ئەر – ئاياللاردىكى ھۆرمەت، بالىلاردىكى ئىتائەت

ۋارىسجان ئەھمەد

    خىزمەتدىشىم مەسئۇلىيەتچان ، كەمتەر، تۈز ئادەم ، خوتۇنىمۇ تىرىشچان، ئىقتىسادچىل، سەمىمىي ئايال ئىدى، ئۇلار تولىمۇ ئىناق ئۆتەتتى. ھەر كۈنى ئەتىگەندە قايسىسىنىڭ ۋاقتى يەتسە، بالىلارنى مەكتەپكە يولغا سالغاندىن كېيىن، ئاندىن ئۆز ئىشلىرى بىلەن بەنت بولاتتى. بالىلار دادىسىغا يوللۇق تەلەپلەرنى قويسىمۇ، ‹‹ئاپاڭلارنىڭ سەمىگە سالاي›› دەپ، ئاپىسىغا ئارزۇسىنى ئېيتسىمۇ ‹‹داداڭلارنىڭ مەسلىھەتىنى ئالاي›› دەپ، ئەر – ئايال بىر – بىرسىنىڭ بالىلار ئالدىدىكى ئىناۋىتىنى قوغدايتتى. بالىلارمۇ ئاتا – ئانىسىغا كۆيۈنەتتى، ھۆرمىتىنى قىلاتتى، قولىدىن كېلىشىچە ئائىلە ئىشلىرىغا ياردەملىشەتتى.

    يەنە بىر قوشنام بولۇپ، بەزىدە خوتۇنى ئۇنى كىچىك بالىلارنى ئىشقا بۇيرۇغاندەك ئىشقا بۇيرۇيتتى، بەزى ئىشلىرى دىتىغا ياقمىسا، سىلكىشلەيتتى. بالىلىرى دادىسىنىڭ گېپىنى ئىلىك ئېلىش ئۇياقتا تۇرسۇن، ئاپىسى ئۆزىنى بۇيرۇغان ئىشلارغا دادىسىنى بۇيرۇپ، تېلېۋىزوردىن باش كۆتۈرمەي، گاھىدا ئاچا – ئىنى ئىككىسى تىزگىنەك تالىشىپ ئۇرۇشۇپ قالغىنىنى ئاڭلاپ قالاتتۇق. بۇ قوشنام خوتۇنىنىڭ ھازازۇللىقىنى سۆزلەپ قالسا، ئىچىمىز ئاغرىپ تەسەللى بېرەتتۇق. ئۇنىڭ گېپىچە ئۇمۇ بالىلىرىنى، ئائىلىسىنى دەپلا خوتۇنىنىڭ تەكەببۇرلۇقىغا چىداپ ېلىۋېتىپتۇ.

    ئائىلە ئەر – ئايال ئىككى تەرەپنىڭ ‹‹بىر ياقىدىن باش، بىر يەڭدىن قول ›› چىقىرىشى، بىر – بىرىنىڭ ھۆرمىتىنى قىلىش، ئورۇنلۇق ئىشلىرىنى قوللاش، ئەھمىيەتلىك ئىشلارغا مەدەت ھەم ئىلھام بېرىشى، بالىلارنى ئورتاق تەربىيەلەش ۋە پەرۋىش قىلىشى ئارقىلىق روناق تاپىدۇ. ناۋادا ئائىلىدە بىر تەرەپ ھۆكۈمران بولۇپ، ئىمتىيازلىق بولۇۋالسا، يەنە بىر تەرەپنىڭ كۆڭلىدىن ئۆتمىگەن ئىشلار سەۋەبلىك ماجىرا تۈگىمەيدۇ. يەنە كېلىپ بىر قىسىم ئائىلىدە بالىلارمۇ ئائىلىدە كىمنىڭ گېپى ئۆتسە، بالىلارنىڭ ئارزۇ – تەلىپىنى كىم قاندۇرالىسا، شۇنىڭ گېپىنى بەكرەك ئاڭلايدۇ ھەم ھۆرمىتىنى قىلىدۇ.

    ئائىلىدە ئەر – ئايالنىڭ گېپى بىر يەردىن چىقسا، ئۆزئارا ھۆرمەت قىلىشسا، كۆيۈنسە، ئاتا – ئانىنىڭمۇ بالىلار ئالدىدا ئىناۋىتى بولىدۇ، بالىلارمۇ ئەدەپلىك، تەرتىپلىك، مەدەنىي چوڭ بولىدۇ ھەم ئاتا – ئانىسىنى ھۆرمەت قىلىدۇ. ھەرقانداق كىشىنىڭ ئىناۋىتى، قەدىر – قىممىتى ئالدى بىلەن ئائىلىدە تىكلىنىدۇ. ئائىلىسىدە ئىناۋىتى بولمىغان ئادەمنىڭ جەمئىيەتتە ئىناۋىتىنىڭ تىكلىنىشى بەكلا تەس.

(تەھرىر : سەپەر)

• ئەر – ئاياللاردىكى ھۆرمەت، بالىلاردىكى
• بالىلاردىكى بەتخەجلىكنىڭ سەۋەبچىسى كىم
• بالىلارنىڭ بېسىمىنىڭ ئېغىر بولۇشىدا ئا
• كىتاپ ئالغاندا بالىنىڭ قىزىقىشىنى ئويل
• بالىلارنىڭ ‹‹شەخسىيەتچى›› لىكىگە قان
• ياشانغانلاردىكى ئۇنۇتقاقلىقنى داۋالاي
• 10مىنۇتلۇق ھايات
• قانداق قىلغاندا ياخشى ئائىلە باشلىقى بو
• پەرزەنتىلەرنى تەربىيلەشنىڭ 10ياخشى پۇرس
• ئىناق ئائىلە كەيپىىياتىنى ساقلاش.
• قىز بالىنى بېقىشقا...
• ئاتا تەربىيەسى-ھايات ئوزۇقلۇقى.
• ئويلىغانلىرىمىزنى بالىلىرىمىزغا زورلا
• ئاتا مىراس نەسىھەتلەر
• بالىلار بىلەن ئوچۇق يورۇق مۇناسىۋەتتە ب
• ئىللىق ئائىلە شارائىتى ھازىرىلاش