىكى ئورنىتىش ۋە ساغلام پىسخىكا شەكىللەندۈرۈشنىڭ ئاساسى. شۇڭا شەخسىيەتچىلىكتىن خالىي بولۇشنىڭ ئۈچ ئاساسى شەرتى بولىدۇ. مۇددىئادىن ئېلىپ ئېيتقاندا، چوقۇم ئۆزى خالىشى كېرەك. شەكىلدىن قارىغاندا، بالىلار نەرسىلىرىنى باشقىلار بىلەن تەڭ ئىشلىتىشى كېرەك. ھېسسىيات نۇقتىسىدىن، بالا ھەم بەھرىلىنىش ئارقىلىق خۇشاللىق ۋە قانائەتكە ئېرىشەلىشى كېرەك. مۇشۇ ئۈچ شەرتنى ھازىرلىغاندا بالىلاردىكى شەخسىيەتچىلىكنىڭ ئالدىنى ئالغىلى بولىدۇ. تۇرمۇشتا، بالىنىڭ مۇستەقىل ھەرىكىتىگە قارىتا، ئائىلە باشلىقى دائىم بالىنى ‹‹ساختا بەھرىلەندۈرۈش›› ھەرىكىتىنى چىقىرىشقا يېتەكلەيدۇ، بۇنىڭ سەۋەبى، ئائىلە باشلىقى بالىنىڭ پىسخىك تەرەققىياتىنىڭ ئالاھىدىلىكى، ھوقۇقى، خالىشى ۋە ھېسسىياتى قاتارلىقلارغا سەل قارايدۇ ياكى چۈشەنمەيدۇ. بۇنداق قىلغاندا بالىنى خالاپ بەھرىلىنىشكە يېتەكلىگىلى بولمايدۇ. شۇڭا ساختا بەھرىلىنىش بالىنىڭ بەھرىلىنىش تونۇشى ۋە ھەرىكىتىنى قوزغىيالمايلا قالماي، بەلكى بالىدا بەھرىلىنىش تونۇشى ۋە ھەرىكىتىنىڭ شەكىللىنىشىگە مەلۇم دەرىجىدە توسالغۇ بولىدۇ.

   بىلىشىمىز كېرەككى، ‹‹شەخسىيەتچىلىك›› بالىلارنىڭ تۇغۇلۇشىدىنلا بولىدىغان ھەرىكەت ئەمەس، ھەم ئوتتۇرىغا چىقسىلا، مەڭگۈ يوقالماي داۋاملىشىدىغان ھەرىكەتمۇ ئەمەس. شۇڭا، ئاتا – ئانىلار چوقۇم بالىلارنىڭ پىسخىكا تەرەققىيات ئالاھىدىلىكىنى چۈشىنىشى، بالىنى باشقىلار بىلەن تەڭ بەھرىمان بولۇشقا قارىغۇلارچە زورلىماستىن، مۇۋاپىق پۇرسەت تېپىپ، ئۈنۈملۈك ئۇسۇلدا بالىنىڭ تەڭ بەھرىمان بولۇش تونۇشى ۋە ھەرىكىتىنى تەربىيەلەش زۆرۈر.

(تەھرىر : admin)

• كىتاپ ئالغاندا بالىنىڭ قىزىقىشىنى ئويل
• بالىلارنىڭ ‹‹شەخسىيەتچى›› لىكىگە قان
• ياشانغانلاردىكى ئۇنۇتقاقلىقنى داۋالاي
• 10مىنۇتلۇق ھايات
• قانداق قىلغاندا ياخشى ئائىلە باشلىقى بو
• پەرزەنتىلەرنى تەربىيلەشنىڭ 10ياخشى پۇرس
• ئىناق ئائىلە كەيپىىياتىنى ساقلاش.
• قىز بالىنى بېقىشقا...
• ئاتا تەربىيەسى-ھايات ئوزۇقلۇقى.
• ئويلىغانلىرىمىزنى بالىلىرىمىزغا زورلا
• ئاتا مىراس نەسىھەتلەر
• بالىلار بىلەن ئوچۇق يورۇق مۇناسىۋەتتە ب
• ئىللىق ئائىلە شارائىتى ھازىرىلاش
• ئاتا ئانىلار تەربىيە پوزىتىسىيىسى ۋە ئۇ
• قانداق قىلغاندا ياخشى دادا بولغىلى بولى
• دادا سەن يوق